Matiyo 13:52 - Maktub gə́ To gə Kəmee

⁵² Yeḛ ula dee pana: Bèe ɓa njendaji-maktub gə́ rara kara gə́ ndoo néje gə́ wɔji dɔ ɓeeko̰ gə́ dara lé ndá yeḛ to asəna gə njekəi gə́ tɔr nébaoje ləa gə́ sigi-sigi gə njé gə́ ləw-ləw rab raga.

Matiyo 13:52 ပူးပေါင်းရင်းမြစ်များ

Esdras 7:10

Mbata Esdras lé wɔji mée’g njaŋg mba saŋg gin godndu Njesigənea̰ mba ra née ləm, mba ndoo Israɛlje godnduje gə ndukunje gə́ to keneŋ ləm tɔ.

Esdras 7:21

Ma mbai Artajerjɛs lé ma m’un ndum m’ar sí-seḭ gə́ toje njékaa dɔ nébaoje gə́ síje kel tura-baa gə́ nu gə mba kar néje lai gə́ Esdras gə́ to njekinjanéməs gə njendaji-maktub gə bao-gər-gin-godndu Ala gə́ si dara lé a dəji sí ndá seḭ a kaareeje ya.

Esdras 7:6

Esdras neelé ḭ Babilɔn ɓa ree Jerusalem. Yeḛ to njendaji-maktub gə bao-gər-gin-godndu Moyis gə́ Njesigənea̰ Ala lə Israɛlje un aree ləw lé. Tɔɓəi to gə́ ji Njesigənea̰ Ala ləa to dɔ Esdras’g ndá mbai ndigi səa dɔ né gə́ rara gə́ yeḛ dəjee’g lé tɔ.

Gosota-Kəmkàrje 11:30

Kandə njemeekarabasur lé To kag-kəmə ləm, Njekəmkàr lé Taa dɔ dəwje gə́ taa ləm tɔ.

Gosota-Kəmkàrje 15:7

Tapa njékəmkàrje teḛ gə négər gə́ raga-raga, Nɛ mee mbə-dəw to wəl.

Gosota-Kəmkàrje 18:4

Taje gə́ teḛ ta dəw’g lé To asəna gə mán gə́ uru bèe ləm, Ŋgira kəmkàr lé kara To asəna gə kəm-rəw-mán gə́ mán uba keneŋ tir-tir bèe ləm tɔ.

Pa gə́ ur dɔ paje 7:13

Ar sí n’teḛje gə ndɔ rad J’aw loo-ndɔ-nduúje’g j’oo See nduú uba ŋga wa. See pudu nduba rəa ŋga wa. See dḭje pudu ŋga wa. M’a kun ndu ndigi-na̰ keneŋ kari.

Matiyo 12:35

Dəw gə́ maji gə́ si gə néje gə́ maji lé ndá a teg némajije ləa gə́ raga. Dəw gə́ njemeeyèr gə́ si gə néyèrje ləa ndá a teg néyèrje ləa gə́ raga tɔ.

Matiyo 13:51

See seḭ gərje ta néje neelé lai ya wa. Deḛ tel d’ilá keneŋ pana: Oiyo!

Matiyo 13:53

Loo gə́ Jeju ula dee gosotaje neelé lai mba̰ ndá yeḛ ḭ keneŋ ɔd aw.

Matiyo 23:34

Gelee gə́ nee ɓa ma m’ula ne njéteggintaje gə njégosokəmkàrje gə njéndaji-maktubje rɔ sí’g. Seḭ a tɔlje njé gə́ na̰je ɗar deeje kaar kag’d ləm, seḭ a kundaje njé gə́ raŋg gə ndəi-kɔb mee kəi-kwa-dɔ-na̰je’g lə sí ləma, seḭ a kulaje kəm dee ndòo gə ɓee-ɓee ləm tɔ,

Matiyo 28:19

Awje gə dɔ ɓee dɔ ɓee telje dəwje gə́ njékwakilamje, raje deeje batɛm gə ri Bɔ-dəwje ləm, gə ri Ŋgonee ləma, gə ri Ndilmeenda ləm tɔ.

Lugu 11:49

Gelee gə́ nee ɓa Ala pa ne ta kəmkàr ləa pana: N’a kula njéteggintaje gə njékaḭkulaje rɔ dee’g ndá d’a tɔl njé gə́ na̰je ləm, d’a kula kəm njé gə́ na̰je ndòo ləm tɔ.

Tagə́maji gə́ Ja̰ ndang 13:34

Godndu gə́ sigi ɓa m’pa m’ar sí nee: Undaje na̰ dan kəm na̰’d, to gə́ ma m’unda sí dan kəm’g lé maji kar sí-seḭ kara undaje na̰ dan kəm na̰’d togə́bè tɔ.

2 Njé gə́ Kɔrḭtə 6:10

jeḛ lé meḛ sí lel sí ta-ta nɛ deḛ d’oo sí gə́ dəwje gə́ d’isi dan némeeko̰’g ləm, jeḛ n’to gə́ njékṵda dəwje bula maji’gje nɛ deḛ d’oo sí gə́ njéndooje ləma, jeḛ j’isi gə néje lai ji sí’g nɛ deḛ d’oo sí gə́ dəwje gə́ né godo ji dee’g ləm tɔ.

Njé gə́ Epesə 3:4

Loo gə́ seḭ turaje taje neelé ndá a kasjekəm gərje gin gosonégər ləm gə́ wɔji dɔ né ka̰ Kristi gə́ to loo-kiya’g ɓəi lé ya.

Njé gə́ Epesə 3:8

Oiyo, ma gə́ m’nai ŋgon mbuna deḛ gə́ to gə kəmee lai lé yeḛ wa ne səm noji ɓa ɔrm ne gə mba karm m’ila mber ta nébaoje lə Kristi gə́ dum gər, m’ar njépole-magəje ləm,

Njé gə́ Kolosə 1:7

Epapras, njeboakula lə sí gə́ j’undá dan kəm sí’g lé ndoo sí kankəmta neelé. Yeḛ lé to njenai gə́ darɔ Kristi mbuna sí’g gə́ to majikoji ləm,

Njé gə́ Kolosə 3:16

Maji kar ta lə Kristi gə́ to boo-nébao lé uru kəi meḛ sí’g. Ndooje na̰ ləm, ndəjije na̰ ləm tɔ gə kəmkàree lé gə pakɔsje ləm, gə pa pidije ləma, gə pa kula rɔnduba gə́ wɔji dɔ ndil sí ləm tɔ. Ɔsje pa gə meḛ sí bura arje Ala reaje ne oiyo mbata noji ləa gə́ rusu meḛ sí njḭ-njḭ lé tɔ.

1 Timote 3:6

Njekaa dɔ Eglisə lé maji karee to njemeekun gə́ sigi el nà banelə a kḭ ti rəa koso ne gin ta gə́ deḛ d’ila dɔ njekurai’g lé.

Titə 1:9

Kankəmta gə́ deḛ ndée ɓa maji karee wa mée dɔ’g, yee ɓa yeḛ a kaskəm ndəji dee ne ta ndoo gə́ àr lé ləm, a kal ne gin njémaḭtaje ləm tɔ.