Matiyo 12:41 - Maktub gə́ To gə Kəmee

⁴¹ Njé gə́ Ninibə d’a kunda loo teḛ gə ginka dəwje gə́ nee na̰’d ndɔ gaŋg-rəwta’g lé ndá d’a gaŋg-rəwta dɔ dee’g mbata takɔr lə Junas gə́ ar dee d’wa ne ndòo rɔ dee dɔ kaiya’g lə dee. Aa ooje, yeḛ gə́ aar neelé ur dɔ Junas’g.

Matiyo 12:41 ပူးပေါင်းရင်းမြစ်များ

Esai 54:17

Nérɔje lai gə́ dəwje ra mba rɔ ne səi lé D’a tel to né gə́ kari ba, Tapaje lai gə́ gaŋg ne rəwta dɔi’g lé I ɓa a kɔr ta kwa dee ne. Yee ɓa gə́ nédɔji lə kuraje lə Njesigənea̰, Yee ɓa gə́ kaji gə́ a kḭ rɔm’g teḛ rɔ dee’g, Njesigənea̰ ɓa pa bèe.

Jeremi 3:11

Njesigənea̰ ulam pana: kila koji el lə Israɛlje lé to gə́ né el kəm’g loo gə́ m’oo néra Judaje gə́ to njéhulaije lé.

Junas 1:2

Maji kari ḭta, aw Ninibə ɓee-boo’g neelé aw ila mber ndaŋg dee ne mbata néra deeje gə́ yèr lé aw njal teḛ rɔm’g ya.

Junas 3:4

Junas aw mee ɓee-boo’g neelé njaa keneŋ as ndɔ kára ndá yeḛ ɔr ndia gə́ tar wəl ula dee pana: Nai ndɔ rɔ-sɔ ba gə mba kar Ninibə tuji pugudu ya.

Matiyo 12:39

Yeḛ ila dee keneŋ pana: Ginka dəwje gə́ to njémeeyèrje gə njékaiyaje lé deḛ dəji némɔrije gə́ mba koo. Nɛ ka̰ njetegginta Junas ɓa d’a koo ɓó d’a koo némɔri gə́ raŋg el ŋga.

Matiyo 12:42

Mbai gə́ dené gə́ si gə́ kel dɔkɔl a kunda loo teḛ gə ginka dəwje gə́ nee na̰’d ndɔ gaŋg-rəwta’g lé ndá yeḛ a kila ta dɔ dee’g mbata yeḛ nja ḭ gwɔi naŋg’d mba koo ta kəmkàr lə Salomo̰. Aa ooje, yeḛ gə́ aar neelé ur dɔ Salomo̰’g.

Matiyo 12:45

Togə́bè yeḛ ɔd aw ndá iŋga ndilje gə́ yèr gə́ d’ur dəa-yeḛ’g ya ɓəi siri, ɔm dee dəa’g. Deḛ d’andə mee kəi’g neelé ra ɓee keneŋ ndá diŋgam neelé mée majel unda nje gə́ kédé. Ginka dəwje gə́ nee gə́ to njémeeyèrje lé deḛ kara d’a to togə́bè tɔ.

Matiyo 12:6

Togə́bè ɓa, ma nja m’ula sí, né gə́ boi ur dɔ kəi-Ala’g to nee.

Matiyo 16:4

Ginka dəwje gə́ njémeeyèrje gə njémɔdkaiyaje lé dəjim gə mba koo némɔri nɛ ka̰ Junas ɓa d’a koo ɓó d’a koo némɔri gə́ raŋg el. Tɔɓəi yeḛ uba dee ya̰ dee, ɔd aw loo ləa.

Matiyo 17:17

Jeju ilá keneŋ pana, seḭ ginkoji dəwje gə́ njéndɔjitaje ləm, gə mbim-oo-ta-elje ləm tɔ lé see m’a si sə sí ndɔm ka̰da tɔɓəi wa. Esé see ndɔ gə́ ra ɓa rɔm a kasm dɔ sí’g ɓəi wa. Ndɔreeje gə́ rɔm’g nee.

Matiyo 23:36

Ma m’ula sí təsərə, ta néje neelé lai a kwa dɔ ginka dəwje gə́ nee lé ya.

Lugu 11:32

Njé gə́ Ninibə d’a kḭ ta gə ginka dəwje gə́ nee lé na̰’d ndɔ gaŋgta’g lé d’a gaŋgta dɔ dee’g mbata ta kɔr lə Junas lé ar dee d’wa ndòo rɔ dee dɔ kaiya’g lə dee, nɛ aa ooje, yeḛ gə́ aar neelé ur dɔ Junas’g ɓəi.

Tagə́maji gə́ Ja̰ ndang 3:31

Yeḛ gə́ ḭ tar ree lé ur dɔ dəwje’g lai ya, yeḛ gə́ dɔ naŋg nee lé to ka̰ naŋg nee ləm, yeḛ pata néje gə́ wɔji dɔ naŋg nee ləm tɔ. Nɛ yeḛ gə́ ḭ dara ree lé ur dɔ dee’g lai ya.

Tagə́maji gə́ Ja̰ ndang 4:12

See siŋgamoŋ ləi unda ka̰ ka síjeḛ gə́ Jakob wa. Yeḛ nja uru bwa-mán neelé ar sí ləm, yeḛ ai manee kédé ɓa ya̰ ar ŋganee gə nékulje ləa kara d’ai ya ləm tɔ.

Njé gə́ Rɔmə 2:27

I gə́ sí gə maktub gə́ ɔr gin godndu ɓa i inja tamɔdi nɛ i al ta ta godndu’g lé see dəw gə́ njekḭja tamɔdee el gə́ taa ta godndu ra née ɔm ne mée dɔ’g jəb-jəb lé see yeḛ a kɔr ta kwai ne el wa.

Ǝbrəje 11:7

Meekun lé ɓa Noe ra ne bato aji ne njémeekəije ləa. Ala aree oo néje gə́ dəwje d’oo el ɓəi, taa ne tapea wá mée’g sud. Togə́bè meekun lé ɓa yeḛ ila ne ta dɔ dəwje gə́ dɔ naŋg nee, tel ne ŋgon nduba iŋga ne meekarabasur gə́ dəw iŋga gə goo meekun lé.