Matiyo 10:42 - Maktub gə́ To gə Kəmee

⁴² Nana ɓa gə́ a kun ŋgo-kai-mán gə́ kul kar dəw kára mbuna ŋganəmje’g neelé mbata yeḛ to njekwakilam ndá ma m’ula sí təsərə, debee neelé nékiŋga gə́ wɔji dəa ndá a lal nda̰ bèe el.

Matiyo 10:42 ပူးပေါင်းရင်းမြစ်များ

1 Mbaije 17:11

Nɛ loo gə́ yeḛ aw gə mba saŋg mán lé ndá Eli ɓar gée gogo ulá pana: M’ra ndòo rɔi’g, gə́ ree gə ga̰ muru jii’g am tɔ.

2 Mbaije 4:10

Ar sí n’raje ŋgon kəi bɔrɔ dɔ maree’g ndá ar sí j’urje tira keneŋ ləm, j’undaje tabul, gə kali, gə néndogó keneŋ ləm tɔ j’areeje, mba kar loo gə́ yeḛ teḛ rɔ sí’g ndá yeḛ a kwa rəa keneŋ.

Gosota-Kəmkàrje 19:17

Yeḛ gə́ oo kəmtondoo lə njendoo lé To asəna gə yeḛ gə́ ar Njesigənea̰ tona né Ndá yeḛ nja a kuga ɓaŋgee gə goo néreaje.

Gosota-Kəmkàrje 24:14

Nɛ maji kari gər kəmkàr mbata kankəmrɔi kara togə́bè tɔ, Ɓó lé i iŋga ndá ndɔ gə́ bèlè to gən ləm, Nékunda-mee-yel dɔ’g ləi lé a kudu bo̰ el tɔ.

Njekillamber 11:1

Ila muru ləi dan mán’g as ndɔje bula ndá i a tel kiŋga ɓəi.

Jakari 13:7

Njesigənea̰ gə́ njeboo-néje ɓa pa togə́bè pana: Kiambas, maji kari ḭta rɔ gə njekulbadje ləm ləm Gə yeḛ gə́ to njeboalookaw ləm ləm tɔ. Maji kari tɔl njekulbadje ar badje d’aḭ sané na̰ kad-kad. Bèe ɓa n’a tel gə ji neḛ par gə́ rɔ dee gə́ siŋga dee godo’g lé.

Matiyo 18:10

Meḛ sí dɔ rɔ sí’g nà seḭ a kulaje sul dɔ ŋgon kára gə́ mbuna mareeje’g neelé mbata ma m’ula sí təsərə, kuraje lə dee gə́ dara d’aar nderəm ta Bɔm gə́ si dara lé.

Matiyo 18:14

Togə́bè ɓa Bɔ síje gə́ si dara lé wɔji-kwɔji kar ŋgon kára kara mbuna mareeje’g neelé ndəm igi el tɔ.

Matiyo 25:40

Mbai lé a tel kila dee keneŋ pana: Ma m’ula sí təsərə, loo gə́ rara gə́ seḭ raje néje gə́ togə́bè keneŋ gə dəw kára gə́ nai gɔ mbuna ŋgakɔmje’g neelé ndá ma nja raje səm kən tɔ.

Lugu 17:2

Kun biri mbal tɔ gwɔsee’g kundá ne kilá dan baa-boo’g ɓa to maji unda karee sula ŋgon gə́ nai gɔ mbuna mareeje’g karee oso dan kaiya’g lé tɔ.

Lugu 6:35

Nɛ seḭ lé undaje njéba̰je lə sí dan kəm sí’g ləm, waje sə dee noji ləma, ar deeje wɔr sí né ɓa undaje bala təa el ləm tɔ. Togə́bè ɓa nékiŋgaje lə sí a kal dɔ loo ɓəi ləm, seḭ a toje ŋgan Njekurdɔloo’g ləm tɔ mbata yeḛ ra meemaji gə njéra nédɔkuduje ləm, gə njémeeyèrje ləm tɔ.

2 Njé gə́ Kɔrḭtə 8:12

Loo gə́ dəw ḭ gə mée mba kwa noji gə maree ɓa né to jia’g mba karee ra né bèe lé yee ɓa gə́ né gə́ taa kəm Ala ɓó loo gə́ né godo jia’g lé el.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.