Matiyo 12:4 - Maktub gə́ To gə Kəmee

⁴ Yeḛ andə aw mee kəi-Ala’g o̰ muru gə́ d’unda keneŋ. To muru gə́ to gə kəmee gə́ kəm karee-yeḛ əsé deḛ gə́ d’aw səa lé d’o̰ el nɛ to mba kar njékinjanéməsje ɓa d’o̰ gə kar dee ba.

Matiyo 12:4 ပူးပေါင်းရင်းမြစ်များ

Teḛ-Raga 25:30

D’a ndur pil muruje gə́ to gə kəmee dɔ na̰’d dɔ tabul’g neelé nɔm’g ta-ta.

Ləbije 8:31

Moyis ula Aaro̰ gə ŋganeeje pana: Ar deeje ndiri dakas da neelé tarəw kəi-kubu-kiŋga-na̰’g, lé gə́ neelé ɓa seḭ a sɔje da neelé na̰’d gə muru gə́ to mee karè gə́ ka̰ kunda dee ne gə kəmee kɔm kula ji dee’g lé, to gə́ ma m’un ne ndum m’ar sí m’pana: Aaro̰ gə ŋganeeje ɓa d’a sɔ lé tɔ.

Matiyo 12:3

Jeju ila dee keneŋ pana: See seḭ turaje ta gə́ to mee maktub gə́ wɔji dɔ Dabid loo gə́ ɓoo tɔlee gə deḛ gə́ d’aw səa lé el wa.

Matiyo 12:5

Tɔɓəi ndɔ-kwa-rɔ lé njékinjanéməsje ɓa bṵji ndɔ-kwa-rɔ mee kəi-Ala’g d’al ne ta ta godndu’g lal kar ta wa dɔ dee. See seḭ turaje ta nee mee maktub Godndu’g lé el wa.

Mark 2:26

Yen ɓa d’andə mee kəi-Ala’g ndá muru gə́ d’unda gə kəmee doi d’wɔji ne dɔ njékinjanéməsje ya gə kar dee ba lé Dabid aw un o̰ ɓa ya̰ ar deḛ gə́ d’aw səa lé kara d’o̰ tɔ.

Lugu 6:4

Yeḛ uru mee kəi-Ala’g un muru gə́ deḛ d’unda gə kəmee keneŋ lé o̰ ya̰ ar deḛ gə́ d’aw səa lé d’o̰ tɔ, nɛ muru neelé d’unda gə kəmee gə mba kar njékinjanéməsje ɓa d’o̰ gə kar dee ba lé see seḭ ooje togə́bè el wa.

Ǝbrəje 9:2

Deḛ la kəi-kubu mee ndògo’g. Mee ŋgon kəi gə́ dɔtar gə́ deḛ ɓaree loo gə́ to gə kəmee lé kag pərndɔ to keneŋ ləm, tabul to keneŋ ləma, pil muru gə́ to gə kəmee to keneŋ ləm tɔ.

1 Samel 21:4

Ɓasinè see ɗi ɓa to jii’g wa. Am pil muru mi əsé né gə́ rara gə́ to jii’g ya.

1 Samel 21:6

Dabid tel ula njekinjanéməs lé pana: Tɔgərɔ, jeḛ j’ɔg rɔ sí dɔ denéje’g as ndɔ munda to gə́ kédé m’aw ne loo rɔ’g lé, tɔɓəi njérɔje ləm lai lé rɔ dee àr ŋgad-ŋgad ya ləm tɔ, nɛ ɓó lé to néra gə́ ila ndɔl dɔ loo’g kara ɓogənè a tel to né gə́ to gə kəmee mbata lə yeḛ gə́ to njegin né lé.