Matiyo 11:7 - Maktub gə́ To gə Kəmee

⁷ Loo gə́ d’ḭ loo gə́ nee’g d’ɔd d’aw mba̰ ndá Jeju dəji koso-dəwje ta gə́ wɔji dɔ Ja̰ lé pana: See ɗi ɓa seḭ awje dɔdilaloo’g gə mba kooje wa. See awje gə mba kooje mu-kwaa gə́ lel ula keneŋ aree yə lé wa.

Matiyo 11:7 ပူးပေါင်းရင်းမြစ်များ

Gḭ-Néje 49:4

I lé ləŋg ta təji-təji to gə́ mán bèe Ndá i a teḛkɔr dɔ marije’g el! Mbata i uba dɔ tira-to bɔbije, I ula sul dɔ tira-to bɔbije’g loo gə́ i uba dəa lé.

Matiyo 11:8

See né ɗi ɓa seḭ awje keneŋ gə mba kooje wa. See awje gə mba kooje diŋgam gə́ ula kubu gə́ kura rəa’g wa. Nɛ deḛ gə́ njékula kubuje gə́ kura rɔ dee’gje lé to deḛ gə́ d’isi mee kəije’g lə mbaije ya.

Matiyo 12:20

Ŋgawlal gə́ mbəl lé yeḛ a korè tɔ el ləm, Kúla pər gə́ o̰ jḛ̀ lé kara yeḛ a kunda tɔl el ləm tɔ Saar mba kar ta gə́ to gə dɔ najee a dum ne dɔ loo dɔ naŋg nee ya.

Matiyo 21:25

See batɛm lə Ja̰ lé see to né gə́ ḭ dara əsé to ka̰ dəwje wa. Deḛ d’ula ta dee d’ar na̰ d’isi dəji na̰ ta pana: Ɓó lé j’a kilá keneŋ pana: To né gə́ ḭ dara ndá yeḛ a kila sí keneŋ pana: Bèe ŋga see ban ɓa j’ɔm meḛ sí dəa’g el wa.

Matiyo 3:5

Njé gə́ Jerusalem gə njé gə́ Jude gə deḛ lai gə́ d’isi gugu dɔ Jurdɛ̰ lé d’aw pər gə́ rəa’g, teggin kaiya lə dee gə́ raga.

Lugu 8:18

Undaje kəmkàr dɔ rɔ sí’g loo koo ta’g lé mbata yeḛ gə́ si gə né jia’g ndá d’a karee maree dɔ’g ya, nɛ yeḛ gə́ si gə né ɓa iŋga maree dɔ’g el ndá d’a kwá taa jia’g tɔ.

Tagə́maji gə́ Ja̰ ndang 1:38

Jeju kel gée oo dee d’orè gée ndá yeḛ dəji dee pana: Seḭ lé see saŋgje na̰ ɓəi wa. Deḛ d’ilá keneŋ pana: Rabi, (tel ta koji sí pana: Mbai), see loo-sii ɓa ra wa.

Tagə́maji gə́ Ja̰ ndang 5:35

Ja̰ lé to gə́ néndogó gə́ o̰ ndogó bən ndá si gə́ seḭ sije waga kəm pər’d ləa gə́ ndogó lé lel sí ya.

Njé gə́ Epesə 4:14

Yee ɓa j’a to ne asəna gə ŋganje el ŋga, mbata ŋganje lé d’aw yo-yo nee-nee ləm, leltaje biri dee ləma, sutaje gə ta korije lə dəwje lé tel ne kəm dee ləm tɔ.

Maktub gə́ Jak ula ne ar ngan-Allaje 1:6

Nɛ maji karee dəjee gə meekun ləa ɓa ɓó a maḭ gə rəa el, mbata yeḛ gə́ maḭ gə rəa lé to asəna gə paŋgəm mán baa-boo, lel ula aree aw yo-yo nee-nee.