Matiyo 14:3 - Maktub gə́ To gə Kəmee

³ Mbata Herɔdə lé taa ta lə Herodias, dené lə ŋgokea̰ Pilibə wa ne Ja̰ teá ne ndər-ndər ilá ne daŋgai’g duu-loo’g.

Matiyo 14:3 ပူးပေါင်းရင်းမြစ်များ

Matiyo 11:2

Ja̰ gə́ si daŋgai’g lé loo gə́ yeḛ oo ta néraje lə Kristi lé ndá yeḛ ula njékwakiláje mba kar dee dəjee pana:

Matiyo 14:6

Nɛ loo gə́ deḛ ra naḭ ləb koji Herɔdə lé ndá ŋgon Herodias gə́ ma̰də uba là dan njéndamje’g aree uru mee Herɔdə’g ndá léegəneeya, yeḛ ubu rəa aree pana:

Matiyo 4:12

Loo gə́ Jeju oo ta lə Ja̰ gə́ d’ilá daŋgai’g lé ndá yeḛ sa rəa aw Galile.

Mark 6:14

Ri Jeju gə́ ɓar lé oso mbi Herɔdə’g, mbai lé ndá yeḛ pana: To Ja̰ Njera-batɛm gə́ unda loo teḛ dan njé gə́ d’wəi’g, yee ɓa yeḛ ra ne némɔrije togə́bè gə mbəa.

Mark 6:17

Mbata kédé lé Herɔdə ar dee d’wa Ja̰ teá d’ilá daŋgai’g. Mbata Herɔdə lé taa Herodias, dené lə ŋgokea̰ Pilibə gə́ dené ləa

Mark 6:19

Herodias lé ra meeko̰ dɔ Ja̰’g, ndigi mba tɔlee.

Mark 6:22

Ŋgon Herodias gə́ ma̰də lé ur dɔ dee’g mee kəi-ra-naḭ’g lé ndá yeḛ là aree taa kəm Herɔdə ləm, gə kəm njéboanésɔje ləa ləm tɔ. Mbai lé ula ŋgoma̰də lé pana: Lé riri ɓa lé i a kwɔim ndá kara m’a kari née ya.

Mark 8:15

Jeju ndəji dee bər-bər pana: Aaje rɔ sí kər-kər mba kar né gə́ ar nduji ti gə́ ka̰ Parisiḛje gə ka̰ Herɔdə lé tibi mbɔr sí el.

Lugu 13:1

Mee ndəa’g neelé njé gə́ na̰je gə́ d’aar keneŋ, d’ɔr sor né gə́ teḛ dɔ njé gə́ Galile’g lé d’ar Jeju oo, to né gə́ Pilatə ra loo gə́ yeḛ podé məs dəwje neelé gə məs néje gə́ d’inja gə́ məs lé na̰’d.

Lugu 13:31

Mee ndəa neelé nja Parisiḛje gə́ na̰je ree rəa’g d’ulá pana: Ɔd loo gə́ nee’g aw mbata Herɔdə saŋg rəw gə mba tɔli.

Lugu 23:11

Yen ŋga Herɔdə gə njéŋgəmlooje ləa d’ée gə́ dəw el, tɔɓəi loo gə́ d’ula sul dəa’g ləm, d’ula kubu gə́ ndoolé yḛd-yḛd rəa’g ləm tɔ ndá d’ar dee tel d’aw səa rɔ Pilatə’g.

Lugu 23:7

Ndá loo gə́ yeḛ gəree gə́ ka̰ Herɔdə ndá yeḛ ar dee d’ḭ d’aw səa rɔ Herɔdə’g mbata ndəa neelé Herɔdə ree Jerusalem tɔ.

Lugu 3:1

Mee ləb ko̰ɓee lə Tiber Sesar gə́ aḭ dɔg-giree-mi lé to mee ləb gə́ Po̰sə Pilatə to ne njeguburuɓee gə́ Jude ləm, Herɔdə to ne njeguburu dəb ɓee gə́ Galile ləm, ŋgokea̰ Pilibə kara to ne njeguburu dəb ɓee gə́ Ituree gə dɔ naŋg gə́ gugu dɔ Trakonitə ləma, Lisanias to ne njeguburu dəb ɓee gə́ Abilene ləm tɔ.

Lugu 8:3

gə Jan dené lə Suja gə́ njekaa dɔ kəi lə Herɔdə ləm, gə Sujan ləma, gə njé gə́ raŋg gə́ d’aw la sə dee gə nékiŋgaje lə dee ləm tɔ.

Néra Njékaḭkulaje 12:1

Mee ləb’g neelé Herɔdə, mbai lé ḭ ula kəm barkəm Eglisəje gə́ na̰je ndòo.

Néra Njékaḭkulaje 4:27

Tɔgərɔ ya Herɔdə gə Po̰sə Pilatə d’ɔm na̰’d téréré gə ginkoji dəwje gə raŋg gə Israɛlje gə́ mee ɓee’g neelé mba kḭ gə kura ləi Jeju gə́ i wa dəa gə ubu ɔree unda ne gə kəmee doi lé ya