Matiyo 11:27 - Maktub gə́ To gə Kəmee

²⁷ Néje lai lé i Bɔm ɓa ɔm jim’g. Dəw kára kara gə́ njegər Ŋgon lé gə dɔrea godo nɛ Bɔbee ɓa gəree. Dəw kára kara gə́ njegər Bɔbee lé gə dɔrea kara godo tɔ nɛ Ŋgonee ɓa gəree ləm, dəw gə́ Ŋgonee lé a ria səa dəa gə́ raga ɓa a gəree ləm tɔ.

Matiyo 11:27 ပူးပေါင်းရင်းမြစ်များ

Matiyo 28:18

Jeju ree pər gə́ rɔ dee’g ula dee pana: Ma lé d’ula dɔmoŋ dɔm’g mba karm m’to dəw dɔ néje lai dara gə dɔ naŋg nee tɔ.

Lugu 10:22

Néje lai lé Bɔm ya ɔm dee jim’g yəg ndá dəw kára kara gərm gə́ Ŋgon gə́ bèe lé el nɛ Bɔ-dəwje lé nja kára ba kiao ɓa gərm ya. Dəw kára kara gər Bɔ-dəwje lé gə́ Bɔ-dəwje gə́ bèe lé el to nɛ Ŋgon lé nja kára ba kiao ɓa gəree ləm, dəw gə́ rara gə́ Ŋgon lé ndigi riba səa dəa ɓa a gəree ɓəi ləm tɔ.

Tagə́maji gə́ Ja̰ ndang 1:18

Dəw kára kara ila kəmee dɔ Ala’g nda̰ el ɓəi. Nɛ Ŋgon gə́ kára ba gə́ to ŋgon mee Bɔbee lé ɓa ar kəm dee ti dəa’g təsərə ya.

Tagə́maji gə́ Ja̰ ndang 10:15

To gə́ Bɔm gərm-ma lé ma kara ma m’gər Bɔm gao tɔ. Tɔɓəi ma m’ya̰ ne rɔm yag gə mbata lə badje ləm lé tɔ.

Tagə́maji gə́ Ja̰ ndang 13:3

Jeju gər gao to gə́ Bɔ-dəwje mbo̰ néje lai ɔm jia’g ləm, gə kḭ gə́ yeḛ ḭ rɔ Ala’g ləm, gə tel gə́ yeḛ a gə tel gə́ rɔ Ala’g ləm lé yeḛ gər mba̰ ləm tɔ

Tagə́maji gə́ Ja̰ ndang 17:6

Dəwje gə́ i ɔr dee dan njé gə́ naŋg nee am dee lé ma m’riba sə dee dɔ rii m’ar dee ya. Deḛ to gə́ kaḭje nja ɓa i am dee ndá deḛ d’aa dɔ ta ləi kər-kər tɔ.

Tagə́maji gə́ Ja̰ ndang 3:35

Bɔ-dəwje lé unda Ŋgonee dan kəmee’g ɓa mbo̰ ne néje lai ɔm jia’g.

Tagə́maji gə́ Ja̰ ndang 6:46

Dəw kára kara oo Bɔ-dəwje lé bèe el nɛ yeḛ gə́ ḭ rɔ Ala’g lé ɓa, yeḛ nja ɓa oo Bɔ-dəwje lé nja.

Tagə́maji gə́ Ja̰ ndang 7:29

Ma lé m’gəree gao, mbata ma m’ḭ rəa’g ləm, yeḛ nja ɓa gə́ njekulam ya ləm tɔ.

1 Piɛrə 3:22

Yeḛ lé ḭ aw dara ɓa yeḛ si dɔ jikɔl Ala’g ndá kuraje gə́ dara ləm gə njéko̰ɓeeje ləma gə njésiŋgamoŋje ləm tɔ lé d’ula dɔ dee d’aree ya.

1 Ja̰ 2:23

Nana ɓa gə́ ɔs Ŋgon lé rəw ndá Bɔ-dəwje nai səa el. Nana ɓa gə́ təa teḛ pana: Ŋgon lé to ŋgon Bɔ-dəwje ndá Bɔ-dəwje nai səa ya.

2 Ja̰ 1:9

Nana ɓa gə́ aw dəa gə́ kédé ɓó ai mée sam-sam dɔ kankəmta’g lə Kristi el ndá Ala nai səa el. Yeḛ gə́ ai mée sam-sam dɔ tandoo’g neelé ndá Bɔ-dəwje nai səa ləm, Ŋgon kara nai səa ləm tɔ.