Matiyo 13:15 - Maktub gə́ To gə Kəmee

¹⁵ Mbata koso-dəwje neelé meḛ dee ndər ləm, Mbi dee udu ləma, Kəm dee libi ləm tɔ Ɓa nà d’a koo gə kəm dee gə mbi dee ləm, D’a kḛji meḛ dee gər ginee ləma, D’a kɔs ne badm tel kam m’aji dee ne ləm tɔ.

Matiyo 13:15 ပူးပေါင်းရင်းမြစ်များ

Pakɔsje 119:70

Meḛ dee ila mba̰ree to gə́ ubu gə́ ɓi bèe, Nɛ ma lé m’ar godndui to gə́ nérɔlel ləm.

Gosota-Kəmkàrje 16:30

Yeḛ gə́ libi kəmee jib-jib gə mba kya̰ rəa dan takə̰jije’d gə́ kori-kori ləm, Gə sɔ təa mɔr-mɔr ləm tɔ lé ndá Yeḛ ra majel gə mée jəgm mba̰.

Esai 44:20

Yeḛ munu bu pər, Mée əree aree ndəm Ndá yeḛ askəm kaji rəa pai godo ləm, Askəm pa pana: Néŋgɔm ɓa to ji neḛ’g lé a pa bèe el ləm tɔ.

Esai 57:18

Ma m’oo rəw-kabeeje Ndá m’a kajee tɔ, M’a to njekɔrnea̰ ləm, M’a to njegɔl mée-yeḛ Gə ka̰ dee-deḛ gə́ no̰ səa lé ləm tɔ.

Esai 6:10

Ar meḛ koso-dəwje neelé ndər ləm, Ar mbi dee udu ləma, Ar kəm dee libi ləm tɔ, Ɓa nà d’a koo gə kəm dee gə mbi dee ləm, D’a kḛji meḛ dee’g gər ginee ləma, D’a kɔs badm tel kar neḛ n’aji dee ləm tɔ.

Jeremi 17:14

Njesigənea̰, maji kari ajim Ndá m’a si kəmba ləm, Taam ta yoo’g ndá m’a kaji ləm tɔ, Mbata i ɓa to rɔnduba ləm.

Jeremi 17:9

Mee dəw ɓa ulá na̰’d Unda néje gə́ raŋg lai, Meeyèr taa loo keneŋ pəl-pəl, See na̰ askəm gər né gə́ to keneŋ wa.

Jeremi 3:22

Gə́ tel reeje, seḭ njékɔsta-rəwje, M’a kar məəm oso lemsé Dɔ nékaltaje’g lə sí. Aa oo, yḛ̀ j’aarje nee, jeḛ n’reeje rɔi’g Mbata i to Njesigənea̰ gə́ to Ala lə sí.

Jeremi 33:6

Aa ooje, m’a tel gɔlee gogo ləm, m’a kajee ləma, m’a karee si lɔm gə si dan maji’g bèdèg ləm tɔ.

Ojee 14:4

Asirije d’a kaji sí el ləm, Kunda-kaw-rɔje lé j’a kuba dee el ləma, Néje gə́ jeḛ n’raje gə ji sí lé kara J’a kula dee pana: Deḛ to gə́ Ala lə sí bèe el ləm tɔ. Mbata I ɓa to gə́ njekookəmto̰doo lə ŋgonal ya.

Jakari 7:11

Nɛ deḛ ndigi koo ta el ləm, deḛ d’ɔs bag dee gə́ tar gə kəsta ləma, d’ɔs mbi dee jigi d’udu nà d’a koo ne ləm tɔ.

Mark 4:12

Mba kar dee d’oo gə kəm dee ya nɛ d’aa gə kaa mbə̰ ləm, Deḛ d’oo gə mbi dee ya nɛ ɓar mbi dee’g gə́ ɓar ɓó gər ginee el ləm tɔ, Ɓa nà d’a kɔs ne badm tel kar mee Ala oso lemsé dɔ dee’g.

Lugu 19:42

Ɓó lé ɓogənè gə́ to ndɔ kaḭ lé ɓa kəmi-i nja inja dɔ néje gə́ wɔji dɔ meekulɔm ləi bèe lé ɓa a maji yaa̰. Nɛ ɓasinè lé néje neelé d’iya rɔ dee kəmi’g pḛ́-pḛ́ nja ɓəi.

Néra Njékaḭkulaje 28:27

Mbata koso-dəwje lé meḛ dee ndər ləm, Mbi dee udu ləma, kəm dee libi ləm tɔ, Ɓa nà d’a koo gə kəm dee gə mbi dee ləm, D’a kḛji meḛ dee’g gər ne ginee ləma, D’a kɔs badm tel kar neḛ n’aji dee ləm tɔ.

Néra Njékaḭkulaje 3:19

Bèe ndá waje ndòo rɔ sí dɔ kaiya’g lə sí ɔsje badm telje mba kar kaiya lə sí ɔr ndɔs-ndɔs ləm,

Néra Njékaḭkulaje 7:57

Yen ŋga deḛ lulee u-u-u, d’udu mbi dee gə ŋgaw ji dee, d’aḭ yi-i-i ɓugu na̰ dəa’g wɔlɔg.

2 Timote 4:4

D’a kun mbi dee rəw dɔ kankəmta’g, nɛ d’a kur mbi dee njor gə́ dɔ sutaje’g.

Ǝbrəje 5:11

J’isi gə ta yaa̰ gə́ wɔji dɔ ta neelé, to kədərə mba ndoo sí mbata kəm sí kara inja dɔ’g njaŋg el.

Loo gə́ killa rea kəm Ja̰’g 22:2

Dan mee ɓee-boo gə́ dana bab ləm, gə dɔ koŋgo baa-boo’g loo joo bɔr ya ləm tɔ lé kag kəmə to keneŋ. Kag kəmə neelé andə gə ka̰dee gə lée-lée gə naḭ kára-kára naḭ dɔg-giree-joo ləm, kamee ɓa to gə́ kuma̰ kaji ginkoji dəwje gə raŋg dɔ naŋg nee ləm tɔ.