Matiyo 14:5 - Maktub gə́ To gə Kəmee

⁵ Herɔdə lé ndigi tɔl Ja̰ gə́ tɔl ya nɛ yeḛ ɓəl koso-dəwje gə́ d’ée gə́ njetegginta lé.

Matiyo 14:5 ပူးပေါင်းရင်းမြစ်များ

Jeremi 26:21

Mbai Jojakim ləm, gə bao-rɔje ləa ləma, gə ŋgan-mbaije ləa lai ləm tɔ d’oo taje ləa nee ndá mbai saŋg loo mba kar dee tɔlee. Uri oo taree ndá yeḛ ɓəl, tɔɓəi aḭ aw ɓee gə́ Ejiptə.

Matiyo 11:9

See né ɗi ɓa seḭ awje keneŋ mba kooje wa. See awje mba kooje njetegginta wa. To togə́bè ya, ma nja m’ula sí, yeḛ lé ur dɔ njetegginta’g ya,

Matiyo 21:26

Ɓó lé j’a pana: To gə́ ka̰ dəwje ndá kara jeḛ m’ɓəl meḛ sí’g pana: Dəwje d’a ndigi sə sí el mbata d’oo Ja̰ gə́ njetegginta ya.

Matiyo 21:32

Mbata Ja̰ lé ree rɔ sí’g gə rəw gə́ meekarabasur nɛ seḭ ɔmje meḛ sí dəa’g el. Nɛ njétaa lar-gədɓeeje ləm, gə kaiya-denéje ləm tɔ ɓa d’ɔm meḛ dee dəa’g ya. Loo gə́ seḭ ooje bèe ndá seḭ waje ndòo rɔ sí dɔ kaiya’g lə sí mba kɔmje ne meḛ sí dəa’g el.

Lugu 20:6

Nɛ ɓó lé j’a kilá keneŋ pana: Batɛm lə Ja̰ lé ḭ rɔ dəwje’g ndá kara koso-dəwje lai neelé d’a tila sí gə kɔri-ər mbata deḛ lé d’oo Ja̰ gə́ njetegginta gə́ gəd ya.

Néra Njékaḭkulaje 4:21

Deḛ d’ḭ d’ɔg dee rədədə dɔ’g gɔl kára ɓəi ɓa tel d’ɔm dee tar, deḛ d’oo loo ra sə dee né el mbata koso-dəwje lai d’ula rɔnduba dɔ Ala’g wɔji dɔ né gə́ teḛ togə́bè’g lé.

Néra Njékaḭkulaje 5:26

Yen ŋga ɓé-njérɔje lé ɔr njéŋgəmlooje ɔm dee dəa’g aw wa dee tel ree sə dee nɛ gə siŋgamoŋ el mbata deḛ ɓəl nà banelə koso-dəwje d’a kḭ tila dee gə kɔri-ər.