Matiyo 12:46 - Maktub gə́ To gə Kəmee

⁴⁶ Loo gə́ Jeju si ula boo-dəwje ta gə kəmee gə́ kédé-kédé ɓəi ndá kea̰je gə ŋgakea̰je d’aar raga saŋgee mba kwɔji səa ta.

Matiyo 12:46 ပူးပေါင်းရင်းမြစ်များ

Matiyo 1:18

Koji Jeju Kristi lé to togə́bè: Mari gə́ kea̰je lé to njemɔr lə Jisəb, deḛ səa taa na̰ el ɓəi nɛ yeḛ aw gə kèm mée’g: kèm lé to gə goo siŋgamoŋ lə Ndilmeenda.

Matiyo 12:47

Dəw kára ulá pana: Kɔḭ gə ŋgakɔḭje d’aar raga d’aar dəjii.

Matiyo 13:55

See yeḛ to ŋgolə njekḭjakag lé el wa. See Mari ɓa to gə́ kea̰je el wa. See Jak gə Jisəb gə Simo̰ gə Jude lé to gə́ ŋgakea̰je el wa.

Matiyo 2:11

Deḛ d’andə mee kəi’g ndá d’oo ŋgonkas gə kea̰je gə́ Mari lé. Deḛ d’unda barmba dəb kəm dee naŋg nea̰’g. Tɔɓəi deḛ teḛ gə nébaoje lə dee d’wa ne səa noji, d’aree larlɔr ləm, gə no̰ kag gə́ ə̰də sululu ləma, gə timbá ləm tɔ.

Matiyo 2:20

Maji kari uba naŋg ḭta, un ŋgonkas gə kea̰je lé tel aw sə dee ɓeeko̰ gə́ Israɛl, mbata deḛ gə́ ndigi kar ŋgonkas neelé udu lé d’wəi mba̰ ya.

Mark 2:21

Dəw kára kara a kun mbida ta kubu gə́ sigi kɔr ne kəm ŋgisi kubu el, mbata yee gə́ sigi neelé siŋga a kur dɔ nje gə́ ləw gə́ neelé ndá a kunda bərəŋ-bərəŋ til karee dum nje gə́ kédé ŋga.

Mark 6:3

See yeḛ lé to njera-kula-kagje gə́ to ŋgolə Mari ləm, gə ŋgoko̰ Jak gə Joses gə Juda gə Simo̰ ləm tɔ lé el wa. See kɔnaneeje d’isi mbuna sí’g nee el wa. Yeḛ tel to né gə́ bəg dee ya.

Lugu 1:43

Nojikwa gə́ togə́bè a kḭ ra ɓa ree dɔm’g ɓa ko̰ Mbaidɔmbaije ləm ree gə mba koom ne ɓa pa taree nee wa.

Lugu 2:33

Ta gə́ Simeo̰ pa ar ta igi bɔ ŋgonje gə kea̰je sel dɔ ta néje lai gə́ yeḛ pa wɔji ne dɔ ŋgon neelé.

Lugu 2:34

Simeo̰ tɔr ne ndia dɔ dee’g, ula Mari gə́ ko̰ ŋgonje lé pana: Aa oo, ŋgon neelé d’unda no̰ dee’g ɗaŋg gə né kɔr koso gə nékuba loo kḭ lə dəwje bula gə́ Israɛl ləm, gə nétɔji gə́ a kar dee d’aw ne gə na̰ puduru-puduru ya ləm tɔ.

Lugu 2:48

Loo gə́ njékojeeje lé teḛ dəa’g təsərə-təsərə ndá kaar dee wa dee paḭ ar dee d’ila ji dee ta dee’g sud ɓa, kea̰je dəjee pana: Ŋgonəm, see ban ɓa ra sə sí nje gə́ tal nee wa. Aa oo, jeḛ gə bɔbije j’unda-kundai n’sa̰gi jəmə-jəmə.

Lugu 2:51

Yen ɓa, yeḛ tədkag dee uba naŋg ḭ aw sə dee ɓee lə dee gə́ Najaret lé ɓəi. Ta neelé kea̰je wa mée’g bururu tɔ.

Lugu 8:10

Yeḛ tel ila dee keneŋ pana: Seḭje lé d’ar kəm sí inja mba kar sí gərje ne ta ɓeeko̰ lə Ala gə́ to loo-kiya’g ya. Nɛ njé gə́ raŋg lé d’ula dee gə gosota ɓa mbata d’oo gə kəm dee ya nɛ d’aa gə́ kaa mbə̰ ləm, d’oo gə mbi dee nɛ ɓar mbi dee’g gə́ ɓar ɓó gər ginee el ləm tɔ.

Tagə́maji gə́ Ja̰ ndang 19:25

Ko̰ Jeju gə njegoo kea̰je gə́ ria lə Mari gə dené lə Klopas gə Mari gə́ Magdala, deḛ ɓa d’aar mbɔr kag-dəs’g lé dəb.

Tagə́maji gə́ Ja̰ ndang 2:1

Ndɔ munda gogo to ndɔ ra naḭ taa na̰ mee ɓee gə́ Kana dɔ naŋg gə́ Galile. Ko̰ Jejuje si keneŋ ləm,

Tagə́maji gə́ Ja̰ ndang 2:12

Gée gə́ gogo yeḛ ḭ keneŋ aw Kapernawum gə kea̰je gə ŋgakea̰je gə njékwakiláje na̰’d ndá d’isi keneŋ ndɔ dee aḭ bula bəl ya.

Tagə́maji gə́ Ja̰ ndang 2:5

Kea̰je ula kuraje lé pana: Néje lai gə́ yeḛ a gə kula sí lé maji kar sí raje ya.

Tagə́maji gə́ Ja̰ ndang 7:10

Loo gə́ ŋgakea̰je d’un rəw d’aw gə́ loo-naḭ’g mba̰ ndá yeḛ kara ɔd aw tɔ nɛ yeḛ aw gə goo ŋgəḭ ɓó ar kəm dəwje oso dəa’g el.

Tagə́maji gə́ Ja̰ ndang 7:3

Ndá ŋgakea̰je d’ulá pana: Maji kari uba naŋg ḭ aw Jude mba kar njékwakilaije d’oo nérai gə́ i ra lé tɔ.

Tagə́maji gə́ Ja̰ ndang 7:5

Mbata ŋgakea̰je neelé d’ɔm meḛ dee dəa’g el.

Néra Njékaḭkulaje 1:14

Deḛ lai neelé d’ɔm meḛ dee na̰’d sad ləm, d’ai meḛ dee sam-sam gə mba ra tamaji ləm tɔ ar denéje gə́ na̰je ləm, gə Mari, ko̰ Jejuje ləma, gə ŋgako̰ Jejuje ləm tɔ lé d’isi sə dee na̰’d tɔ.

1 Njé gə́ Kɔrḭtə 9:5

See j’askəm kɔr kɔnan sí gə́ dené mba karee to njekaw sə sí gə looje lai gə́ j’a kaw keneŋ to gə́ njékaḭkulaje gə́ raŋg ləm, gə ŋgako̰ Mbaidɔmbaije ləma, gə Képas ləm tɔ ra lé el wa.

Njé gə́ Galati 1:19

Nɛ ma m’oo njekaḭkula gə́ raŋg kára kara el, nɛ Jak ŋgoko̰ Mbaidɔmbaije ɓa m’ée keneŋ ya.