Matiyo 13:3 - Maktub gə́ To gə Kəmee

³ Yeḛ ula dee ta gə gosota wɔji ne dɔ néje bula pana:

Matiyo 13:3 ပူးပေါင်းရင်းမြစ်များ

Pakɔsje 49:4

Tam a teḛ gə ta kəmkàrje kar dee d’oo ləm, Ŋgaw məəm kara takə̰jije gə́ gə goo rəbee ɓa taa loo keneŋ pəl-pəl ləm tɔ.

Pakɔsje 78:2

M’teḛ tam m’pa ne gosotaje ləm, M’ila mber ta kəmkàr gə́ mee ndəaje gə́ ləw lé ləm tɔ.

Ejekel 17:2

Ma ŋgon-dəw lé maji kam m’unda ta né gə́ to loo-kiya’g no̰ dee’g m’pa gosota m’ar gel-bɔje lə Israɛl!

Misee 2:4

Mee ndəaje’g neelé d’a pata gə goso taji sí ne ləm, D’a kɔr ndu dee gə́ tar wəl no̰ ne sii ne mbigi-mbigi ləm tɔ. D’a pana: Jeḛ lai n’tujije pugudu ya! Yeḛ kai né lə koso-dəwje lə neḛ ar njé gə́ raŋg! Ɗi togə́bè wa. Yeḛ ɔr né neelé ji neḛ’g. Yeḛ kai loo-ndɔje lə sí ar njeba̰ lé.

Habakuk 2:6

Débee neelé see a kar dəwje lai d’oo ta ləa gə́ suta ləm, Gə nékogo ləma, gə né kɔr su ləm tɔ el wa. D’a pa pana: Meeko̰ a koso dɔ sí-seḭ gə́ mbo̰je néje Gə́ to né ka̰ sí el dɔ na̰’d! See saar ndɔ gə́ ra wa ... Meeko̰ a koso dɔ sí-seḭ gə́ Undaje ɓaŋg dɔ sí’g gə́ kédé-kédé!

Matiyo 13:4

Njendɔ aw ndɔ mba kila kər. Loo gə́ yeḛ aar ila kər lé ndá yee gə́ na̰je teḛ pə ɔm kag-rəw’g ar yelje ree keneŋ d’o̰.

Matiyo 13:53

Loo gə́ Jeju ula dee gosotaje neelé lai mba̰ ndá yeḛ ḭ keneŋ ɔd aw.

Matiyo 22:1

Jeju un ta gə́ raŋg ula dee gə gosota pana:

Matiyo 24:32

Maji kar sí ooje gosota néndoo gə́ wɔji dɔ kag-kodé lé. Loo gə́ kamee sí idi lururu ndá seḭ pajena ta ndi nai dəb ba ŋga.

Mark 12:1

Jeju un ta si ndoo dee gə gosotaje pana: Dəw kára bèe wa ndɔ, ma̰a nduú keneŋ ndá yeḛ ula ŋgalaŋ gugu ne dəa ləm, yeḛ uru bwa keneŋ gə́ ka̰ mbula mán-nduú ləma, yeḛ uru pal ləm tɔ, tɔɓəi yeḛ wa ndɔ-nduú lé ula ji njéndəaje’g ɓa ɔd par aw mbá dɔ ɓee gə́ raŋg.

Mark 12:12

Deḛ saŋg rəw kwá mbata deḛ gər gao, ta gə́ Jeju pa lé wɔji dɔ dee-deḛ ya, nɛ deḛ ɓəl boo-dəwje gə́ d’aar keneŋ. Togə́bè deḛ d’ubá d’yá̰ d’ɔd d’aw.

Mark 3:23

Togə́bè ɓa Jeju ɓar dee dəji dee gə gosota pana: See Njekurai a tuba Njekurai to gə́ banwa.

Mark 4:13

Tɔɓəi Jeju dəji dee pana: Ŋga see gosota gə́ nee ya ɓəi seḭ gərje el wa. Ŋga see gosotaje gə́ raŋg lai ndá see seḭ a gərje to gə́ ban ɓəi wa.

Mark 4:33

Togə́bè yeḛ ndoo dee ta gə gosotaje gə́ togə́bè gə́ d’askəm koo.

Lugu 12:41

Piɛrə dəjee pana: Mbaidɔmbaije, see gosota neelé ula síjeḛ ba əsé ula dəwje gə́ raŋg bura to wa.

Lugu 8:10

Yeḛ tel ila dee keneŋ pana: Seḭje lé d’ar kəm sí inja mba kar sí gərje ne ta ɓeeko̰ lə Ala gə́ to loo-kiya’g ya. Nɛ njé gə́ raŋg lé d’ula dee gə gosota ɓa mbata d’oo gə kəm dee ya nɛ d’aa gə́ kaa mbə̰ ləm, d’oo gə mbi dee nɛ ɓar mbi dee’g gə́ ɓar ɓó gər ginee el ləm tɔ.

Tagə́maji gə́ Ja̰ ndang 16:25

Ta néje neelé ma m’ula sí gə gosota. Nɛ ndɔ gə́ m’a kula sí gə́ gosota el lé kàree a teḛ ndá ndəa neelé m’a riba sə sí dɔ Bɔ-dəwje lé pərəg ya.