Matiyo 13:24 - Maktub gə́ To gə Kəmee

²⁴ Jeju ula dee gosota gə́ raŋg pana: Ɓeeko̰ gə́ dara lé to asəna kára ba gə njekəi gə́ aw dubu né gə́ maji mee ndɔ’g ləa.

Matiyo 13:24 ပူးပေါင်းရင်းမြစ်များ

Esai 28:10

Mbata to gə́ ndukun kila ndukun dɔ’g, Ndukun kila ndukun dɔ’g ləm, Rəbee kila rəbee dɔ’g, rəbee kila rəbee dɔ’g ləma, Lam teḛ nee, lam teḛ nu ləm tɔ.

Esai 28:13

Deḛ lé ta lə Njesigənea̰ gə́ a kwɔji dɔ dee ɓa nee: Ndukun kila ndukun dɔ’g ləm, Rəbee kila rəbee dɔ’g ləma, Lam teḛ nee, lam teḛ nu ləm tɔ, Gə mba kar loo gə́ d’aw njaa ndá D’oso gaŋnda təd rɔ dee ləm, Gə mba kar dee d’oso wul ba̰də’g Aree wa dee ləm tɔ.

Ejekel 17:2

Ma ŋgon-dəw lé maji kam m’unda ta né gə́ to loo-kiya’g no̰ dee’g m’pa gosota m’ar gel-bɔje lə Israɛl!

Matiyo 13:19

Loo gə́ dəw oo ta lə ɓeeko̰ lé nɛ yeḛ gər ginee el ndá njegosoyèr ree ɔr kandə né gə́ oso mée’g ho̰d ndá mee dəw neelé to asəna gə kag-rəw gə́ kandə kər lé wa naŋg keneŋ.

Matiyo 13:25

Loo gə́ dəwje d’ɔm ɓi yəm ndá njeba̰ ləa aw ila haowa mée’g podé-podé ndá ɔd par aw.

Matiyo 13:31

Yeḛ ula dee gosota gə́ raŋg pana: Ɓeeko̰ gə́ dara lé to asəna gə kandə kamnaḭ gə́ ɓaree senebe gə́ dəw dubu mee ndɔ’g ləa.

Matiyo 13:33

Yeḛ ula dee gosota gə́ raŋg ya tɔɓəi pana: Ɓeeko̰ gə́ dara lé to asəna gə né gə́ ar nduji ti gə́ dené ɔm dan nduji as ŋgo munda’g guru ne saar aree ḭ dor-dor.

Matiyo 13:37

Yeḛ ila dee keneŋ pana: Njedubu kandə kó gə́ maji lé yee ɓa to gə́ Ŋgon-dəw. Mee ndɔ lé yee ɓa to gə́ dɔ naŋg nee.

Matiyo 13:47

Ɓeeko̰ gə́ dara lé to asəna gə bura gə́ d’ɔs ne mán baa-boo d’wa ne ka̰jije gə́ gə ria-ria.

Matiyo 18:23

Gelee gə́ nee ɓa ɓeeko̰ gə́ dara to asəna gə mbai gə́ ndigi tura goo néje gə́ yeḛ ɔm ji kuraje’g ləa.

Matiyo 20:1

Ɓeeko̰ gə́ dara to asəna gə njekəi gə́ ḭta gə ndɔ rad aw iŋga njékulaje ɓar dee gə mba kɔm dee loo-ndɔ-nduú’g ləa.

Matiyo 21:33

Urje mbi sí ooje ne gosota gə́ raŋg tɔɓəi. Dəw kára gə́ to njekəi si gən wa ndɔ-nduú. Yeḛ ula ŋgalaŋ giree’g siŋ-siŋ ləm, ra loo mbula mán-nduú ləma, uru pal ləm tɔ. Yeḛ wa ndɔ-nduú neelé ula ji njéndəaje’g ndá ɔd par aw dɔɓee gə́ raŋg.

Matiyo 22:2

Ɓeeko̰ gə́ dara lé to asəna gə mbai gə́ ra muru gad kunda dené lə ŋgonee kəi-ŋgaw’g.

Matiyo 25:1

Ɓeeko̰ gə́ dara lé to asəna kára ba gə ŋgama̰dje gə́ dɔg gə́ d’odo néndogóje lə dee teḛ d’aw gə mba tila kəm njedené-sigi.

Matiyo 3:2

Maji kar sí waje ndòo rɔ sí dɔ kaiya’g lə sí mbata ɓeeko̰ gə́ dara lé nai dəb ba ŋga.

Matiyo 4:23

Jeju gugu mee ɓeeko̰ gə́ Galile ndá yeḛ ɔr goo tagə́maji gə́ wɔji ne dɔ ɓeeko̰ lé ndoo dee ne mee kəi-kwa-dɔ-na̰je’g lə dee ləm, rɔko̰ gə́ rara gə néyooje gə́ rara gə́ ra dəwje lé kara yeḛ ɔr rɔ dee’g ləm tɔ.

Lugu 13:18

Jeju ula dee tɔɓəi pana: See ɓeeko̰ lə Ala lé to tana ɗi wa. See ɗi ɓa m’a kwa kwɔjee ne wa.

Lugu 13:20

Yeḛ ula dee tɔɓəi pana: See ɗi ɓa m’a kwa kwɔji ne ɓeeko̰ lə Ala lé wa.

Njé gə́ Kolosə 1:5

Yee neelé seḭ raje mbata seḭ undaje meḛ sí yel dɔ né gə́ d’unda gə kəmee mbata lə sí mee ɓee gə́ dara ləm, mbata lə kankəmta gə́ to Tagə́maji gə́ d’ar kəm sí inja dɔ’g kédé lé ləm tɔ.

1 Piɛrə 1:23

Ko gə́ a kunda naŋg el lé ɓa yeḛ oji sí ne sigi ɓó kó gə́ a kunda naŋg dəs lé el. Yee ɓa to ta lə Ala gə́ to ta gə́ kəmba gə no̰ lé.