Matiyo 10:24 - Maktub gə́ To gə Kəmee

²⁴ Njekwakila mbai a kur dɔ njetoje’g el ləm, ŋgonjelookisi lə njekəi a kur dɔ ɓéeje’g el ləm tɔ.

Matiyo 10:24 ပူးပေါင်းရင်းမြစ်များ

2 Samel 11:11

Uri tel ila Dabid keneŋ pana: Sa̰duk-manrɔ gə Israɛlje gə Judaje d’isi mee kəi-kubuje’g ləm, mbai ləm Joab gə kuraje lə mbai ləm kara d’isi loo gə́ wala’g ləm tɔ ndá see ma ŋga ɓa m’a kaw mee kəi’g kaw sɔ gə kai gə to gə dené ləm wa. Tɔgərɔ ya si gə́ i si kəmba gə darɔi ɓəi neelé m’a ra né gə́ togə́bè lé pai godo.

Matiyo 10:25

Né gə́ deḛ ra gə mbai lé d’a ra gə njekwakilá ləm, né gə́ deḛ ra njekəi lé kara d’a ra gə ŋgonjelookisi ləa ləm tɔ. Njekəi ya ɓəi deḛ ɓaree Beeljebul ŋga see d’a ɓar njémeekəije ləa yèr-dəwje kundá yeḛ el wa.

Lugu 6:40

Njekwakila mbai a kur dɔ ɓéeje’g el, njekwakila mbai gə́ gɔl ta néreaje gɔl-gɔl ndá yeḛ a to kasəna gə ɓéeje ya tɔ.

Tagə́maji gə́ Ja̰ ndang 13:16

Ma m’ula sí təsərə, kura lé a kur dɔ mbai’g ləa el ləm, njekaḭkula kara a kur dɔ njekulá’g el ləm tɔ.

Tagə́maji gə́ Ja̰ ndang 15:20

Arje meḛ sí olé dɔ ta gə́ ma m’ula sí’g lé: Kura lé a kur dɔ ɓéeje’g el. Ɓó lé deḛ d’ula kəm-ma ndòo ndá d’a kula kəm sí-seḭ ndòo tɔ, ɓó lé d’aa dɔ ta ləm kər-kər ndá d’a kaa dɔ ta lə sí-seḭ kər-kər tɔ.