Matiyo 11:29 - Maktub gə́ To gə Kəmee

²⁹ Ulaje dɔ sí ləm, taaje néməməna̰ ləm ləma, taaje ne ta ləm gə́ m’wɔji sí lé ndaŋgje dɔɓəŋgərə sí’g ləm tɔ mbata ma m’to dəw gə́ kul ləm, m’ula dɔm m’aw yururu ləm tɔ. Togə́bè ɓa seḭ a kiŋgaje loo-kwa-rɔ sí keneŋ.

Matiyo 11:29 ပူးပေါင်းရင်းမြစ်များ

2 Sôrta Gḭka Israɛlje 10:11

Ɓasinè, bɔbije unda nékodo gə́ wɔi dɔ dee’g nɛ i lé a kila maree dɔ’g karee wɔi dee unda njé gə́ kédé, bɔbije unda dee gə ndəije nɛ i ndá a kunda dee gə mbai-yḭje ɓa.

Pakɔsje 116:7

Ŋgaw məəm, maji kari tel si dan meekulɔm’g Mbata Njesigənea̰ lé ra səi meemaji ya.

Pakɔsje 131:1

Pakɔs kḭ kaw tuga ne loo ɗao-ɗao gə́ tar. Ka̰ Dabid. Njesigənea̰, ma lé m’ti rɔm el ləm, Esé m’aa loo gə kəm beelé el ləm tɔ, Néje gə́ boi-boi əsé néje gə́ d’al dɔm sula lé kara M’jɔg rɔm gə mba dee el tɔ.

Gosota-Kəmkàrje 3:17

Rəwje ləa lai to rəwje gə́ ar mee dəw lelee ləm, Kila-rəwje ləa lai lé kara To kila-rəw meelɔmje ləm tɔ.

Esai 28:12

Yeḛ ula dee kédé pana: Aa ooje, loo-kwa-rɔ to nee Ndá ya̰je loo arje yeḛ gə́ dao wa rəa keneŋ, Aa ooje, loo-kwa-rɔ to nee! Nɛ deḛ ndigi koo ta el.

Esai 29:19

Njénékəmndooje d’a kal rɔ dee gə́ kédé-kédé gə mbata lə Njesigənea̰ ləm, Njéndooje d’a kar Njerɔkunda lə Israɛlje to gin boo-rɔkal lə dee ləm tɔ.

Jeremi 6:16

Njesigənea̰ pa togə́bè pana: Undaje rɔ sí rəwje’g aaje loo ooje. Dəjije kila-rəwje gə́ ləw ooje, See rəw gə́ ra ɓa maji wa. Bèe ndá njaaje keneŋ Ndá seḭ a kiŋgaje loo-kwa-rɔ sí keneŋ! Nɛ deḛ d’ilá keneŋ pana: Jeḛ j’a njaaje keneŋ el.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Bula lə Israɛlje 12:3

Ndá Njesigənea̰ oo ta lə dee ya. Lé bèe kara Moyis to njemeekila gə́ ur dɔ dəwje lai gə́ d’isi dɔ naŋg nee ya.

Matiyo 17:5

Ta gə́ pa nai təa’g ɓəi ndá mum ree liriri dəb dɔ dee’g rigim ar ndu dəw ɓar mee mum’g neelé wəl pana: Yeḛ neelé to Ŋgonəm gə́ gəd-gəd gə́ m’undá dan kəm’g gə́ taa kəm rəgm ya. Taaje ta təa’g.

Matiyo 21:5

Maji kar sí ulaje koso-dəwje gə́ Sio̰ pajena: Aa ooje, mbai lə sí si aw gə́ rɔ sí’g nee, Yeḛ to dəw gə́ kul yururu, uba dɔ mulayḛ̀je gao si’g. To ŋgon mulayḛ̀je gə́ aḭ goo kea̰je gə́ yeḛ uba lé.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Matiyo 7:24

Bèe ndá nana ɓa oo tapam, ra née ndá m’a kée gə́ dəw gə́ inja paw gə́ tum gin kəi ləa dɔ mbal’g.

Lugu 8:35

Yen ŋga koso-dəwje teḛ budu-budu d’aw gə mba koo né gə́ teḛ togə́bè lé. Loo gə́ deḛ teḛ rɔ Jeju’g lé ndá d’aa loo d’oo dəw gə́ ndilje gə́ yèr teḛ mée’g lé ula kubu rəa’g si ne gɔl Jeju’g ləm, si maji ar rəa tḭja péd-péd ləm tɔ ndá ɓəl unda dee badə gaŋg dee.

Tagə́maji gə́ Ja̰ ndang 13:15

Ma nja m’wɔji lé m’ar sí gə mba kar néra sí wa bua kama ya.

Tagə́maji gə́ Ja̰ ndang 13:17

Ɓó lé seḭ gərje néje neelé raje ndá rɔ sí a sa ne rəw.

Néra Njékaḭkulaje 7:37

To Moyis neelé nja ɓa ula Israɛlje pana: Ala a kar njetegginta gə́ as səm-ma bèe ya ḭ mbuna ŋgako̰ síje’g mbata lə sí.

1 Njé gə́ Kɔrḭtə 9:21

Mbuna deḛ gə́ lal godndu lé m’tel rɔm asəna gə dəw gə́ lal godndu tɔ, ɓó gə mba kiŋga ne deḛ gə́ lal godndu lé tɔ, nɛ ma lé m’lal godndu gə́ ka̰ Ala el mbata ma m’isi gin godndu gə́ ka̰ Kristi’g.

2 Njé gə́ Kɔrḭtə 10:1

Ma Pool lé ma m’ra ndòo rɔ sí’g gə goo kaw yururu gə meemaji lə Kristi lé, ma lé loo gə́ m’isi mbuna sí’g ndá m’əḭ kəm sí’g el nɛ loo gə́ m’isi ŋgərəŋ ndá m’tɔg sí pir.

2 Njé gə́ Kɔrḭtə 10:5

Nérɔje lə sí lé jeḛ j’unda ne tamaḭje gə nébeeléje lə dəwje gə́ ḭ udu rəw ɔg dee gər ta lə Ala j’unda dee ne naŋg rə̰dəŋ-rə̰dəŋ ləm, takə̰ji lə dəwje lai lé jeḛ n’kiri dee j’wa dee j’ar dee d’oso kul no̰ Kristi’g ləm tɔ.

Njé gə́ Pilibə 2:5

Maji kar takə̰ji lə sí to gə goo ka̰ Jeju Kristi ya kára ba:

1 Njé gə́ Tesalonikə 4:2

Tɔgərɔ ya, ta ndooje gə́ jeḛ m’pa j’ar sí gə ri Mbaidɔmbaije Jeju lé seḭ gərje gao ya.

2 Njé gə́ Tesalonikə 1:8

Yeḛ a teḛ dan ndo̰ pər gə́ o̰ bilim-bilim mba kar deḛ gə́ gər Ala el ləm, gə deḛ gə́ taa tagə́maji lə Mbaidɔmbaije lə sí Jeju Kristi el ləm tɔ lé bea̰ a kɔs ta dee’g bɔsɔrɔ.

Ǝbrəje 5:9

Yee ɓa, loo gə́ yeḛ to ne dəw gə́ maji ɔr njoroŋ ɓəi ndá yeḛ tel tum ne gin kaji gə́ a to gə no̰ mbata lə deḛ lai gə́ d’ila ŋgonkoji dəa’g lé.

1 Ja̰ 2:6

Yeḛ gə́ pana: Neḛ nai səa ndá maji karee un panjaa ləa-yeḛ lé lad tɔ.