Matiyo 12:7 - Maktub gə́ To gə Kəmee

⁷ Ta gə́ mee maktub’g lé pana: Meekɔrjol ɓa taa kəm ɓó nékinjanéməsje el. Ɓó lé seḭ gərje ginee ndá njéra né gə dɔ najee-je lé seḭ a kilaje ta dɔ dee’g el.

Matiyo 12:7 ပူးပေါင်းရင်းမြစ်များ

Maktub gə́ wɔji dɔ Jɔb 32:3

Nɛ Jɔb kara oŋg ḭ səa pu dɔ baokuraje’g ləa gə́ munda to mbata deḛ d’iŋga ta gə́ kəm kilá’g el nɛ lé bèe kara deḛ d’ila ta dəa’g.

Pakɔsje 109:31

Mbata yeḛ lé aar tar dɔ jikɔl njendoo’g lé Gə mba kɔree ne ji dee-deḛ gə́ d’ila ta dəa’g.

Pakɔsje 94:21

Deḛ lé d’wa dɔ na̰ mba tɔl njemeekarabasur ləm, Deḛ gaŋgta dɔ yeḛ gə́ ta wa dəa’g el lé ləm tɔ.

Gosota-Kəmkàrje 17:15

Njekɔr ta dɔ yeḛ gə́ ta wa dəa’g gə njegaŋ ta dɔ njemeekarabasur’g lé Deḛ joo bɔr mina̰ kəm Njesigənea̰’g.

Ojee 6:6

Mbata meekɔrjol ɓa taa kəm ɓó nékinjanéməsje ba el. Gər ndaa Ala kara maji unda nékinjanéməsje gə́ roo lé tɔ.

Matiyo 22:29

Jeju ila dee keneŋ pana: Takə̰ji lə sí lé ur sí wala mbata seḭ gərje gin maktub gə́ to gə kəmee lé el ləm, seḭ gərje siŋgamoŋ lə Ala lé el ləm tɔ.

Matiyo 9:13

Awje ndooje ginta nee: Meekɔrjol ɓa taa kəm ɓó nékinjaməs el. Togə́bè ɓa m’ree m’ɓar kaiya-dəwje ɓó njémeekarabasurje el.

Mark 12:33

Dəw gə́ undá dan kəmee’g ndigee dɔɓəŋgəree’g ləm, gə takə̰ji ləa bura ləm, gə ŋgaw mée bura ləm, gə siŋgarea bura ləma, gə unda maree dan kəmee’g to gə́ yeḛ ra gə rəa bèe ləm tɔ ndá debee neelé ra né gə́ ur dɔ nékinjanéməsje lai gə́ roo ləm, gə nékinjanéməsje gə́ raŋg lai ləm tɔ.

Néra Njékaḭkulaje 13:27

Mbata njéɓeeje gə́ Jerusalem gə mbaije lə dee-deḛ lé gər Jeju sur el ndá d’ila ne ta dəa’g d’ar ta gə́ njéteggintaje tura kəm sí’g gə ndɔ-kwa-rɔ kwa-rɔ lé aw ne lée’g béréré.

Maktub gə́ Jak ula ne ar ngan-Allaje 5:6

Seḭ gə́ ilaje ta dɔ njemeekarabasur tɔleeje ne, nɛ yeḛ aar keneŋ kərərə-kərərə ɓó ɔs sí rəw el.

Jujé 5:5

Koso-dəwje lai neelé d’inja tamɔd dee mba̰ ɓa d’unda loo mee ɓee gə́ Ejiptə teḛ ɓəi, nɛ deḛ lai gə́ d’oji dee kag-rəw’g dɔdilaloo’g goo kunda gə́ d’unda loo mee ɓee gə́ Ejiptə teḛ lé d’inja tamɔd dee el.

1 Samel 15:22

Samel pana: See Njesigənea̰ iŋga rɔlel dɔ nékinjanéməsje gə́ roo gə nékinjanéməsje gə́ raŋg to gə́ yeḛ iŋga ne rɔlel loo kila ŋgonkoji dɔ godndu Njesigənea̰’g to wa. Aa oo, kila ŋgonkoji lé maji unda nékinjanéməsje ləm, kaa dɔ ta ɓa maji unda ubu bàl badje ləm tɔ.