Matiyo 12:14 - Maktub gə́ To gə Kəmee

¹⁴ Parisiḛje teḛ ɗaga ndá deḛ d’wɔji na̰ ta saŋg ne rəw gə mba tɔlee.

Matiyo 12:14 ပူးပေါင်းရင်းမြစ်များ

Matiyo 26:4

Deḛ d’ula njuma̰ meḛ na̰’d saŋg goso kwa Jeju karee udu bo̰.

Matiyo 27:1

Teḛ gə ndɔ rad ndá mbai dɔ njékinjanéməsje-je gə ŋgatɔgje lə dəwje d’wa dɔ na̰ d’ula ta meḛ na̰’d mba kar Jeju udu ne.

Mark 14:1

Nai ndɔ joo mba kar dee ra naḭ Pag gə́ muru gə́ nétiee godo keneŋ lé. Mbai dɔ njékinjanéməsje-je gə njéndaji-maktubje saŋg goso né gə mba kwa ne Jeju ɓó gə karee wəi ne.

Mark 3:6

Loo gə́ Parisiḛje teḛ raga ndá deḛ gə njé’g lə Herɔdə d’ɔm meḛ dee na̰’d téréré d’o̰ njuma̰ Jeju saŋg loo mba tɔlee tɔ.

Lugu 22:2

Mbai dɔ njékinjanéməsje-je gə njéndaji-maktubje saŋg goso né gə mba tɔl ne Jeju, mbata deḛ ɓəl kəm dəwje.

Lugu 6:11

Oŋg ti meḛ dee paŋ-paŋ ar dee maḭ na̰ ta dɔ né gə́ d’a ra gə Jeju lé ŋga.

Tagə́maji gə́ Ja̰ ndang 10:31

Yen ŋga Jibje d’odo kɔri-ər gə mba tilá ne tɔɓəi.

Tagə́maji gə́ Ja̰ ndang 10:39

Yen ŋga deḛ saŋg loo gə mba kwá, nɛ yeḛ unda ji dee gaŋg teḛ njal.

Tagə́maji gə́ Ja̰ ndang 11:53

Un kudee mee ndəa’g neelé deḛ d’wɔji-kwɔji tɔlee rədədə.

Tagə́maji gə́ Ja̰ ndang 11:57

Yen ɓa mbai dɔ njékinjanéməsje-je gə Parisiḛje d’un ndu dee d’ar koso-dəwje pana: Ɓó lé nana ɓa gər loo gə́ yeḛ aar keneŋ ndá maji karee nani dəa gə́ raga ɓó gə mba kar dee d’ubá d’wá.

Tagə́maji gə́ Ja̰ ndang 5:18

Gelee gə́ nee ɓa ar Jibje saŋg ne kəmee yaa̰ unda nje gə́ kédé mba karee udu ne. Deḛ d’aw səa gə́ mba ndɔ-kwa-rɔ ɓa goo kára ba el nɛ mbata ɓar gə́ yeḛ ɓar Ala bɔbeeje wa ne rəa gə́ darɔ Ala lé tɔ.

Tagə́maji gə́ Ja̰ ndang 7:30

Deḛ saŋg rəw gə mba kwá, nɛ dəw kára kara wá gə jia peb el mbata kàree ləa nai ɓəi.

Tagə́maji gə́ Ja̰ ndang 7:32

Parisiḛje d’oo ta gə́ boo-dəwje pa d’wɔji ne dəa ndá deḛ wédé ta wédé-wédé d’wɔji ne dəa. Yen ŋga mbai dɔ njékinjanéməsje-je gə Parisiḛje d’ula njékaa dɔ looje gə mba kar dee d’wá.

Tagə́maji gə́ Ja̰ ndang 7:44

Njé gə́ na̰je ndigi kwá nɛ dəw kára kara wá gə jia peb el.

Tagə́maji gə́ Ja̰ ndang 8:59

Yen ŋga Jibje d’odo kɔri-ər gə mba tilá ne. Nɛ Jeju sa rəa ḭ mee kəi-Ala’g unda loo teḛ raga.