Matiyo 13:23 - Maktub gə́ To gə Kəmee

²³ Kandə kər gə́ oso dɔ naŋg gə́ maji kó’g lé to asəna gə dəw gə́ oo ta neelé ləm, gə gər ginee ləm tɔ. Dəw neelé nai gə́ kər gə́ andə tɔl əsé rɔ-misa̰ əsé rɔ-munda tɔ.

Matiyo 13:23 ပူးပေါင်းရင်းမြစ်များ

Ejekel 18:31

Kaltaje lə sí lai gə́ seḭ raje ne kaiya lé ubaje ya̰je. Maji kar meḛ sí tel to sigi ləm, kar takə̰jije lə sí tel to sigi ləm tɔ. Seḭ gel-bɔje lə Israɛl lé see gelee ban ɓa seḭ ndigi kwəije wa.

Ejekel 36:26

N’a kar sí ɓəŋgərə gə́ sigi ləm, n’a kar ndil gə́ sigi to meḛ sí’g ləm tɔ. Ɓəŋgərə sí gə́ to asəna gə mbal lé n’a kɔr meḛ sí’g ndá n’a kar sí ɓəŋgərə dəw.

Matiyo 12:33

Ɓó lé kandə kag maji ndá seḭ pajena rɔ kag maji tɔ, əsé ɓó lé kandə kag majel ndá seḭ pajena rɔ kag majel tɔ. Mbata kandə kag ɓa deḛ gər ne rɔ kag ya.

Matiyo 13:8

Yee gə́ raŋg teḛ pə ɔm dɔ naŋg gə́ maji kó’g ndá andə yaa̰, yee gə́ ná ndá andə tɔl, yee gə́ ná ndá andə rɔ-misa̰, yee gə́ ná ndá andə rɔ-munda tɔ.

Matiyo 3:10

Tina to ŋgira kagje’g béréré-béréré mba̰. Kag gə́ rara ɓa gə́ andə gə ka̰dee gə́ maji el ndá d’a tuga badə gaŋg kila pər’d.

Matiyo 3:8

Maji kar sí arje néra sí wa bua tapa sí loo gə́ seḭ waje ndòo rɔ sí dɔ kaiya’g lə sí

Mark 10:15

Ma m’ula sí təsərə, nana ɓa gə́ mée taa ɓeeko̰ lə Ala asəna gə mee ŋgon gə́ gɔ bèe el ndá yeḛ a kula dəa keneŋ wɔr nda̰ bèe el.

Mark 4:20

Kandə kər gə́ oso dɔ naŋg gə́ maji kó’g lé to asəna gə deḛ gə́ d’oo ta neelé ləm, deḛ taa gə meḛ dee ləm tɔ. Kandə ta neelé gə́ oso meḛ dee’g lé andə, yee gə́ nà ndá andə rɔ-munda ləm, yee gə́ nà ndá andə rɔ-misa̰ ləma, yee gə́ nà ndá andə tɔl ləm tɔ.

Lugu 13:9

Banelə ləb gə́ gogo yee a kandə gə́ kandə ya, ɓó lé bèe el ndá m’a tuga badə gaŋg ɓəi.

Lugu 8:15

Njé gə́ teḛ ɔm dɔ naŋg gə́ maji’g lé wɔji dɔ deḛ gə́ d’oo ta gə meendakaḭ ləm, gə meemaji ləm tɔ ndá d’wa meḛ dee dɔ’g bururu ləm, d’ai meḛ dee dɔ’g sam-sam ləm tɔ ndá d’andə gə kandə dee njim-njim.

Lugu 8:8

Nɛ njé gə́ na̰je teḛ wa naŋg dɔ naŋg gə́ maji’g, loo gə́ yee ḭ ndá andə tɔl-tɔl. Loo gə́ Jeju pata neelé togə́bè mba̰ ndá yeḛ ila boo-ndia naŋg pana: Nana ɓa gə́ mbia to gən gə mba karee oo ne ta ndá maji karee oo ne ya.

Tagə́maji gə́ Ja̰ ndang 15:16

To seḭ ɓa kɔdmje el, nɛ ma nja m’kɔd sí m’unda sí gə kəmee doi mba kar loo gə́ seḭ a kawje keneŋ ndá seḭ a ka̰dje gə kandə sí njim-njim ləm, kó sí kara a nai keneŋ ya ɓó a kudu el ləm tɔ, togə́bè ɓa né gə́ rara gə́ seḭ a kwɔije Bɔ-dəwje lé gə rim ndá yeḛ a kar sí née ya.

Tagə́maji gə́ Ja̰ ndang 8:47

Yeḛ gə́ to ka̰ Ala lé ndá a taa taje lə Ala ya. Nɛ seḭ taaje taje lə Ala el mbata seḭ toje ka̰ Ala el tɔ.

Néra Njékaḭkulaje 16:14

Dené kára mbuna dee’g ria lə Lidi, yeḛ to njerab-kubu gə́ ndiri ndul piro-piro ndogo gə́ ɓee-kojee to Tiatirə. Yeḛ to dené gə́ ɓəl Ala ləm, yeḛ ur mbia gèŋ dɔ ta’g lə sí ləm tɔ. Mbaidɔmbaije aree ur mbia gèŋ unda ne mée yel dɔ ta gə́ Pool ndoo dee lé taa ne gə mée rəgm tɔ.

Néra Njékaḭkulaje 17:11

Jibje neelé takə̰ji lə dee inja paw unda ka̰ njé gə́ Tesalonik, deḛ taa kankəmta lé rəgm gə ndɔ dee ndɔ dee. Deḛ tura maktub gə́ to gə kəmee tɔs kəm dee dɔ’g bao-bao gə mba koo see ta gə́ d’ula dee lé see to gə goo rəbee ya wa.

2 Njé gə́ Kɔrḭtə 9:10

Yeḛ gə́ njekun kó né kar njedubee ləm, aree nésəa ləm tɔ lé yeḛ nja a kar sí né gə́ seḭ awje ndée ləm, a kar kó né lə sí ɔs dɔ maree-maree ləma, yeḛ a kar kandə meekarabasur lə sí lé ḭ dɔ maree’g maree’g ləm tɔ.

Njé gə́ Pilibə 1:11

Togə́bè ɓa, kandə meekarabasur gə́ ḭ rɔ Jeju Kristi’g a daa na̰ rɔ sí’g, yee ɓa seḭ a kulaje ne rɔnduba dɔ Ala’g ləm, ria a ɓar ne ləm tɔ.

Njé gə́ Pilibə 4:17

To nénoji ɓa ma m’saŋg rɔ sí’g el, nɛ kó noji lə sí ɓa ma m’saŋg mba karee tel taa rɔ sí pəl-pəl.

Njé gə́ Kolosə 1:10

Togə́bè ɓa, seḭ a njaaje mba kar néra sí wa bua ka̰ Mbaidɔmbaije taa ne kəmee rəgm ləm, mba kar néra maji lə sí gə́ gə ria-ria oji maree gə́ kédé-kédé ləma, mba kar négər gə́ wɔji dɔ ndaa Ala kara a kɔs dɔ maree’g gə́ kédé-kédé meḛ sí’g ləm tɔ.

Njé gə́ Kolosə 1:6

Tagə́maji lé to mbuna sí’g ləm, to mbuna dəwje lai-lai gə́ dɔ naŋg neelé ləm tɔ, yee teḛkɔr aw gə́ kédé-kédé to gə́ yeḛ ra mbuna sí’g un kudee mee ndəa gə́ kəm sí inja dɔ noji’g lə Ala gə́ aw na̰’d gə kankəmta lé.

1 Njé gə́ Tesalonikə 4:1

Ŋgakɔmje, ta gə́ raŋg ya to ŋga. Né gə́ kəm ra karee taa kəm Ala lé seḭ ooje rɔ sí’g mba̰ ləm, seḭ raje née ləm tɔ ndá jeḛ n’tɔg sí j’wa ta sí gə ri Mbaidɔmbaije Jeju Kristi mba kar sí awje ne kəm sí gə́ kédé-kédé ya.

2 Njé gə́ Tesalonikə 2:10

gə nésukəmlooje gə́ yèr ləm tɔ mbata lə deḛ gə́ njétujije lé mbata kankəmta gə́ d’a gə kaji ne lé deḛ mbad ɓó deḛ taa gə meḛ dee d’unda dan kəm dee’g el.

Ǝbrəje 4:2

Mbata Tagə́maji gə́ d’ula sí lé d’ula dee-deḛ tɔ, nɛ deḛ lé ta gə́ d’ula dee tel to gə́ sin mbata deḛ d’oo ya, nɛ d’ɔm meḛ dee dɔ’g el.

Ǝbrəje 6:7

Loo gə́ ndi ər ta-ta ar manee tən naŋg ləm, ar lée neelé kinja gə koje mba kaji dee gə ndɔ-ndɔ keneŋ ləm tɔ ndá dɔ naŋg neelé taa kəm Ala aree tɔr ne ndia dɔ’g tɔ.

Ǝbrəje 8:10

Aa ooje, man gə́ m’a man rɔm kar gel-bɔje lə Israɛlje Loo gə́ ndɔje neelé dəs mba̰ ɓa nee: M’a kula godndumje meḛ dee’g ləm, M’a ndaŋg dee dɔɓəŋgərə dee’g ləm tɔ. Mbaidɔmbaije ɓa pa bèe. N’a to Ala lə dee ləm, Deḛ kara d’a to koso-dəwje neḛ ləm tɔ.

2 Piɛrə 3:18

Nɛ maji kar sí tɔgje dɔ noji’g lə Mbaidɔmbaije Jeju Kristi, Njekaji sí ləm, gə dɔ gər ndiaa’g ləm tɔ. Maji kula rɔnduba dəa’g ɓasinè ləm gə saar gə́ ləbee-ləbee gə no̰ ləm tɔ. Amen!

1 Ja̰ 5:20

Jeḛ n’gər gao, Ŋgon-Ala ree mba̰ ndá yeḛ ar sí kəmkàr gə mba gər ne yeḛ gə́ to gə́ Kankəm dəw lé. Jeḛ j’ɔm na̰’d gə Kankəm dəw lé ləm, j’ɔm na̰’d gə Ŋgonee gə́ Jeju Kristi lé ləm tɔ. Yeḛ nja ɓa gə́ darɔ Ala ləm, gə kəmə gə́ to gə no̰ lé ləm tɔ.