Matiyo 10:37 - Maktub gə́ To gə Kəmee

³⁷ Yeḛ gə́ ndigi bɔbeeje əsé kea̰je undam-ma ndá ḭ ɓee ləm el ləm, yeḛ gə́ ndigi ŋgonee gə́ diŋgam əsé ŋgonee gə́ dené undam-ma kara ḭ ɓee ləm el ləma,

Matiyo 10:37 ပူးပေါင်းရင်းမြစ်များ

Gḭ-Néje 21:11

Ta neelé ar mee Abrakam uree sir gə mbata lə ŋgonee lé.

Jakari 13:3

Ɓó lé dəw tegginta ya ɓəi ndá bɔbeeje gə kea̰je gə́ d’ojee lé d’a kulá pana: I a si kəmba el mbata i pa taŋgɔm gə ri Njesigənea̰. Bèe ɓa bɔbeeje gə kea̰je gə́ d’ojee lé d’a kundá tɔlee loo gə́ yeḛ aar gə mba tegginta lé.

Matiyo 22:37

Jeju ilá keneŋ pana: Mbaidɔmbaije Ala ləi lé i a kundá dan kəmi’g ndigee dɔɓəŋgəri’g ləm, gə ŋgaw məəi bura ləma, gə takə̰ji ləi bura ləm tɔ.

Matiyo 22:8

Yen ɓa yeḛ ula kuraje ləa pana: M’wa dɔ gɔl né ra naḭ lé jəb mba̰, nɛ deḛ gə́ m’ɓar dee kuramarmje lé néra dee wa bea el.

Lugu 14:26

Ɓó lé nana ɓa gə́ ree rɔm’g ɓa yeḛ oo bɔbeeje gə kea̰je gə dené ləa gə ŋganeeje gə ŋgakea̰je gə́ diŋgam gə njé gə́ dené gə rəa-yeḛ nja kara oo dee gə́ né gə́ to kḛji el ndá yeḛ a kaskəm to njekwakilam el tɔ.

Lugu 20:35

nɛ deḛ gə́ d’oo dee gə́ d’askəm kiŋga loo mee ləb gə́ a gə ree gə́ d’a teḛ loo-yoo’g lé ndá d’a taa denéje el ləm, denéje kara d’a taa ŋgaw el ləm tɔ.

Lugu 21:36

Sije dɔkəji sí’g kəgəgə, raje tamaji lé ta-ta togə́bè ɓa loo gə́ néje neelé a teḛ ndá siŋga sí a kas gə mba kɔrje dɔ sí keneŋ ləm, seḭ a teḛ kaarje ne tar no̰ Ŋgon-dəw’g lé ləm tɔ.

Tagə́maji gə́ Ja̰ ndang 5:23

mba kar dəwje lai d’ila riɓar dɔ Ŋgon’g to gə́ deḛ d’ila dɔ Bɔbeeje’g bèe lé ya tɔ. Dəw gə́ rara ɓa gə́ ila riɓar dɔ Ŋgon’g neelé el ndá yeḛ ila riɓar dɔ Bɔbeeje gə́ njekulá’g el tɔ.

Tel tura Godndu 33:9

Ləbije pata lə bɔ deeje gə ko̰ deeje pana: Jeḛ j’oo deeje el! Deḛ d’ɔr kəm ŋgako̰ deeje ləm, Deḛ gər ŋgan deeje el ləm tɔ, Mbata deḛ lé d’aa dɔ taje ləi ləm, D’aa dɔ manrɔ ləi kər-kər ləm tɔ.

Loo gə́ killa rea kəm Ja̰’g 3:4

Nɛ dəwje gə́ na̰je gə́ d’isi səi Sardes lé d’ar yiro wa kubu lə dee el. Deḛ nja d’a njaa səm gə kubu gə́ nda kələw-kələw mbata d’askəm njaa səm ya.

1 Samel 2:29

Nékinjaməsje gə nékarje ləm gə́ m’un ndum m’ar dee ree ne mee kəi-sim’g lé see ban ɓa seḭ tuba deeje gə gɔl sí wa. See gə mba ɗi ɓa i ula rɔnduba dɔ ŋganije’g undam-ma, ar sí taaje ne néje gə́ doŋgɔr gə́ dəwje ləm gə́ Israɛl d’un lé d’ar sí-seḭ ərje ne ndɔl-ndɔl wa.