Matiyo 15:17 - Maktub gə́ To gə Kəmee

¹⁷ Né gə́ ḭ ta dəw’g aw mée’g lé tel né gə́ majel aree ɓugu loo-ŋgəḭ’g walá. See ooje njai el wa.

Matiyo 15:17 ပူးပေါင်းရင်းမြစ်များ

2 Mbaije 10:27

Deḛ t’ɔs néndaji magə-Baal tila ləm, deḛ kunda kəi lə magə-Baal pɔs-pɔs tɔ ləm tɔ ndá d’ar lé neelé to gə́ ɓiri-ɓisi saar teḛ mee ndəa gən tɔ.

Matiyo 15:16

Jeju ila dee keneŋ pana: See seḭje kara kəm sí inja el nja dɔrɔ ɓəi wa.

Matiyo 15:18

Nɛ né gə́ ḭ mee dəw’g teḛ təa gə́ raga lé yee ɓa ar dəw mina̰ ne jɔmri-jɔmri.

Mark 7:19

Mbata né neelé oso kəi-ɓə̰gəree’g el, nɛ oso jəbəlee’g ɓa aw saar oso looje gə́ to loo-kiya’g, loo gə́ won nésɔje ɔr keneŋ ndɔs-ndɔs lé ɓəi.

Lugu 6:45

Dəw gə́ maji lé né gə́ maji gə́ to dɔɓəŋgəree’g ɓa a teḛ gə́ raga ɓəi, nɛ dəw gə́ njemeeyèr lé né gə́ majel gə́ to dɔɓəŋgəree’g ɓa a teḛ gə́ raga ɓəi tɔ, mbata né gə́ ɔs kɔr mee dəw’g lé ɓa a teḛ təa’g karee pa ɓəi tɔ.

1 Njé gə́ Kɔrḭtə 6:13

Nésɔje gə́ gə ria-ria kara to mbata lə mee dəw ləm, mee dəw kara to mbata lə nésɔje ləm tɔ. Ndá Ala a gə tuji yee gə́ nee gə yee gə́ nḛ, joo bɔr. Darɔ dəw lé to mba mɔdkaiya el, nɛ to mba ra kula lə Mbaidɔmbaije ɓa Mbaidɔmbaije kara to dəw dɔ darɔ tɔ.

Maktub gə́ Jak ula ne ar ngan-Allaje 3:6

Ndo̰ sí kara to pər tɔ. Yee to njekul kó néra gə́ kori-kori. Ndo̰ sí uba mbuna barkəmrɔ sí’g ar yiro uba barkəmrɔ sí’g bo̰-bo̰ ləm, ula pər meḛ sí’g biriri-biriri ləm tɔ. Pər gə́ yee ula meḛ sí’g lé ḭ gehene.