Matiyo 11:21 - Maktub gə́ To gə Kəmee

²¹ Ndɔl a koso dɔi’g, i ɓee gə́ Korajḭ! ndɔl a koso dɔi’g, i ɓee gə́ Besayida. Némɔrije gə́ deḛ ra mbuna sí’g lé ɓó lé deḛ ra mee ɓeeje gə́ Tir gə Sido̰ togə́bè ndá d’a kwa ne ndòo rɔ dee si gə kubu-kwa-ndòo ɓa rɔ dee’g ləw ba ŋga ləm, kəm dee a kwa ne kor kor-kor ləm tɔ.

Matiyo 11:21 ပူးပေါင်းရင်းမြစ်များ

Maktub gə́ wɔji dɔ Jɔb 42:6

Gelee gə́ nee ɓa ma m’gaŋgta dɔ rɔm’g m’wa ne ndòo rɔm Dan babur’g ləm, gə dan bu pər’g ləm tɔ.

Jeremi 13:27

Neḛ n’oo mɔdkaiyaje ləi Gə ndui gə́ ɓar asəna gə ndu no̰ lə kunda bèe ləm, Gə néraije gə́ to kḛji asəna gə néra kaiya-dené Gə́ i ra dɔ looje gə́ ndəw’g gə mee ndɔje’g ləma, N’oo néraije gə́ mina̰ ləm tɔ. Meeko̰ a koso dɔi-i Jerusalem’g See saar ndɔ gə́ ra ɓa i a tila gə́ tila Mba kɔr won rɔi ɓəi wa.

Joɛl 3:4

Kàr a tel ndul njudu-njudu ləm, Naḭ a tel kas to gə́ məs bèe ləm tɔ Ɓad ɓa kar ndɔ lə Mbaidɔmbaije a teḛ ɓəi, A to ndɔ gə́ boo ləm, gə ndɔ nduba rɔ ləm tɔ.

Amɔs 1:9

Njesigənea̰ ɓa pa togə́bè pana: Gə mbata kaiya ra Tirje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ɔm koso-dəwje bula ji Edɔmje’d gə́ ɓərje Lal kar meḛ dee olé dɔ manrɔ’g lə ŋgako̰ deeje Gə́ deḛ man ne rɔ dee d’ar dee lé.

Matiyo 11:22

Ma nja m’ula sí, ndɔ gaŋg-rəwta lé ta gə́ a kwa dɔ sí lé a kur dɔ ka̰ Tir gə Sido̰’g ya.

Matiyo 15:21

Jeju ḭ keneŋ aw kəmee gə́ Tir gə Sido̰.

Matiyo 18:7

Némeeko̰ a ra dəwje dɔ naŋg nee mbata némeekɔsgelje lə dee. Lé riri kara némeekɔsgelje lé d’a to ya nɛ meeko̰ a ndər di-di dɔ njekunda ginee’g.

Matiyo 26:24

Ŋgon-dəw lé a kɔd kuru kaw to gə́ deḛ ndaŋg ne taree mee maktub’g d’wɔji ne dəa lé ya. Nɛ meeko̰ a nai dɔ dəw gə́ njekun dɔ Ŋgon-dəw’g lé. Dəw neelé d’ojee el kara maji ya.

Mark 3:8

gə deḛ gə́ d’ḭ Jude ləm, gə deḛ gə́ Jerusalem ləm, gə deḛ gə́ d’ḭ Idume ləm, gə deḛ gə́ d’ḭ tura kel Jurdɛ̰’g ləma, gə deḛ gə́ d’ḭ Tir gə Sido̰ ləm tɔ. Loo gə́ deḛ d’oo no̰ nérea lai-lai gə́ yeḛ ra lé ndá deḛ lai ree rəa’g tɔ.

Mark 6:45

Waga ndá yeḛ ar njékwakiláje d’uru mee to’g mba gaŋg mán kaw kel tura par gə́ Besayida, nɛ darəa-yeḛ nja ŋga ɓa nai gə boo-dəwje gogo gə mba kula dee kar dee d’ḭ d’aw ɓee.

Mark 7:24

Jeju ḭ keneŋ ɔd aw gə́ ɓeeko̰ gə́ Tir gə Sido̰. Yeḛ andə mee kəi’g kára bèe gə ŋgəḭ ba mbata yeḛ ndigi kar dəw kára kara gər loo-siée el, nɛ loo-kiya-rəa godo.

Mark 7:31

Jeju uba naŋg ḭ ɓeeko̰ gə́ Tir taa rəw gə́ wɔji dɔ Sido̰ par gə́ kel baa-boo gə́ Galile’g bèe, yeḛ dəs unda mee ɓee gə́ Dekapol tar gaŋg.

Mark 8:22

Deḛ d’ḭ keneŋ d’aw Besayida ndá dəwje ree gə njekəmtɔ rɔ Jeju’g, ra ne ndòo rəa’g mba karee ar kəmee teḛ.

Lugu 4:26

Lé bèe kara Ala ula Eli rɔ dee’g el nɛ njekəisiŋga kára gə́ si Sarepta dɔ naŋg gə́ Sido̰ lé ɓa yeḛ ulá Eli rəa’g.

Lugu 6:17

Yeḛ risi sə dee gə́ bər loo gə́ loo asəna rai-rai keneŋ, lée neelé d’iŋga boo-njékwakiláje keneŋ gə dəwje bula digi-digi gə́ d’ḭ Jude ləm, gə Jerusalem ləma, gə Tir gə Sido̰ gə́ to ta mán’g ləm tɔ. Deḛ ree keneŋ gə mba koo ta təa’g ləm, gə mba kar rɔko̰je lə dee kara ɔr rɔ dee’g ləm tɔ.

Lugu 9:10

Njékaḭkulaje lé tel d’ula Jeju goo néje lai gə́ deḛ ra lé. Ndá yeḛ ɔr dee ɔm dee gée’g ar dee sa rɔ dee d’aw par gə́ ɓee gə́ ria lə Besayida.

Tagə́maji gə́ Ja̰ ndang 1:44

Pilibə lé to gə́ Besayida, ɓee lə dee-deḛ gə Andre gə Piɛrə to gə́ na̰’d.

Tagə́maji gə́ Ja̰ ndang 12:21

deḛ ree rɔ Pilibə’g, dəw gə́ Besayida gə́ to dɔ naŋg gə́ Galile lé jaŋgee d’ulá pana: Mbai, jeḛ ndiŋga rɔ sí gə mba koo Jeju.

Néra Njékaḭkulaje 12:20

Herɔdə ar mée adee dɔ njé gə́ Tir gə Sido̰’g. Nɛ deḛ lé tɔs dɔ na̰ ndo̰-ndo̰ ree gə mba kiŋgá, d’aw d’iŋga Blastə gə́ to njeŋgəm kəi-to ləa lé dəjee gə mba karee ra rəw kɔm na̰’d lə dee mbata ɓee lə mbai Herɔdə lé to ɓee kuba maji lə dee.

Néra Njékaḭkulaje 27:3

Ndɔ gə́ njekorè gée, j’wa naŋg Sido̰, Julius gə́ njera meemaji gə Pool lé un ndia aree gə mba karee aw kəi lə baokuraje ləa gə mba kiŋga né gə́ ban-un jén kara ji dee’g.

Jude 1:11

Maji kar meeko̰ ra dee! Mbata deḛ tuga rəw goo Kaḭ’g ləm, deḛ d’al d’uru loo-kwəi-yoo-lar’g ndəm ne ndəm lə Balaam ləma, d’al ta kal lə Koré ləm tɔ.

Loo gə́ killa rea kəm Ja̰’g 11:3

M’a kun ndum kar njékɔrgootaje ləm gə́ joo lé siŋga dee mba kɔr ne goo ta kar ndɔ dee tɔl-dɔg-giree-joo gə dəa rɔ-misa̰, d’a kaar gə kubu-kwa-ndòo rɔ dee’g.

Loo gə́ killa rea kəm Ja̰’g 6:12

M’aa loo gərərə ndá loo gə́ Ŋgonbad lé ɔr nérḛdə ta maktub gə́ njekɔm’g misa̰. Naŋg yə ɓugu-ɓugu ləm, kàr tel ndul asəna gə wul-kunda gə́ d’ṵji gə́ ɓɔl ləma, naḭ gə kuburee kara tel məs ləm tɔ.