Matiyo 11:28 - Maktub gə́ To gə Kəmee

²⁸ Reeje rɔm’g, seḭ gə́ nékodo gə́ wɔi to dɔ sí’g ar sí daoje ne ɓa m’a kun dɔ sí’g.

Matiyo 11:28 ပူးပေါင်းရင်းမြစ်များ

Maktub gə́ wɔji dɔ Jɔb 14:1

Dəw gə́ dené ojee lé Ndɔ si kəmba ləa bula el ləm, né ula kəmee ndòo ta-ta ləm tɔ.

Maktub gə́ wɔji dɔ Jɔb 5:7

Dəw lé d’ojee karee oo ko̰-né To gə́ ndao-pər ḭ gə́ tar bèe tɔ.

Pakɔsje 116:7

Ŋgaw məəm, maji kari tel si dan meekulɔm’g Mbata Njesigənea̰ lé ra səi meemaji ya.

Pakɔsje 32:4

Mbata dan kàrá gə loondul’g lé Jii wɔi dɔm’g ndiŋ-ndiŋ ləm, Siŋgam tudu kurum-kurum Asəna gə loo tudu gə́ naḭ palboo’g bèe ləm tɔ.

Pakɔsje 38:4

Loo gə́ məəi oḭ ndá Darɔm si gə́ majee gə́ tḛ́-tḛ́ bèe el ləm, Kaiya ramje ɓa ar siŋgarɔmje yɔr ne yɔg-yɔg ləm tɔ.

Pakɔsje 94:13

Gə mba gɔl ne mee ndɔ nékəmndooje’g Saar kar bwa gə́ d’a gə kuru mbata lə njemeeyèr lé d’uru mba̰ ɓa.

Njekillamber 1:14

Ma m’oo néje lai gə́ ra dee dɔ naŋg neelé ndá aa ooje, to néje gə́ gə mḭdé ba, to ŋgwɔd gə́ kaḭ goo lel’g ba.

Njekillamber 1:8

Néje lai neelé kula ra dee lé loo pea godo. Kəm dəw asee dɔ koo loo’g el ləm, mbi dəw asee dɔ koo tar’g el ləm tɔ.

Njekillamber 4:8

To gə́ dəw si gə karee ba Lal njekorè dəa gə́ raŋg joo ləm Lal ŋgonee gə́ diŋgam əsé ŋgokea̰ ləm tɔ. Né ləa kara godo ləm Rudu kulaje ləa lai kara un el ləm Nébaoje ləa kara as kəmee el ləm tɔ. See gə mbata lə na̰ ɓa m’ra ne kula M’ɔg ne rɔm dɔ nérɔlelje’g wa. Lé bèe kara yee neelé To gə́ né gə́ gə mḭdé ba ya ɓəi ləm, To né gə́ majel ləm tɔ.

Esai 1:4

Meeko̰ a koso dɔ sí-seḭ Ginkoji dəwje gə́ njékaiyaje, Seḭ gə́ toje koso-dəwje Gə́ njéra né kori-korije ləm, Gə́ ŋgaka njémeeyèrje ləma, Gə́ ŋganje gə́ njéra némajelje ləm tɔ! Seḭ ubaje Njesigənea̰ yá̰je ləm, Seḭ ə̰jije Njemeenda lə Israɛlje bəḭ-bəḭ ləma, Seḭ telje gir sí ilaje areeje ləm tɔ.

Esai 11:10

Mee ndəa’g neelé barkəmrɔ Isai A kaar keneŋ asəna gə nétɔji mbata lə koso-dəwje, Ginkoji dəwje gə raŋg d’a tel kəm dee gə́ rəa’g Ndá rɔnduba ɓa a taa loo-siée pəl-pəl ya.

Esai 28:12

Yeḛ ula dee kédé pana: Aa ooje, loo-kwa-rɔ to nee Ndá ya̰je loo arje yeḛ gə́ dao wa rəa keneŋ, Aa ooje, loo-kwa-rɔ to nee! Nɛ deḛ ndigi koo ta el.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Esai 66:2

Néje lai neelé jim-ma nja ɓa ra dee ləm, Mbɔl dɔm-ma ɓa d’isi ne kəmba ləm tɔ. Aa ooje, dəw gə́ m’orè kəm ndəŋ dəa’g ɓa nee: Dəw gə́ si dan némeeko̰’g Esé yeḛ gə́ unda bala ləm, Yeḛ gə́ ɓəl ta ləm ləm tɔ.

Jeremi 31:25

Mbata yeḛ gə́ ɔr kɔd-kɔd lé m’a karee siŋgá ləm, nana ɓa gə́ unda ndolè kara m’a karee né gə́ yeḛ aw ndée ləm tɔ.

Jeremi 35:16

Tɔgərɔ, ŋgalə Jonadab gə́ to ŋgolə Rekab lé d’aa dɔ ndukun gə́ bɔ deeje un ar dee lé kər-kər nɛ koso-dəwje neelé d’un mbi dee rəw dɔ ta’g ləm.

Jeremi 6:16

Njesigənea̰ pa togə́bè pana: Undaje rɔ sí rəwje’g aaje loo ooje. Dəjije kila-rəwje gə́ ləw ooje, See rəw gə́ ra ɓa maji wa. Bèe ndá njaaje keneŋ Ndá seḭ a kiŋgaje loo-kwa-rɔ sí keneŋ! Nɛ deḛ d’ilá keneŋ pana: Jeḛ j’a njaaje keneŋ el.

Matiyo 11:29

Ulaje dɔ sí ləm, taaje néməməna̰ ləm ləma, taaje ne ta ləm gə́ m’wɔji sí lé ndaŋgje dɔɓəŋgərə sí’g ləm tɔ mbata ma m’to dəw gə́ kul ləm, m’ula dɔm m’aw yururu ləm tɔ. Togə́bè ɓa seḭ a kiŋgaje loo-kwa-rɔ sí keneŋ.

Matiyo 23:4

Deḛ tɔ nékodo gə́ wɔi d’unda dɔ tam dəwje’g nɛ ŋgaw ji dee kara d’ula keneŋ d’ɔrɔ ne kereŋ el.

Tagə́maji gə́ Ja̰ ndang 6:37

Néje lai gə́ Bɔm am lé ndá a teḛ rɔm’g ya ndá yeḛ gə́ ree rɔm’g lé m’a kyá̰ raga nda̰ el.

Tagə́maji gə́ Ja̰ ndang 7:37

Ndɔ gə́ rudu naḭ a gə kun ɗiao gə́ to ndɔ gə́ boo lé Jeju ḭ aar tar dan dee’g ila boo-ndia naŋg ɓəgəgə pana: Lé nana ɓa kṵdaman tɔlee ndá maji karee ree rɔm’g gə mba kai.

Néra Njékaḭkulaje 15:10

Bèe ndá see ban ɓa seḭ aḭje mee Ala ɓasinè ulaje ne nékodo gə́ wɔi gə́ dum dɔ ka síje gə dɔ síjeḛ’g lé gwɔb njékwakiláje’g bèe ɓəi wa.

Néra Njékaḭkulaje 20:35

M’ra né ɓəd-ɓəd m’tɔji sí né gə mba kar kula raje gə́ togə́bè ɓa seḭ a kodoje ne yɔ-dəwje ləm, meḛ sí a kolé ne dɔ Mbaidɔmbaije Jeju gə́ yeḛ nja pana: Kun né kar lé to rɔlel unda taa né!

Njé gə́ Galati 5:1

Kristi ɔr sí dan ɓər’g mba kar sí j’isi gə́ ŋgankojije ya. Bèe ndá sije keneŋ njaŋg ɓó ar deeje tel d’ila sí pəgərə gin ɓər’g lé el ŋga.

2 Njé gə́ Tesalonikə 1:7

a kar sí-seḭ gə́ d’ula kəm sí ndòo lé a kwaje rɔ sí sə sí na̰’d loo gə́ Mbaidɔmbaije Jeju a kḭ dara ree gə kuraje ləa gə́ njésiŋgamoŋje lé ləm tɔ.

Ǝbrəje 4:1

Ndukun gə́ d’un d’ar sí pana: J’a kaw loo-kwa-rɔ’g lé to njaŋg ɓəi. Bèe ndá maji kar sí ɓəlje ne mba kar dəw kára mbuna sí’g a kwa toree el.

Loo gə́ killa rea kəm Ja̰’g 22:17

Ndil lé gə njeŋgao-sigi lé pata pana: Maji kari gə́ ree. Yeḛ gə́ oo maji ndá aree pa togə́bè tɔ pana: Maji kari gə́ ree. Yeḛ gə́ kṵdaman tɔlee ndá maji karee ree taa mán kəmə gə́ aḭ teḛ kuji-kuji lé ai, m’a karee gə́ kar ya ɓó yeḛ a ndogo el.