Matiyo 12:24 - Maktub gə́ To gə Kəmee

²⁴ Parisiḛje lé d’oo ta gə́ deḛ pa lé ndá d’ila dee keneŋ pana: Mbɔl dɔ Beeljebul, mbai lə ndilje gə́ majel lé ɓa diŋgam neelé tuba ne ndilje gə́ majel meḛ dəwje’g ya.

Matiyo 12:24 ပူးပေါင်းရင်းမြစ်များ

Pakɔsje 109:20

Maji kar né neelé ɓa to né gə́ Njesigənea̰ ɓa a kuga ne dɔ ji njéba̰je ləm Deḛ gə́ pata meeyèr d’wɔji ne dɔm lé tɔ.

Matiyo 10:25

Né gə́ deḛ ra gə mbai lé d’a ra gə njekwakilá ləm, né gə́ deḛ ra njekəi lé kara d’a ra gə ŋgonjelookisi ləa ləm tɔ. Njekəi ya ɓəi deḛ ɓaree Beeljebul ŋga see d’a ɓar njémeekəije ləa yèr-dəwje kundá yeḛ el wa.

Matiyo 9:32

Loo gə́ d’isi d’aw ɓəi ndá dəwje ree gə njegwɔskudu kára rəa’g. Loo gə́ Jeju tuba ndil gə́ majel mée’g ndá njegwɔskudu lé pata.

Matiyo 9:34

Nɛ Parisiḛje pana: Mbɔl dɔ mbai lə ndilje gə́ majel ɓa Jeju tuba ne ndilje gə́ majel meḛ dəwje’g.

Mark 3:22

Njéndaji-maktubje gə́ d’ḭ Jerusalem’g ree lé deḛ pana: Ndil Beeljebul taa mée, ar mbɔl dəa ɓa yeḛ tuba ne ndilje gə́ yèr neelé.

Lugu 11:14

Jeju tuba ndil gə́ yèr mee dəw gə́ gwɔsee udu lé. Loo gə́ ndil gə́ yèr lé unda loo teḛ yá̰ aree pata njai-njai ndá boo-dəwje gə́ d’aar keneŋ neelé kaar dee wa dee paḭ-paḭ.

Lugu 11:15

Nɛ njé gə́ na̰je mbuna dee’g pana: Mbɔl dɔ Beeljebul, mbai lə ndilje gə́ majel lé ɓa yeḛ tuba ne ndilje gə́ majel lé meḛ dəwje’g.