Matiyo 13:57 - Maktub gə́ To gə Kəmee

⁵⁷ Yee gə́ neelé to gə́ né kun gɔl dee kar dee d’oso ne ya. Nɛ Jeju ila dee keneŋ pana: Njetegginta lé d’a kḛjee bəḭ-bəḭ mee ɓee-kojee’g əsé mbuna njémeekəije’g ləa ɓa.

Matiyo 13:57 ပူးပေါင်းရင်းမြစ်များ

Esai 49:7

Njesigənea̰ gə́ to njekoga-dɔ-loo ləm, Gə Njerɔkunda lə Israɛlje ləm tɔ pa togə́bè Ar yeḛ gə́ d’ə̰jee bəḭ-bəḭ Gə́ to né gə́ to kḛji kəm koso-dəwje’g ləm, Ar yeḛ gə́ to ɓər lə njésiŋgamoŋje ləm tɔ pana: Mbaije d’a kée ndá d’a kuba naŋg kḭ ləm, Mbaije kara d’a kunda barmba nea̰’g ləm tɔ, Mbata lə Njesigənea̰ gə́ to njemeenda londoŋ ləm, Mbata lə Njerɔkunda lə Israɛlje gə́ ɔrm ləm tɔ.

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Esai 8:14

Ndá yeḛ a to kəi gə́ to gə kəmee Nɛ yeḛ a to pil mbal gə́ a tuga gɔl dee ləm, Gə kɔr mbal gə́ a kar gel ka Israɛlje gə́ joo d’ɔr d’oso ne ləma, Yeḛ a to gum gə ba̰də Gə mba kwa ne njé gə́ Jerusalem ləm tɔ.

Matiyo 11:6

Rɔlel a nai gə yeḛ gə́ oom gə́ dəw gə́ njekun gɔlee karee oso el lé.

Matiyo 13:58

Yeḛ ra némɔrije bula ɓee lə dee el mbata d’un mbi dee ndogo ne lel dɔ ta’g ləa.

Mark 6:1

Jeju ḭ lée’g neelé ɔd aw gə́ ɓee-kojee’g. Njékwakiláje d’ɔm na̰ gée’g d’aw səa tɔ.

Mark 6:14

Ri Jeju gə́ ɓar lé oso mbi Herɔdə’g, mbai lé ndá yeḛ pana: To Ja̰ Njera-batɛm gə́ unda loo teḛ dan njé gə́ d’wəi’g, yee ɓa yeḛ ra ne némɔrije togə́bè gə mbəa.

Mark 6:3

See yeḛ lé to njera-kula-kagje gə́ to ŋgolə Mari ləm, gə ŋgoko̰ Jak gə Joses gə Juda gə Simo̰ ləm tɔ lé el wa. See kɔnaneeje d’isi mbuna sí’g nee el wa. Yeḛ tel to né gə́ bəg dee ya.

Mark 6:4

Yen ŋga Jeju ula dee pana: Njetegginta lé njé gə́ ɓee-kojee’g ləm, gə njénojije ləa ləma, gə njé gə́ mee kəije ləm tɔ ɓa d’a kḛjee bəḭ-bəḭ ya.

Lugu 4:24

Ma nja m’ula sí təsərə, njetegginta gə́ rara kara d’a kée gə́ dəw mee ɓee-kojee’g el.

Lugu 7:23

Dəw gə́ ma m’nai gə́ né gə́ njekun gɔlee karee oso el lé ndá rəa a lelee ya.

Tagə́maji gə́ Ja̰ ndang 4:44

mbata yeḛ nja pa gə təa woḭ pana: Njetegginta gə́ rara kara d’a kila riɓar dəa’g ɓee-kojee’g el.

Tagə́maji gə́ Ja̰ ndang 6:42

Tɔɓəi deḛ tel pana: See yeḛ to Jeju, ŋgolə Jisəb lé el wa. See to yeḛ gə́ jeḛ n’gər bɔbeeje gə kea̰je gao lé el wa. Bèe ŋga see ban ɓa yeḛ pana: Neḛ lé n’ḭ dara ɓa n’ree naŋg bèe ɓəi wa.

Tagə́maji gə́ Ja̰ ndang 6:61

Ta dee gə́ d’ula naŋg njum-njum d’isi d’imee ne lé Jeju gər meḛ dee gao ɓa yeḛ ila dee ne keneŋ pana: See ta neelé ila sí kag wa.