Matiyo 14:19 - Maktub gə́ To gə Kəmee

¹⁹ Yeḛ ar boo-dəwje neelé d’unda naŋg dɔ mu’g mburug ndá yeḛ odo pil muru gə́ mi ləm gə ka̰jije joo ləm tɔ ɓa yeḛ un kəmee gə́ tar ra ne Ala lé oiyo. Gée gə́ gogo yeḛ odo pil muru təd dana ar njékwakiláje mba kar dee kai boo-dəwje neelé.

Matiyo 14:19 ပူးပေါင်းရင်းမြစ်များ

Matiyo 14:18

Yeḛ ula dee pana: Amje gə́ nee.

Mark 6:39

Yen ŋga yeḛ un ndia mba kar dee d’ar dəwje lai d’isi naŋg gə kudu dee kudu dee dɔ mu gə́ idi lururu’g

Mark 6:41

Tɔɓəi yeḛ odo pil muru gə́ mi gə ka̰jije gə́ joo lé aa ne loo gə́ dara ɓa ra oiyo dɔ’g. Tɔɓəi yeḛ wa muru gaji dana ar njékwakiláje mba kar dee d’ar boo-dəwje lé. Yeḛ kai dee ka̰jije gə́ joo neelé mbuna dee’g lai tɔ.

Mark 7:34

Tɔɓəi yeḛ tel kəmee gə́ dara lé ila mée pugudu pana: Epata, (tel takɔji sí teḛ tai).

Lugu 22:17

Tɔɓəi yeḛ un ŋgo-kai-né gə́ mán-nduú to keneŋ ra ne Ala oiyo ɓa ula ar dee pana: Taaje tɔsje ta na̰’g,

Lugu 22:19

Tɔɓəi Jeju un pil muru kára bèe ra oiyo dɔ’g ɓa wa gaji dana ar dee ula dee pana: Yee gə́ neelé to gə́ darɔm gə́ m’ya̰ m’ar sí, raje togə́bè mba kar meḛ sí olé ne dɔm’g.

Lugu 24:30

Loo gə́ yeḛ si sə dee ta nésɔ’g ndá yeḛ un muru ra oiyo ɓa ya̰ gaji dana ar dee.

Lugu 9:14

Diŋgamje gə́ d’aar keneŋ lé d’as tɔl-dɔg-loo-mi. Jeju ula njékwakiláje pana: Ar deeje d’isi gə kudu dee kudu dee rɔ-mi rɔ-mi.

Lugu 9:16

Jeju odo pil muru gə́ mi gə ka̰jije gə́ joo neelé un ne kəmee aa ne loo gə́ dara tar tɔr ne ndia dɔ’g. Tɔɓəi yeḛ wa gaji, tula ji njékwakiláje’g gə mba kar dee kai boo-dəwje neelé tɔ.

Tagə́maji gə́ Ja̰ ndang 11:41

Yen ŋga deḛ nduburu biri mbal lé. Jeju ila kəmee gə́ tar pana: Bɔm, m’rai oiyo mbata tamaji gə́ m’ra lé taa né jii’g am ya.

Tagə́maji gə́ Ja̰ ndang 6:23

Bèlè lookàree toje gə́ raŋg d’ḭ Tiberiad mbɔr loo gə́ Mbaidɔmbaije ra Ala oiyo keneŋ ar dee d’o̰ ne muru lé.

Néra Njékaḭkulaje 27:35

Loo gə́ yeḛ pa togə́bè ndá yeḛ un muru ra Ala oiyo kəm dee’g lai ɓa yeḛ wa gajee ula təa’g aar sɔ.

Njé gə́ Rɔmə 14:6

Yeḛ ɔr kəm ndɔje lé ɔr kəm dee togə́bè mbata lə Mbaidɔmbaije ya. Yeḛ gə́ sɔ né lé yeḛ sɔ mbata lə Mbaidɔmbaije mbata yeḛ ra ne Ala lé oiyo ləm, yeḛ gə́ ɔr kəm nésɔje lé yeḛ ra mbata lə Mbaidɔmbaije ya to mbata yeḛ ra ne Ala oiyo ləm tɔ.

1 Njé gə́ Kɔrḭtə 10:16

Ŋgo-kai-né gə́ Ala tɔr ne ndia dɔ sí’g gə jeḛ n’tɔr ne ndu sí dɔ’g lé see to né gə́ ɔm meḛ sí na̰’d sad gə məs Kristi lé el wa. Muru gə́ jeḛ j’wa n’gaji lé see to né gə́ ɔm sí na̰’d gə darɔ Kristi lé el wa.

1 Njé gə́ Kɔrḭtə 10:31

Bèe ndá lé né gə́ sɔje əsé né gə́ aije əsé né gə́ rara gə́ seḭ raje kara maji kula ne rɔnduba dɔ Ala’g lé.

1 Njé gə́ Kɔrḭtə 11:24

tɔɓəi loo gə́ yeḛ ra Ala lé oiyo ndá yeḛ wa gaji dana ɓəi pana: Yee gə́ nee to gə́ darɔm gə́ m’ya̰ m’ar sí. Raje togə́bè gə mba kar meḛ sí olé ne dɔm’g.

Njé gə́ Kolosə 3:17

Né gə́ rara gə́ seḭ raje lé tapa sí əsé néra sí kara raje gə ri Mbaidɔmbaije Jeju, raje ne Ala Bɔ-dəwje oiyo gə mbəa-yeḛ nja tɔ.

1 Samel 9:13

Loo gə́ seḭ a ka̰dje mee ɓee-boo’g ndá seḭ a kḭgáje kédé ɓa yeḛ a kal kaw dɔdərloo’g tar mba sɔ né ɓəi. Koso-dəwje d’a sɔ né kédé ɓa karee-yeḛ ree el, mbata yeḛ ɓa a gə tɔr ndia dɔ nékinjaməs’g ɓa gée gə́ gogo deḛ gə́ ɓar dee ɓar nésɔ lé d’a sɔ ɓəi. Awje ɓasinè ndá a kḭgáje ya.