Matiyo 15:31 - Maktub gə́ To gə Kəmee

³¹ Boo-dəwje d’ila ji dee ta dee’g sud mbata deḛ d’oo njégwɔskuduje pata njai-njai ləm, deḛ gə́ dəb rɔ dee wəi wɔ-wɔ kara rɔ dee kila kɔd-kɔd ləm, njémədje kara d’aw tar njam-njam ləma, njékəmtɔje nja kara d’oo loo njai-njai ləm tɔ. Bèe ɓa boo-dəwje neelé d’ula ne rɔnduba dɔ Ala’g lə Israɛlje lé tɔ.

Matiyo 15:31 ပူးပေါင်းရင်းမြစ်များ

Gḭ-Néje 32:28

Yeḛ dəjee pana: See rii lə nawa. Jakob ilá keneŋ pana: Rim lə Jakob.

Gḭ-Néje 33:20

Lée neelé yeḛ ra loo-nékinjaməs keneŋ unda ne ria lə El-Elohe-Israɛl kɔr gelee pana: Ala lə Israɛlje lé.

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Pakɔsje 50:23

Yeḛ gə́ inja nékinjaməs gə́ ka̰ kɔm na̰’d sad lé Yeḛ nja ɓa ula rɔnduba dɔ neḛ’g, Yeḛ gə́ tɔs kəmee bao-bao dɔ rəw-kabee’g lé N’a kar kəmee inja dɔ kaji’g lə Ala ya.

Teḛ-Raga 24:10

Deḛ d’oo Ala lə Israɛlje, loo gə́ gel gɔlee’g to asəna gə né gə́ ra gə jər sapir gə́ ndogó jol-jol bèe ləm, asəna gə dara gə́ tḭja péd-péd bèe ləm tɔ.

Matiyo 15:30

Yen ɓaa boo-dəwje gə́ bula digi-digi rəm pər gə́ rəa’g. Deḛ ree gə njémədje ləm, gə njékəmtɔje ləm, gə njégwɔskuduje ləm, gə deḛ gə́ dəb rɔ dee wəi wɔ-wɔ ləma, gə njérɔko̰je gə́ gə ria-ria ləm tɔ. D’odo dee d’ɔm dee naŋg gɔl Jeju’g rib-rib ndá yeḛ aji dee tɔ.

Matiyo 18:8

Ɓó lé jii əsé gɔli ɓa odi loo-kaiya’g kɔrəm ndá inja badə gaŋg unda piriŋ ila kɔ, aw gə jii dum əsé məd-dəw gə́ loo gə́ a si gə kəmə keneŋ lé maji unda kaw gə jii bɔr əsé gɔli bɔr kar dee d’wai d’ilai dan pər gə́ a ko̰ bilim-bilim gə no̰ lé.

Matiyo 21:14

Yen ŋga, njékəmtɔje rəm pər gə́ rəa’g mee kəi-Ala’g ndá yeḛ aji dee.

Matiyo 8:10

Loo gə́ Jeju oo tapea ndá kaaree wá paḭ aree ula deḛ gə́ ndɔm na̰ gée’g lé pana: Ma m’ula sí təsərə, mee ɓee gə́ Israɛl’g ya kara ma m’iŋga boo-meekun gə́ togə́bè kəm kára el ɓəi.

Matiyo 9:32

Loo gə́ d’isi d’aw ɓəi ndá dəwje ree gə njegwɔskudu kára rəa’g. Loo gə́ Jeju tuba ndil gə́ majel mée’g ndá njegwɔskudu lé pata.

Matiyo 9:33

Koso-dəwje lé kaar dee wa dee paḭ ar dee pana: Wah, jeḛ j’oo né gə́ togə́bè lé ɓee lə Israɛlje gɔl kára el nja ɓəi.

Matiyo 9:8

Loo gə́ koso-dəwje d’oo ndá deḛ ɓəl, d’ula ne rɔnduba dɔ Ala gə́ njekar rɔ dəwje ŋgəŋ togə́bè lé.

Mark 2:12

Léegəneeya dəw neelé ḭta un nétée ɔd aw ne raga kəm dee’g təsərə ndá kaar dee wa dee paḭ ar dee tel pidi Ala pana: Jeḛ j’ooje né gə́ togə́bè kédé gɔl kára nda̰ el ɓəi.

Mark 7:37

Kaar dee wa dee paḭ-paḭ ar dee pana: Néje lai gə́ yeḛ ra lé yeḛ ra aree maji ɔr njoroŋ ya: Yeḛ ar mbi njémbikuduje mbudu ləm, deḛ gə́ gwɔs dee tɔ kɔrəm-kɔrəm kara yeḛ ar dee pata njai-njai ləm tɔ.

Mark 9:43

Ɓó lé jii to né gə́ ɔsi ilai dan kaiya’g ndá tuga badə gaŋg.

Lugu 14:13

Nɛ loo gə́ i ra naḭ lé ndá maji kari ɓar njéndooje ləm, gə njé gə́ dəb rɔ dee wəi wɔ-wɔ ləm, gə njémədje ləma, gə njékəmtɔje ləm tɔ.

Lugu 14:21

Kura lé tel ndaji taree lai ar ɓéeje. Yen ŋga mee njekəi lé ḭ səa pu aree ula kura ləa lé pana: Ɔd rad gə tɔgi aw ndaa-looje’g gə mba̰-rəwje gə́ mee ɓee’g, ɓar njéndooje ləm, gə njé gə́ dəb rɔ dee wəi wɔ-wɔ lé ləm, gə njékəmtɔje ləma, gə njémədje ləm tɔ, ree sə dee rɔm’g nee.

Lugu 18:43

Léegəneeya yeḛ oo loo ndá yeḛ un rəw si njaa goo Jeju’g ləm, yeḛ pidi Ala ləm tɔ. Koso-dəwje lai neelé loo gə́ deḛ d’oo ndá deḛ pidi ne Ala tɔ.

Lugu 7:16

Koso-dəwje lai neelé ɓəl unda dee badə gaŋg dee ar dee pidi Ala pana: Ŋgɔ-njetegginta gə́ dum ya to ŋga, unda loo teḛ mbuna sí’g. To Ala nja ɓa ila ne kəm koso-dəwje ləa toro’g.

Tagə́maji gə́ Ja̰ ndang 9:24

Parisiḛje tel ɓar yeḛ gə́ kédé to njekəmtɔ neelé gɔl joo d’ulá pana: Maji kari ula rɔnduba dɔ Ala’g, jeḛ n’gər gao dəw neelé to gə́ njekaiya ya.