Matiyo 11:30 - Maktub gə́ To gə Kəmee

³⁰ Mbata néməməna̰ ləm lé a kul gwɔb sí’g kwɔji-kwɔji ləm, nékodo ləm kara wɔilɔ pélé-pélé ləm tɔ.

Matiyo 11:30 ပူးပေါင်းရင်းမြစ်များ

Gosota-Kəmkàrje 3:17

Rəwje ləa lai to rəwje gə́ ar mee dəw lelee ləm, Kila-rəwje ləa lai lé kara To kila-rəw meelɔmje ləm tɔ.

Misee 6:8

I dəw lé d’ulai né gə́ maji gə́ wɔji dɔi Gə né gə́ Njesigənea̰ ndigi kiŋga rɔi’g to: To mba kari ra né gə́ to gə dɔ najee ləm, Gə unda meekɔrjol dan kəmi’g ləma, Gə njaa gə Ala ləi gə ŋgonkoji ləm tɔ.

Matiyo 12:1

Mee ndəa’g neelé Jeju unda mee ndɔ dana gaŋg, to ndɔ-kwa-rɔ. Njékwakiláje lé ɓoo ra dee, ar dee ria barkəmko tem d’usɔ.

Tagə́maji gə́ Ja̰ ndang 16:33

Ma m’ula sí ta néje neelé mba kar meḛ sí gə́ seḭ ɔmje səm na̰’d sad lé seḭ a sije ne gə meekulɔm ya. Nékəmndoo a ra sí dɔ naŋg nee ya, nɛ waje rɔ sí kɔgərɔ mbata ma m’dum dɔ loo gə́ naŋg nee mba̰ tɔ.

Néra Njékaḭkulaje 15:10

Bèe ndá see ban ɓa seḭ aḭje mee Ala ɓasinè ulaje ne nékodo gə́ wɔi gə́ dum dɔ ka síje gə dɔ síjeḛ’g lé gwɔb njékwakiláje’g bèe ɓəi wa.

Néra Njékaḭkulaje 15:28

Mbata jeḛ ləm, gə Ndilmeenda ləm tɔ lé j’ɔm na̰’d gə mba kula sí né gə́ kəm ra ɓó j’ila ta né gə́ raŋg dɔ’g gə mba karee wɔi sí el.

2 Njé gə́ Kɔrḭtə 4:17

Némeeko̰ gə́ ra sí waga gə́ jeḛ j’oo gə́ né gə́ əḭ el lé a to kó rɔnduba gə́ d’a kula dɔ sí’g saar-saar gə no̰, gə́ lal kwɔji ləm, gə lal kunda ŋgaŋgee ləm tɔ.

Njé gə́ Galati 5:1

Kristi ɔr sí dan ɓər’g mba kar sí j’isi gə́ ŋgankojije ya. Bèe ndá sije keneŋ njaŋg ɓó ar deeje tel d’ila sí pəgərə gin ɓər’g lé el ŋga.

Njé gə́ Galati 5:18

Ɓó lé Ndil ɓa gə́ njekɔrno̰ sí lé ndá seḭ sije gin godndu’g el ŋga.

Njé gə́ Pilibə 4:13

Mbɔl dɔ yeḛ gə́ orəm més lé lé riri kara m’askəm ra ya.

1 Ja̰ 5:3

Kaa dɔ godndia kər-kər lé yee ɓa gə́ meenoji gə́ ka̰ Ala ya. Godndiaje lé to né gə́ a ndɔji el