Matiyo 15:4 - Maktub gə́ To gə Kəmee

⁴ Mbata Ala lé pana: Təd kag bɔbije gə kɔinje. Tɔɓəi dəw gə́ a kɔr gə bɔbeeje əsé kea̰je ndá debee neelé kəm tɔlee gə́ tɔl ya.

Matiyo 15:4 ပူးပေါင်းရင်းမြစ်များ

Teḛ-Raga 20:12

I a təd kag bauije gə kɔḭije mba kar dɔ naŋg nee gə́ Ala ləi gə́ Njesigənea̰ ari si keneŋ lé yeḛ a kɔm ndɔje ləi dɔ maree’g kari ya.

Teḛ-Raga 21:17

Dəw gə́ ɔr gə bɔbeeje əsé kea̰je ndá debee neelé d’a tɔlee gə́ tɔl ya.

Gosota-Kəmkàrje 20:20

Ɓó lé dəw ila ndɔl dɔ bɔbeeje’g əsé dɔ kea̰je’g ndá Pərndɔ ləa a kwəi misi dan loondul gə́ ndul njudu-njudu’g.

Gosota-Kəmkàrje 23:22

Oo ta lə bɔbije, yeḛ gə́ ojii ləm, Oo kɔinje gə́ né el loo gə́ yeḛ tel ɓuga lé el ləm tɔ.

Gosota-Kəmkàrje 30:17

Dəw gə́ ndaji ndu bɔbeeje kogo ne ləm, Ŋgonkoji gə́ kəm kila dɔ kea̰je’g kara Yeḛ ula sul dɔ’g ləm tɔ lé Ga̰-ga̰je gə́ d’isi mbuna kəm-rəw-manje’g mbuna mbalje’g lé D’a tɔr guburu kəmee ləm, ŋgan niŋgatə̰dəje d’a səa ləm tɔ.

Esai 8:20

Gə́ telje gə́ dɔ godndu gə dɔ kɔrgoota’g lé! Ɓó lé dəw pa togə́bè el ndá kàr gə́ a gə kuba mbata lə koso-dəwje lé a godo.

Ləbije 19:3

Nana kara gə́ mbuna sí’g lé a təd kag kea̰ gə bɔbee ləm, a kaa dɔ ndɔ ndɔ-kwa-rɔje ləm kər-kər ləm tɔ. Ma m’to Njesigənea̰, Ala lə sí ya.

Ləbije 20:9

Ɓó lé dəw gə́ rara ɓa taji bɔbeeje əsé kea̰je ndá kəm tɔlee gə́ tɔl ya, mbata yeḛ taji bɔbeeje əsé kea̰je ndá ta məsee a kwa dəa-yeḛ ya.

Matiyo 15:3

Yeḛ ila dee keneŋ pana: Ŋga see ban ɓa seḭ raje néjiɓee lə sí alje ne dɔ godndu Ala lé ɓəi wa.

Matiyo 15:5

Nɛ seḭ lé seḭ pajena: Yeḛ gə́ a kula bɔbeeje əsé kea̰je pana: Né gə́ i aw ndée ɓa m’a gə kari ya nɛ m’un gə́ kédé m’ar Ala lé mba̰. Ŋgon pa togə́bè lé seḭ ɔrje kəmee ɔgeeje kila riɓar dɔ bɔbeeje’g gə kea̰je’g tɔ.

Matiyo 19:19

i a tədkag bɔbije gə kɔinje ləma, i a kunda mari dan kəmi’g to gə́ i ra ne gə darɔi bèe ləm tɔ.

Matiyo 4:10

Yen ŋga Jeju ulá pana: Njekurai, ɔd tam’g gə gogo mbata deḛ ndaŋg mee maktub’g pana: Mbaidɔmbaije Ala ləi lé yeḛ ya kára ba ɓa i a kunda barmba nea̰’g ləm, yeḛ nja kára ba kiao ɓa i a ra né karee ləm tɔ.

Njé gə́ Rɔmə 3:31

Bèe ndá see meekun ɓa jeḛ n’tuji ne godndu wa. Wah! bèe el. Meekun ɓa jeḛ gəd ne godndu lé j’aree to njaŋg, yee ɓa to ta gə́ kɔl.

Njé gə́ Epesə 6:1

Ŋganje, ilaje ŋgonkoji dɔ njékoji síje’g gə goo rəw gə́ Mbaidɔmbaije ɓa wɔji mbata yee ɓa to né gə́ to gə goo rəbee.

Tel tura Godndu 27:16

Meeko̰ a koso dɔ dəw gə́ ila ndɔl dɔ bɔbeeje’g əsé kea̰je’g! Ndá koso-dəwje lai d’a kila dee keneŋ pana: A to togə́bè ya!

Tel tura Godndu 5:16

Təd kag bɔbije gə kɔinje to gə́ Ala ləi gə́ Njesigənea̰ un ne ndia ari gə mba kar ndɔje ləi d’ḭ ne dɔ maree’d gə́ kédé-kédé ləm, gə mba kar rɔi leli ne mee ɓee gə́ Ala ləi ari lé ləm tɔ.