Matiyo 13:21 - Maktub gə́ To gə Kəmee

²¹ nɛ ŋgira ta neelé ɔm jamee mée’g el ndá dəw neelé si ne waga el mbata mée mbɔré dɔ’g. Loo gə́ néɓəl əsé néurti teḛ dəa’g mbata lə ta neelé ndá yeḛ oso kas ila ne ta kɔrɔ yal.

Matiyo 13:21 ပူးပေါင်းရင်းမြစ်များ

Maktub gə́ wɔji dɔ Jɔb 19:28

Yen ŋga seḭ a paje pana: See gelee ban ɓa jeḛ j’un gée wa. Mbata meekarabasur ləm a to raga ndəgəsə.

Pakɔsje 36:3

Mbata yeḛ nja ɔs gaji rəa Gə mba kar dɔ néra kori-kori ləa ɔr ne njal ləm, Mba riba ne dɔ kḛji loo bəḭ-bəḭ ləa gə́ raga ləm tɔ.

Gosota-Kəmkàrje 12:12

Njemeeyèr lé kəmee əḭ dɔ né mee gum’g lə njémeeyèrje, Nɛ kaar njaŋg lə njémeekarabasurje lé Ar dee d’andə gə kandə dee njim-njim.

Gosota-Kəmkàrje 12:3

Néra gə́ majel a kar dəw aar ne njaŋg el, Nɛ ŋgira njémeekarabasurje a yə el.

Ojee 6:4

Ǝi seḭje gə́ Eprayim, See ɗi ɓa m’a ra sə sí wa. Ǝi seḭje gə́ Juda, See ɗi m’a ra sə sí wa. Kundam dan kəm sí’g lé To asəna gə mum gə́ oso gə ndɔ bèe ləm, To asəna gə mán tàl gə́ wa ɓa gəḭ gə ndɔ bèe ləm tɔ.

Matiyo 10:22

Dəwje lai d’a koo sí gə kəm dɔbee gə mbata lə rim ya, nɛ yeḛ gə́ a kai mée sam-sam ndá ndəa lé a kaji ne ya.

Matiyo 11:6

Rɔlel a nai gə yeḛ gə́ oom gə́ dəw gə́ njekun gɔlee karee oso el lé.

Matiyo 13:20

Kandə kər gə́ oso dɔ mban-ər’g lé to asəna gə dəw gə́ oo ta lé ndá léegəneeya yeḛ taa gə́ rɔlel,

Matiyo 13:57

Yee gə́ neelé to gə́ né kun gɔl dee kar dee d’oso ne ya. Nɛ Jeju ila dee keneŋ pana: Njetegginta lé d’a kḛjee bəḭ-bəḭ mee ɓee-kojee’g əsé mbuna njémeekəije’g ləa ɓa.

Matiyo 13:6

Yee ḭ wububu mbata naŋg to keneŋ ŋgwɔidɔ bèe, nɛ loo gə́ kàr ɔs keneŋ ndá wa mèŋgèŋgḛ̀, ndòlé mbata ŋgirá wa naŋg el.

Matiyo 24:13

Nɛ yeḛ gə́ ai mée sam-sam teḛ ne ndɔ gə́ rudu’g lé ndá yeḛ a kaji ne ya.

Matiyo 26:31

Yen ŋga Jeju ula dee pana: Mee til’g neelé né gə́ a gə ram lé a kila sí kag lai, to gə́ maktub lé pana: M’a kunda njekulbadje ndá badə-kosoje lai d’a kaḭ sanéna̰ kad-kad.

Matiyo 26:33

Piɛrə un ta ulá pana: Lé né gə́ a gə rai lé a kila dəwje lai kag kara ma lé a kilam kag nda̰ el.

Mark 4:17

nɛ ŋgira ta neelé ɔm jamee meḛ dee’g el ndá d’aw ne waga el mbata meḛ dee mbɔrè. Loo gə́ néurti əsé néɓəl teḛ dɔ dee’g mbata ta neelé gə́ deḛ taa ndá d’oso kas d’ila ta kɔrɔ yal mba̰.

Lugu 8:13

Njé gə́ teḛ ɔm dɔ mban-ər’g lé wɔji dɔ deḛ gə́ d’oo ta lé gə mbi dee ndá deḛ taa gə rɔlel tɔ, nɛ ŋgira ŋgəŋ lə dee godo ar dee d’ɔm meḛ dee dɔ’g waga ba ndá loo gə́ né teḛ dɔ dee’g aḭ meḛ dee ndá d’ɔr ne moŋgyo̰ d’oso yal mba̰.

Tagə́maji gə́ Ja̰ ndang 6:26

Jeju tel ila dee keneŋ pana: Ma m’ula sí təsərə, muru gə́ seḭ o̰je arje meḛ sí ndan lé ɓa seḭ saŋgmje ne gə mbəa ɓó gə mba némɔrije gə́ seḭ ooje lé ɓa el.

Njé gə́ Rɔmə 2:7

Deḛ gə́ d’ai meḛ dee sam-sam dɔ néra deeje gə́ maji’g saŋg ne riɓar gə rɔnduba gə dɔkaisəgərə lé dee nja yeḛ a kar dee d’isi gə kəmə gə́ gə no̰ ya.

Njé gə́ Galati 5:6

Mbata deḛ gə́ d’ɔm gə Kristi na̰’d yəg lé kinja tamɔd əsé kinja tamɔd el kara to né el, nɛ meekun lé gə́ meenoji ɔs ginee ɓɔḭ-ɓɔḭ lé yee ɓa gə́ kankəm né ya.

Njé gə́ Galati 6:12

Deḛ lai gə́ ndigi kar néra dee gə́ wɔji dɔ darɔ taa kəm dəwje lé deḛ bəg sí mba kar sí injaje tamɔd sí mbata né kára ba ɓa gə mba kar néurti teḛ dɔ dee’g mbata kag-dəs lə Kristi el.

Njé gə́ Galati 6:15

Kinja tamɔd əsé kinja tamɔd el kara to gə́ né el, tel to dəw gə́ sigi ɓa to né gə́ gəd ya.

Njé gə́ Epesə 3:17

gə mba kar Kristi uru kəi meḛ sí’g gə goo meekun lə sí ləm tɔ. Bèe ɓa seḭ a kɔmje jam sí dan meenoji’g

Njé gə́ Pilibə 1:6

Ma m’gər gao yeḛ gə́ un kudu ra kula gə́ maji neelé meḛ sí’g lé a ra saar kar dəa ɔr njal ndəa gə́ ka̰ Jeju Kristi ya.

2 Timote 1:15

I gər gao, deḛ lai gə́ d’isi Asi lé d’ubam d’ya̰’m ar Pigelə gə Hermogenə to mbuna dee’g.

2 Timote 4:10

Demas lé ubam ya̰’m mba̰ mbata néje gə́ naŋg nee ɓa wa mée aree ḭ əd Tesalonik mba̰. Kresens əd Galati ləm, Titə kara əd Dalmati sèn ləm tɔ.

Maktub gə́ Jak ula ne ar ngan-Allaje 3:2

Néra gə́ to lée’g el tuga sí gə́ jigi ɓigidi-ɓigidi. Ɓó lé tapa dəw kára tugá gə́ jigi el ndá yeḛ to dəw gə́ maji ɔr njoroŋ, yeḛ askəm kwa rəa kir-kir.

1 Piɛrə 1:5

gə mba kar sí-seḭ gə́ siŋgamoŋ lə Ala aḭ ŋgaŋ sí gə goo meekun lə sí lé mbata kaji gə́ a gə nduba rəa gə́ raga ndəa gə́ rudee a kun ɗiao lé.

Loo gə́ killa rea kəm Ja̰’g 2:13

Ma m’oo loo-sii ləm, ma m’gər gao kalimbai lə Njekurai to keneŋ ləm tɔ. I wa rim kɔgərɔ ləm, ndɔ tɔl Antipas, njekɔrginta ləm gə́ to majikoji gə́ deḛ tɔlee ɓee lə sí loo gə́ loo-si Njekurai to keneŋ kara i ya̰ goo meekun ləi el ləm tɔ.