Matiyo 15:10 - Maktub gə́ To gə Kəmee

¹⁰ Yen ɓa yeḛ ɓar boo-dəwje gə́ rəa’g lé ula dee pana: Undaje mbi sí ooje ne ta nee ɓó gə gərje gosee.

Matiyo 15:10 ပူးပေါင်းရင်းမြစ်များ

1 Mbaije 22:28

Bèe ɓa Mise ilá keneŋ pana: Ɓó lé i tel ree gə meekulɔm ya ndá Njesigənea̰ pata gə ndum el. Yeḛ ila ta keneŋ tɔɓəi pana: Seḭ koso-dəwje lai, maji kar sí ooje ya!

Esai 55:3

Urje mbi sí gèŋ, Ndá gə́ reeje rɔm’g, Ooje ta ndá A síje ne kəmba. M’a kun ndum kar sí Gə ndu manrɔ gə́ to gə no̰ Gə mba kar némeemaji gə́ m’ra gə Dabid lé To ne njaŋg.

Esai 6:9

Yen ŋga yeḛ pana: Maji kam m’aw ndá m’ula koso-dəwje neelé m’pana: Seḭ a kooje gə mbi sí ya Nɛ a ɓar mbi sí’d gə́ ɓar Ɓó a gərje ginee el ləm, Seḭ a kooje gə kəm sí ya Nɛ a kaaje gə́ kaa mbə̰ ləm tɔ.

Matiyo 13:19

Loo gə́ dəw oo ta lə ɓeeko̰ lé nɛ yeḛ gər ginee el ndá njegosoyèr ree ɔr kandə né gə́ oso mée’g ho̰d ndá mee dəw neelé to asəna gə kag-rəw gə́ kandə kər lé wa naŋg keneŋ.

Matiyo 15:11

Né gə́ ḭ mee dəw’g teḛ təa’g ɓa a karee mina̰ ne ɓó né gə́ ḭ ta dəw’g aw mée’g ndá a karee mina̰ ne el.

Matiyo 15:9

Deḛ tədkagm gə mḭdé-mḭdé ba Ndoo dee ne ndukunje gə́ to gə́ torndu dəwje ba.

Matiyo 24:15

Gelee gə́ nee ɓa loo gə́ seḭ a kooje né gə́ mina̰ gə́ ka̰ tuji ne loo gə́ d’ula ne sul dɔ loo gə́ to gə kəmee to gə́ njetegginta Daniel pa taree mee maktub’g lé (maji kar yeḛ gə́ tura maktubee lé aa rəa dɔ’g kər-kər ya.)

Lugu 24:45

Yen ŋga yeḛ ar meḛ dee tɔ kujita gə mba kar dee gər ne gin ta gə́ mee maktub gə́ to gə kəmee lé tɔ.

Njé gə́ Epesə 1:17

Ma m’ra tamaji mba kar Ala lə Jeju Kristi, Mbaidɔmbaije lə sí gə́ to Bɔ rɔnduba lé a kar sí ndil gə́ ka̰ kəmkàr ləm, a kar kəm sí inja kar sí gərje ne ndiaa təsərə ləm tɔ.

Njé gə́ Kolosə 1:9

Gelee nee ɓa, jeḛ kara un kudee mee ndəa gə́ taree oso mbi sí’g lé jeḛ n’lal ra tamaji ta Ala’g lé mbata lə sí el. Jeḛ n’kwɔiee mba kar sí gərje né gə́ mée ɓa wɔji lé kɔrje ne suna njal gə goo kəmkàr gə gosonégər gə́ ka̰ ndil gə́ rusu meḛ sí njḭ-njḭ lé.

Maktub gə́ Jak ula ne ar ngan-Allaje 1:5

Lé nana ɓa mbuna sí’g kəmee inja njai el ɓəi ndá maji karee dəji Ala kəmkàr, yeḛ gə́ nana kara aree né gə́ kar ɓó yeḛ tura gée el, yeḛ a karee kəmkàr ya.