Matiyo 13:39 - Maktub gə́ To gə Kəmee

³⁹ Njeba̰ gə́ njedubu haowa lé yee ɓa to gə́ Njekurai lé ya. Naḭ kinja kó lé yee ɓa to ndɔ gə́ rudu naŋg nee a kun ɗiao. Njékḭjakoje lé deḛ ɓa to kuraje gə́ dara tɔ.

Matiyo 13:39 ပူးပေါင်းရင်းမြစ်များ

Loo gə́ killa rea kəm Daniel’g 7:10

Pər gə́ un loo lad-lad to gə́ mán-baa bèe lé unda loo nea̰’g teḛ. Dəwje tɔl-dɔg-loo-tɔl-dɔg (1.000.000) ra né d’aree ləm, dəwje tɔl-dɔg-loo-tɔl-dɔg as loo dɔg (10.000.000) kara d’aar nea̰’g ləm tɔ. Njégaŋ-rəwtaje d’isi naŋg ndá d’ɔr maktubje tɔ.

Matiyo 12:32

Nana ɓa gə́ ila ta dɔ Ŋgon-dəw’g lé ndá Ala a koo loo kar mée ti mbidi dɔ’g ya. Nɛ nana ɓa gə́ a kila ndɔl dɔ Ndilmeenda’g ndá Ala a koo loo kar mée ti mbidi dɔ’g wəl nee el ləm, əsé ləbje gə́ a gə teḛ el ləm tɔ.

Matiyo 13:22

Kandə kər gə́ oso mee kun’g lé to asəna gə dəw gə́ oo ta neelé ya nɛ tor ta gə́ wɔji dɔ naŋg nee gə takə̰ji gə́ wɔji dɔ nébaoje ɓa yeḛ la̰ji mée’g aree tuji ta neelé ɔgee ne loo teḛkɔr ŋgia̰ ne ŋgɔsɔrɔ.

Matiyo 13:25

Loo gə́ dəwje d’ɔm ɓi yəm ndá njeba̰ ləa aw ila haowa mée’g podé-podé ndá ɔd par aw.

Matiyo 13:28

Yeḛ tel ila dee keneŋ pana: Njeba̰ lé nja ra né kən. Kuraje ləa lé tel dəjee pana: Ŋga see i ndigi kar sí j’aw n’tɔr j’ɔmje kɔrɔ wa.

Matiyo 13:40

To gə́ deḛ tɔr haowa d’ɔm pər’d lé ndɔ gə́ rudu naŋg nee a kun ɗiao lé kara d’a ra togə́bè tɔ.

Matiyo 13:49

Ndɔ gə́ rudu naŋg nee a kun ɗiao lé ndá d’a ra togə́bè tɔ. Kuraje gə́ dara d’a ree mba kunda kəm njémeeyèrje ɓəd ləm, gə njémeekarabasurje ɓəd ləm tɔ.

Matiyo 24:3

Loo gə́ yeḛ rəm si naŋg dɔ mbal gə́ ria lə Koiyoje lé ndá njékwakiláje ya gə kar dee ba rəm pər gə́ rəa’g dəjee pana: Maji kari ula sí, see ndɔ gə́ ra ɓa a to ndɔ teḛ ləa ɓəi wa. Esé see ɗi ɓa a tɔji sí ndɔ ree ləi gə ndɔ rudu naŋg nee lé ɓəi wa.

Matiyo 25:31

Loo gə́ Ŋgon-dəw a gə ree dan rɔnduba’g ləa gə kuraje gə́ dara lé ndá yeḛ a kuba dɔ kalimbai rɔnduba’g ləa lé ndoi si keneŋ.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

1 Njé gə́ Kɔrḭtə 10:11

Néje lai gə́ teḛ dɔ dee’g lé to nétɔji sí ya. Deḛ ndaŋg taree d’ar sí mba ndəji sí ne, jeḛ gə́ rudu ndəa a gə kun dɔ sí’g lé.

2 Njé gə́ Kɔrḭtə 11:3

Nɛ lé bèe kara ma m’ɓəl nà banelə to gə́ li ra gosɔyèr su ne kəm Ebe su-su lé takə̰jije lə sí kara a kar sí ndəmje ne kar sí ubaje ne ta lə Kristi gə́ seḭ ndaje meḛ sí kaḭ dəa’g lé kya̰je.

2 Njé gə́ Kɔrḭtə 2:17

Mbata jeḛ lé jeḛ n’tel ta lə Ala j’ila gel asəna gə ka̰ dəwje gə́ raŋg gə́ ra togə́bè lé el. Nɛ jeḛ ndá ne meḛ sí kaḭ m’pa ne ta mbata lə Ala ləm, jeḛ j’ɔm na̰’d gə Kristi m’pa ne ta no̰ Ala’g ləm tɔ.

Njé gə́ Epesə 2:2

gə́ seḭ ya̰je rɔ sí keneŋ yag kédé loo gə́ seḭ taaje kila gɔl dəwje gə́ dɔ naŋg nee, ndolèje ne goo mbai gə́ njeko̰ɓee gə́ pən dara gə́ to ndil gə́ ra kula ɓasinè meḛ njékaltaje’g lé ləm tɔ.

Ǝbrəje 1:2

Nɛ ndəa gə́ gogo nee, yeḛ pata ar sí nɛ Ŋgonee ɓa ria ne sə sí dəa. Yeḛ nja ɓa Ala unda ne naŋg nee ləm, yeḛ aree to njenéje lai ləm tɔ.

Ǝbrəje 9:26

Ɓó lé to togə́bè ndá nékəmndoo a ra Kristi gɔl bula ndɔ tum gel naŋg nee saar, nɛ ɓasinè loo gə́ rudu naŋg nee nai dəb ndá yeḛ unda loo teḛ mba tuji ne kó kaiya gə nékinjaməs gə́ to gə́ darəa-yeḛ ya.

1 Piɛrə 5:8

Undaje kəmkàr dɔ rɔ sí’g, raje kəm sí ra ka. Mbata njekurai gə́ to njeba̰ lə sí lé aḭ dɔ sí kɔr-kɔr asəna gə toboḭ gə́ aḭ dɔ loo mba kuba né kwa kinja miḭ dɔ’g hər-hər lé tɔ.

Jude 1:14

Enɔk, yeḛ gə́ to ŋgokadɔg Adam gə́ njekɔm’g siri lé yeḛ tegginta gə́ wɔji dɔ dəwje neelé pana: Aa ooje, Mbaidɔmbaije a ree gə njémeendaje ləa gə́ dum tura gə́ dɔ dee a kwa mèŋgèŋgḛ̀

Loo gə́ killa rea kəm Ja̰’g 12:9

Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ.

Loo gə́ killa rea kəm Ja̰’g 13:14

Nékɔbje gə́ d’un ndu dee d’aree mba ra lé yeḛ su ne kəm dəwje gə́ dɔ naŋg nee su-su ləm, yeḛ ula dəwje gə́ dɔ naŋg nee mba kar dee ndaji rɔ da gə́ kédé gə́ iŋga doo-kiambas neelé ɓa aw kəmba bèe ləm tɔ.

Loo gə́ killa rea kəm Ja̰’g 19:20

Deḛ d’wa da lé gə njéteggintaje gə́ ŋgɔm lé na̰’d, deḛ gə́ ra nékɔbje nea̰’g su ne kəm dəwje gə́ deḛ tɔs nétorji lə da lé ŋgo no̰ dee’g ləm, deḛ pole ne néndajirea lé ləm tɔ. Deḛ joo bɔr lé d’ɔm dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir.