Matiyo 15:19 - Maktub gə́ To gə Kəmee

¹⁹ Mbata takə̰ji gə́ majel ləm, gə tɔl gə́ dəw tɔl maree ləm, gə mɔdkaiya ləm, gə kaw gə́ balgogé ləm, gə ɓogo ləm, gə ta gə́ kɔr gaŋg dəa badə-badə ləma, gə tɔr maji rɔ mari’g rɔd-rɔd ləm tɔ lé to néje d’ḭ mee dəw’g gə́ kəi.

Matiyo 15:19 ပူးပေါင်းရင်းမြစ်များ

Gḭ-Néje 6:5

Njesigənea̰ oo to gə́ meeyèr lə dəwje gə́ dɔ naŋg nee to yaa̰ ləm, takə̰jije gə́ meḛ dee’g lai lé wɔji dɔ né gə́ majel ya goo kára ba gə ndɔ dee ndɔ dee ləm tɔ.

Gḭ-Néje 8:21

Njesigənea̰ taa baḭ né gə́ ə̰də lel ndá yeḛ pa mée’g pana: M’a Man naŋg neelé gə mbata lə dəw lé gogo el ŋga, mbata dəw lé un kudee gə́ kasee ba saar gə́ kédé-kédé lé takə̰ji gə́ mée’g majel ya, tɔɓəi m’a tel tuji néje lai gə́ d’aw kəmba lé to gə́ m’ra kédé lé el ŋga tɔ.

Pakɔsje 119:113

Dəwje gə́ njémeebəŋgərəje lé M’ə̰ji dee bəḭ-bəḭ, Nɛ godndui lé ɓa m’unda dan kəm’g.

Gosota-Kəmkàrje 22:15

Mbə wa mee ŋgon, Ndá ndəi kwɔji kəmkàr a kɔree mée’g kilá əw.

Gosota-Kəmkàrje 24:9

Takə̰ji lə mbə lé wɔji dɔ kaiya ya goo kára ba, Yeḛ gə́ njekula sul dɔ loo’g lé to né gə́ mina̰ mbuna dəwje’g tɔ.

Gosota-Kəmkàrje 4:23

Ŋgəm məəi’g maji unda néje gə́ raŋg lai Mbata yee nee ɓa ŋgira sikəmba ḭ keneŋ.

Gosota-Kəmkàrje 6:14

Néra gə́ kori-kori to dɔɓəŋgəree’g ləm, Yeḛ la̰ji tor néra gə́ majel mée’g ta-ta ləma, Yeḛ to njekɔs gel takɔl na̰ ləm tɔ.

Esai 55:7

Maji kar njemeeyèr uba goo rəw ləa ya̰ ləm, Maji kar dəw gə́ njera né kori-kori uba goo takə̰jije ləa ya̰ ləm tɔ, Maji karee tel ree rɔ Njesigənea̰’g Mbata yeḛ a koo kəmtondoo ləa ləm, Maji karee tel ree rɔ Ala’g lə sí Gə́ rəa asee dɔ meekoso lemsé’g el ləm tɔ.

Esai 59:7

Gɔl dee un dee pélè-pélè Gə́ dɔ néra gə́ majel’g ləm, D’ɔs rɔ dee ɓad Gə mba kila məs dəw gə́ ta wa dəa el lé ləm tɔ, Takə̰jije lə dee to takə̰ji néra gə́ kori-kori ləm, Tuji gə tuji-boo to rəw-kaw dee’g ləm tɔ.

Jeremi 17:9

Mee dəw ɓa ulá na̰’d Unda néje gə́ raŋg lai, Meeyèr taa loo keneŋ pəl-pəl, See na̰ askəm gər né gə́ to keneŋ wa.

Jeremi 4:14

Seḭ gə́ Jerusalem, maji kar sí togoje Némajel gə́ to dɔɓəŋgərə sí’g Ɓó gə ajije ne! See saar ndɔ gə́ ra ɓa seḭ a kundaje ŋgaŋ Ŋgəm takə̰jije gə́ majel meḛ sí’g wa.

Bula lə Israɛlje 22:29

Balaam tel ila ko̰-mulayḛ̀je’g pana: Mbata i kən səm, ɓó lé kiambas to jim’g ndá m’a tɔli gə́ léegəneeya.

Matiyo 15:20

Néje lai neelé ɓa gə́ néje gə́ ar dəw mina̰ ne jɔmri-jɔmri ɓó sɔ né lal togo ji ɓa gə́ né gə́ ar dəw mina̰ ne el.

Matiyo 5:28

Nɛ ma nja m’ula sí, nana ɓa gə́ aa dené gə kəmnda ilá pad ndá mée ndalee jəgm mba̰.

Matiyo 9:4

Jeju gər takə̰ji lə dee gao ndá yeḛ dəji dee pana: See ban ɓa seḭ ə̰jije ta gə́ yèr meḛ sí’g, ɔmje dɔm’g wa.

Néra Njékaḭkulaje 8:22

Wa ndòo rɔi dɔ némeeyèr’g ləi, ra ndòo rɔ Mbaidɔmbaije’g ɓa dɔmaji-nà mée a ti mbidi dɔ takə̰ji’g ləi ɓəi,

Njé gə́ Rɔmə 7:18

Ma m’gər gao, né gə́ maji kára kara to məəm’g el, yee ɓa wɔji dɔ darɔm, mbata m’oo loo gə mba kwɔji né gə́ maji məəm’g gə mba ra nɛ tɔg rəa ləm godo.