Matiyo 12:39 - Maktub gə́ To gə Kəmee

³⁹ Yeḛ ila dee keneŋ pana: Ginka dəwje gə́ to njémeeyèrje gə njékaiyaje lé deḛ dəji némɔrije gə́ mba koo. Nɛ ka̰ njetegginta Junas ɓa d’a koo ɓó d’a koo némɔri gə́ raŋg el ŋga.

Matiyo 12:39 ပူးပေါင်းရင်းမြစ်များ

2 Mbaije 14:25

Yeḛ tel unda kəm rəw-nim-ɓee gə́ Israɛl, un kudee loo kandə mee ɓee gə́ Amat saar teḛ ne ta baa-boo-kad gə́ to ndag-loo’g gə goo ta gə́ Njesigənea̰, Ala lə Israɛlje pa gə ndu kura ləa gə́ Junas, njetegginta gə́ to ŋgolə Amitai, dəw gə́ Gat-Eper lé.

Esai 57:3

Nɛ seḭ ŋgalə njénékooje gə́ dené, Seḭ ginkoji dəwje gə́ njépole-magəje gə njékuba Ala kyá̰je lé Gə́ reeje pər gə́ nee,

Junas 1:1

Njesigənea̰ ula Junas, ŋgolə Amitai pana:

Matiyo 16:4

Ginka dəwje gə́ njémeeyèrje gə njémɔdkaiyaje lé dəjim gə mba koo némɔri nɛ ka̰ Junas ɓa d’a koo ɓó d’a koo némɔri gə́ raŋg el. Tɔɓəi yeḛ uba dee ya̰ dee, ɔd aw loo ləa.

Mark 8:12

Jeju ila mée pugudu ɓa ḭ ila dee keneŋ pana: See ban ɓa ginka dəwje gə́ nee lé dəji loo koo némɔri wa. Ma m’ula sí təsərə, d’a kar ginka dəwje gə́ nee lé d’oo némɔri el.

Mark 8:38

Mbata nana ɓa gə́ ra kəmkul dɔm’g gə dɔ ta’g ləm mbuna ginka dəwje gə́ nee gə́ to njémɔdkaiyaje ləm, gə njékaiyaje ləm tɔ lé ndá Ŋgon-dəw a ra rɔkul dəa’g loo gə́ yeḛ a ree dan rɔnduba’g lə bɔbeeje lé gə kuraje ləa gə́ dara gə́ to njémeendaje lé na̰’d.

Maktub gə́ Jak ula ne ar ngan-Allaje 4:4

Seḭ ram-dəwje, see seḭ gərje el wa. Yeḛ gə́ unda naŋg nee dan kəmee’g ndá yeḛ wa ba̰ gə Ala. Bèe ndá yeḛ gə́ ndigi kɔr kura gə naŋg nee ndá yeḛ nja tel to njekwaba̰ gə Ala tɔ.