Matiyo 12:34 - Maktub gə́ To gə Kəmee

³⁴ Seḭ ŋgan li-meewaije, see loo gə́ ra ɓa seḭ a kooje loo kar ta néje gə́ maji a teḛ ta sí’g keneŋ wa seḭ gə́ toje njémeeyèrje. Né gə́ taa mee dəw yal-yal ɓa taree teḛ təa’g ɓəi.

Matiyo 12:34 ပူးပေါင်းရင်းမြစ်များ

Pakɔsje 53:1

Pakɔs lə Dabid gə́ ar bao-pa mba karee ɔs sə dee lé. Deḛ d’ɔs gə tébé.

Pakɔsje 64:3

Maji kari iyam kəm njémeeyèrje’g Gə́ njéra né birim-birimje gə́ d’o̰ njumam ləm, Gə kəm kudu-dəwje gə́ njéra némajelje’d Gə́ d’ɔm na̰’d téréré lé ləm tɔ.

Pakɔsje 64:5

Mba tur ne dəw gə́ ta wa dəa el gə goo ŋgəḭ ba, Deḛ tur gə́ tur lal kḛji ləm, Ɓəl ne né kára kara el ləm tɔ.

Gosota-Kəmkàrje 16:23

Kəmkàr gə́ to mee dəw’g lé Aree pa ne ta gə goo rəbee. Négər ləa gə́ ḭ dɔ maree’d gə́ kédé-kédé lé Oji na̰ təa’g tɔ.

Gosota-Kəmkàrje 4:23

Ŋgəm məəi’g maji unda néje gə́ raŋg lai Mbata yee nee ɓa ŋgira sikəmba ḭ keneŋ.

Esai 32:6

Mbata mbə-dəw lé ta mbə ɓa teḛ təa’g ləm, Takə̰ji né gə́ majel ɓa wa mée ləm tɔ Gə mba karee ila ndɔl dɔ loo’g ləm, Gə mba karee pa ne taŋgɔmje dɔ Njesigənea̰’g ləm, Mba kar mee dəw gə́ ɓó rəa lé to wəl ləma, Mba kɔg dəw gə́ kṵdaman tɔlee loo-kai-ma̰ ləm tɔ.

Esai 59:14

Bèe ɓa néra gə́ gə dɔ najee rəm gə́ gée-gée ləm, Kaji kara nai ne sə sí əw ləm tɔ, Mbata d’orè dɔ kankəmta naŋg ndaa-loo’g ləm, Néra gə́ danasur iŋga loo tibi mbɔr sí el ləm tɔ.

Esai 59:4

Dəw kára kara səg maree Gə goo rəbee bèe el ləm, Dəw kára kara ɔr kəm ta Gə goo néra gə́ danasur el ləm tɔ. Deḛ d’ɔm meḛ dee dɔ né gə́ gə mḭdé ba’g Pa ne taŋgɔmje ləm, Deḛ d’əskèm né gə́ majel ləm Néra gə́ majel ɓa d’ojee ləm tɔ.

Esai 9:17

Mbata némeeyèrje lé o̰ loo to gə́ pər Gə́ roo kun-pɔrɔrɔje gə kunje bèe, Yee taa mee kag-kɔr gə́ ndər lé Ar sa pər uba keneŋ ŋgɔg-ŋgɔg.

Matiyo 12:35

Dəw gə́ maji gə́ si gə néje gə́ maji lé ndá a teg némajije ləa gə́ raga. Dəw gə́ njemeeyèr gə́ si gə néyèrje ləa ndá a teg néyèrje ləa gə́ raga tɔ.

Matiyo 15:18

Nɛ né gə́ ḭ mee dəw’g teḛ təa gə́ raga lé yee ɓa ar dəw mina̰ ne jɔmri-jɔmri.

Matiyo 23:33

Seḭ ŋgan li-meewaije lé gehene ɓa to gə́ loo gə́ bo̰ néra sí a kɔs ta sí’g keneŋ ya nɛ see ɗi ɓa seḭ a raje gə mba teḛje ne ta’g wa.

Matiyo 3:7

Loo gə́ yeḛ oo Parisiḛje gə Saduseḛje bula ree rəa’g mba karee ra dee batɛm lé ndá yeḛ ula dee pana: Seḭ ŋgan li-meewaije, see na̰ ɓa ndoo sí mba kar sí aḭje oŋg gə́ a gə ree lé wa.

Lugu 3:7

Yeḛ ula dəwje gə́ bula digi-digi gə́ ree rəa’g mba karee ra dee batɛm lé pana: Seḭ ŋgan li-meewaije lé see na̰ ɓa wɔji sí loo kaḭ oŋg gə́ a ree lé wa.

Lugu 6:45

Dəw gə́ maji lé né gə́ maji gə́ to dɔɓəŋgəree’g ɓa a teḛ gə́ raga ɓəi, nɛ dəw gə́ njemeeyèr lé né gə́ majel gə́ to dɔɓəŋgəree’g ɓa a teḛ gə́ raga ɓəi tɔ, mbata né gə́ ɔs kɔr mee dəw’g lé ɓa a teḛ təa’g karee pa ɓəi tɔ.

Tagə́maji gə́ Ja̰ ndang 8:44

Bausi-seḭje lé nja gə́ njekurai lé ndá né gə́ bɔ síje wɔji ɓa seḭ ndigi raje tɔlje bém. Yeḛ to njetɔ-kó-dəwje kédé gə́ dɔtar saar ɓó yeḛ wa ne bua gə kankəmta el mbata kankəmta gə́ tḛ́-tḛ́ bèe kara godo mée’g. Loo gə́ yeḛ pa taŋgɔm lé yeḛ pata gə́ wɔji dəa-yeḛ mbata taŋgɔm ɓa gə́ né gelee ya. Yeḛ to njepa taŋgɔm ləm, yeḛ to darɔ bɔ njéŋgɔmje lé ləm tɔ.

Njé gə́ Epesə 4:29

Maji kar ta gə́ ərm teḛ ta sí’g kára kara el, ta gə́ maji gə́ kəm pa gə́ a rɔd mari kar mée nda ne kaḭ ɓa maji karee teḛ ta sí’g ar deḛ gə́ d’oo lé ya tɔ.

Njé gə́ Epesə 5:4

Ta rɔkul ləm, gə sor mbə ləma, gə kəsta kula sul dɔ na̰’g ləm tɔ lé néje gə́ mina̰ togə́bè lé to kəm to̰ tamee pai el, nɛ ta ra Ala oiyo ɓa areeje teḛ ta sí’g.

Maktub gə́ Jak ula ne ar ngan-Allaje 3:2

Néra gə́ to lée’g el tuga sí gə́ jigi ɓigidi-ɓigidi. Ɓó lé tapa dəw kára tugá gə́ jigi el ndá yeḛ to dəw gə́ maji ɔr njoroŋ, yeḛ askəm kwa rəa kir-kir.

1 Ja̰ 3:10

Yee neelé ɓa d’a gər ne ŋgan-Alaje gə ka̰ njekurai lé tɔ. Nana ɓa gə́ ra né gə́ lal najee ndá yeḛ to gə́ ka̰ Ala el, yeḛ gə́ lal kunda ŋgokea̰ dan kəmee’g ndá kara yeḛ to gə́ ka̰ Ala el tɔ.

1 Samel 24:13

Njesigənea̰ a to njegaŋ-rəwta mbuna síjeḛ səi’g ləm, Njesigənea̰ ɓa a dal ba̰ ləm ləm tɔ. Nɛ ma ɓa yḛ̀ m’a kun jim kɔrɔ ne rɔi el.