Matiyo 16:18 - Maktub gə́ To gə Kəmee

¹⁸ Ma nja m’ulai təsərə: I to Piɛrə, dɔ mbal neelé m’a rɔd Eglisə ləm dɔ’g. Lé riri gə́ a gə teḛ gə tarəw gə́ ɓee lə yoo kara a koma̰ səa pi ya.

Matiyo 16:18 ပူးပေါင်းရင်းမြစ်များ

Gḭ-Néje 22:17

ndá m’a tɔr ndum dɔi’g ləm, m’a kar ŋgakaije d’ɔs goo na̰ gə́ kédé-kédé kar dee bula d’asəna gə kéréméje gə́ dara ləm, gə d’asəna gə nagəra gə́ to ta baa-boo-kad’g ləm tɔ. Tɔɓəi ŋgakaije lé d’a taa tarəwkɔg lə njéba̰je lə dee gə́ né ka̰ dee-deḛ ya.

2 Samel 18:4

Mbai lé ila dee keneŋ pana: M’a ra né gə́ seḭ ooje gə́ né gə́ maji lé ya. Bèe ɓa mbai lé rəm aar ne tarəwkɔg’d loo gə́ njérɔje lai teḛ ne gə kudu deḛ gə́ tɔl-tɔl (100) ləm, gə tɔl-dɔg-dɔg (1.000) ləm tɔ.

Maktub gə́ wɔji dɔ Jɔb 38:17

See tarəwkɔgje lə yoo to tag ari oo wa. See i oo tarəwkɔg lə ndil yoo wa.

Pakɔsje 107:18

Nésɔ gə́ rara kara to kḛji kəm dee’g ləm, D’isi ne ta yoo’g dəb ləm tɔ.

Pakɔsje 127:5

Rɔlel nai gə dəw gə́ ar kandə ɓandaŋg neelé rusu kuée. Loo gə́ yeḛ a kwɔji ta gə njéba̰je ləa takəi’g ndá Kəm sɔḭ a kwa kəmee el.

Pakɔsje 129:2

Un kudee loo gə́ m’nai basa ya ɓəi lé D’ulam ndubu lé d’aree asm ya Nɛ dum ɓa deḛ dum dɔm el.

Pakɔsje 69:12

Ma m’ula kubu-kwa-ndòo rɔm’g Ndá m’tel m’to ne nékɔrsu lə dee tɔ.

Pakɔsje 9:13

Mbata yeḛ dal ba̰ məs ləm, Yeḛ ar mée olé dɔ njénékəmndooje’g ləm tɔ,

Gosota-Kəmkàrje 24:7

Kəmkàr lé al dɔ mbə-dəw sula, Yeḛ askəm teḛ təa ja̰ tarəwkɔg’d el.

Esai 28:16

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, ma m’unda mbal gə́ moŋg kəi mee ɓee gə́ Sio̰, To mbal gə́ neán, To mbal kunda dɔ kum kəi gə́ gadee to yaa̰ Gə́ d’unda d’aree to njaŋg, Ndá yeḛ gə́ ɔm mée dɔ’g ndá A ndəb-ndəb kaḭ el.

Esai 28:6

Yeḛ a kar takə̰ji néra gə́ gə dɔ najee Wa meḛ deḛ gə́ d’isi loo-gaŋg-rəwta’g ləma, Yeḛ a to siŋgamoŋ mbata lə deḛ Gə́ d’ɔs njéba̰je rəw saar d’unda dee tarəwɓee’g ləa ləm tɔ.

Esai 38:10

Ma m’pana: Loo gə́ m’isi lɔm dan mee ndɔje’g ləm ndá See kəm karm m’ḭ m’aw Tarəwɓeeje’g lə njé gə́ d’wəi Lal ne ges ləbje gə́ nai lé wa!

Esai 54:17

Nérɔje lai gə́ dəwje ra mba rɔ ne səi lé D’a tel to né gə́ kari ba, Tapaje lai gə́ gaŋg ne rəwta dɔi’g lé I ɓa a kɔr ta kwa dee ne. Yee ɓa gə́ nédɔji lə kuraje lə Njesigənea̰, Yee ɓa gə́ kaji gə́ a kḭ rɔm’g teḛ rɔ dee’g, Njesigənea̰ ɓa pa bèe.

Junas 2:6

Manje neelé tur dɔm pubug Gə mba kar kəmə ləm godo, Ŋguru mán neelé tula dɔm yal ləm, Mu manje kara ɓindi na̰ dɔm’g ləm tɔ.

Matiyo 10:2

Ri njékaḭkulaje gə́ dɔg-gir-dee-joo lé ɓa nee: Simo̰, gə́ yeḛ ɓaree Piɛrə, deḛ gə Andre, ŋgokea̰ ləm, Jak, ŋgolə Jebede, deḛ gə Ja̰, ŋgokea̰ ləm,

Matiyo 11:23

I ɓee gə́ Kapernawum, see d’a kuni kundai tar dara wa. Wah! D’a rəm səi yəm saar gə́ ɓee lə yoo. Némɔrije gə́ deḛ ra mbuna sí’g, ɓó lé deḛ ra Sɔdɔm ndá saar ɓogənè kara Sɔdɔm a nai keneŋ ɓəi.

Matiyo 18:17

Ɓó lé yeḛ mbad koo ta lə dee ndá maji kari aw ula églisə taree. Ɓó lé yeḛ mbad koo ta lə églisə tɔɓəi ndá maji kar dee d’ée gə́ njetar-Ala ləm, gə njetaa lar-gədɓee ba ləm tɔ.

Matiyo 4:18

Loo gə́ yeḛ njaa dɔ koŋgo baa-boo gə́ Galile’g ndá yeḛ oo diŋgamje joo gə́ to gə́ ŋgako̰ na̰je, Simo̰ gə́ deḛ ɓaree Piɛrə, deḛ gə ŋgokea̰ Andre, d’aar d’ɔs bura lə dee mán mbata deḛ to gə́ njékawndo̰ kajije. Yeḛ ula deḛ pana:

Matiyo 7:24

Bèe ndá nana ɓa oo tapam, ra née ndá m’a kée gə́ dəw gə́ inja paw gə́ tum gin kəi ləa dɔ mbal’g.

Tagə́maji gə́ Ja̰ ndang 1:42

Yen ɓa yeḛ ɔr nea̰ aw səa rɔ Jeju’g. Jeju un kəmee ée ndá pana: I lé to Simo̰, ŋgon Junas. D’a ɓari Képas (tel ta koji sí ndá to kɔr mbal.)

Néra Njékaḭkulaje 2:47

Deḛ pidi ne Ala ləm, deḛ taa kəm dəwje rəgm ləm tɔ. Ndá deḛ gə́ d’aji lé Mbaidɔmbaije orè ne mareeje gə́ Eglisə’g gə ndəa-ndəa.

Néra Njékaḭkulaje 20:28

Bèe ndá arje meḛ sí dɔ rɔ sí’g ləm, aaje dɔ badə-kosoje gə́ Ndilmeenda unda sí gə́ njékaa dɔ deeje lé gə mba kar sí ulje Eglisə lə Mbaidɔmbaije gə́ yeḛ uga gə məsee-yeḛ nja ləm tɔ.

Néra Njékaḭkulaje 8:1

Sool ndigi sə dee rəgm gə mba kar dee tɔl Etien. Mee ndəa’g neelé nja d’ḭ d’ɔm na̰ dɔ Eglisə gə́ Jerusalem’g. Deḛ lai sanéna̰ dɔ ɓeeje gə́ Jude gə Samari ləm tɔ, nɛ njékaḭkulaje ɓa nai.

1 Njé gə́ Kɔrḭtə 15:55

Wah! yoo, see loo kun baŋga ləi to ra wa. Wah! yoo, see nékadje ləi to ra wa.

Njé gə́ Galati 2:9

Bèe ɓa loo gə́ deḛ d’oo noji gə́ d’wa səm lé ndá Jak gə Képas gə Ja̰ d’oo dee gə́ ŋgaw dan Eglisə lé d’wa jikɔl síjeḛ gə Barnabas d’ɔm sí ne sə dee na̰’d mba kar síjeḛ j’aw gə́ ɓee lə njépole-magəje nɛ deḛ lé d’a kaw gə́ ɓee lə njékḭja tamɔd deeje tɔ.

Njé gə́ Epesə 3:10

Mba kar mbɔl dɔ Eglisə lé dəw-dɔ-looje ləm, gə njéko̰ɓeeje gə́ dara gə́ tar ləm tɔ lé ɓasinè d’a gər ne kəmkàr lə Ala lé gə lée-lée

Njé gə́ Epesə 5:32

Ta neelé to gə ndəree ɓəi, yee ɓa ma m’pa m’wɔji ne dɔ Kristi gə dɔ Eglisə tɔ.

Njé gə́ Kolosə 1:18

Yeḛ to gə́ dəw dɔ Eglisə, yeḛ to doŋgɔr ləm, yeḛ to dəw gə́ doŋgɔr gə́ unda loo teḛ mbuna njé gə́ d’wəi’g ləm tɔ mba karee to gə́ doŋgɔr lə néje lai-lai.

1 Timote 3:15

ɓa ɓó lé gɔlm nai ti ɓəi ndá i a gər ne néje gə́ kəm ra mee kəi’g lə Ala gə́ to Eglisə lə Ala gə́ njesikəmba lé ləm, gə́ to gaji ŋgɔ-kag gə́ gəd kankəmta lé ləm tɔ.

1 Timote 3:5

Mbata ɓó lé dəw gər kaa dɔ kəi ləa-yeḛ el ndá see yeḛ a gər kaa dɔ Eglisə lə Ala loo gə́ ra gə́ wa.

Ǝbrəje 12:28

Gelee gə́ nee ɓa jeḛ gə́ j’iŋga ɓeeko̰ gə́ a yə el lé ar sí j’ar ta ra oiyo neelé ɔr wur sí’g el, ar sí j’ar rəw kwa Ala meḛ sí’g lé to ne gə́ taa kəmee rəgm ləm, ar sí n’ra gə meenda londoŋ gə kaar gəd ləm tɔ,

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.

Loo gə́ killa rea kəm Ja̰’g 21:14

Ndògo gə́ gugu dɔ ɓee-boo lé deḛ tum gelee dɔg-giree-joo ya ndá deḛ ndaŋg ri njékaḭkulaje lə Ŋgonbad gə́ dɔg-gir-dee-joo lé keneŋ.