Matiyo 10:23 - Maktub gə́ To gə Kəmee

²³ Loo gə́ d’a kula kəm sí ndòo ɓee gə́ kára’g ndá aḭje awje mee ɓee gə́ raŋg’d. Ma m’ula sí təsərə, ɓeeje lə Israɛlje kara seḭ a kuruje denje el nja ɓəi ndá Ŋgon-dəw a teḛ.

Matiyo 10:23 ပူးပေါင်းရင်းမြစ်များ

Jeremi 26:21

Mbai Jojakim ləm, gə bao-rɔje ləa ləma, gə ŋgan-mbaije ləa lai ləm tɔ d’oo taje ləa nee ndá mbai saŋg loo mba kar dee tɔlee. Uri oo taree ndá yeḛ ɓəl, tɔɓəi aḭ aw ɓee gə́ Ejiptə.

Matiyo 16:27

Mbata Ŋgon-dəw lé a ree gə kuraje ləa gə́ dara na̰’d gə rɔnduba gə́ bɔbeeje a kula dəa’g. Ndəa neelé yeḛ a kuga nana kara gə goo kula rəa-rəa ya.

Matiyo 16:28

Ma m’ula sí təsərə, njé gə́ na̰je mbuna deḛ gə́ d’isi neelé d’a kwəi el nja ɓəi ɓa d’a koo Ŋgon-dəw ree asəna gə mbai bèe gə kəm dee.

Matiyo 2:13

Loo gə́ deḛ d’ḭ d’ɔd d’aw mba̰ ndá né gə́ mḭdi ɓa kura lə Mbaidɔmbaije gə́ dara ur ne dɔ Jisəb’g ulá ne pana: Maji kari uba naŋg ḭta un ŋgonkas gə kea̰je lé aḭ sə dee aw sə dee Ejiptə saar ma nja m’a kulai né gə́ i a ra ɓəi. Mbata Herɔdə lé a gə saŋg loo mba tɔl ŋgonkas neelé ya.

Matiyo 23:34

Gelee gə́ nee ɓa ma m’ula ne njéteggintaje gə njégosokəmkàrje gə njéndaji-maktubje rɔ sí’g. Seḭ a tɔlje njé gə́ na̰je ɗar deeje kaar kag’d ləm, seḭ a kundaje njé gə́ raŋg gə ndəi-kɔb mee kəi-kwa-dɔ-na̰je’g lə sí ləma, seḭ a kulaje kəm dee ndòo gə ɓee-ɓee ləm tɔ,

Matiyo 23:36

Ma m’ula sí təsərə, ta néje neelé lai a kwa dɔ ginka dəwje gə́ nee lé ya.

Matiyo 24:27

Tɔgərɔ ya, to gə́ ndi ḭ bər tel wərərə njal teḛ ar njé gə́ dɔ-gó d’ée lé ndɔ ree lə Ŋgon-dəw lé kara a to togə́bè nja tɔ.

Matiyo 24:30

Yen ŋga, nékwɔji loo ree lə Ŋgon-dəw lé a teḛ dara ndá ginkoji dəwje gə raŋg gə́ dɔ naŋg nee d’a kunda kaar dee no̰ gə kii gèr-gèr ləm, d’a kaa loo koo Ŋgon-dəw gə́ a kḭ dara si ree dan loo-kil’g lə ndi gə siŋgamoŋ gə boo-ronduba ləm tɔ.

Matiyo 24:34

Ma m’ula sí təsərə, ŋgaka síje d’a nai naŋg nee gə kəm dee ya ɓəi ɓa né neelé a teḛ dɔ dəwje’g ya.

Matiyo 24:48

Nɛ ɓó lé kura neelé to njeyèr gə́ ə̰ji ta mée’g pana: Mbai lə neḛ a ree dəb el ɓəi,

Matiyo 25:13

Maji kar sí síje kəmba mbata seḭ gərje ndəa əsé kàree el.

Matiyo 26:64

Jeju tel ilá keneŋ pana: Yeḛ nja i pa kən mba̰. Ma m’ula sí təsərə ya, ndɔ gə́ raŋg seḭ a kooje Ŋgon-dəw gə́ si dɔ jikɔl siŋgamoŋ’g lə Ala lé ləm, gə loo kḭ gə́ a kḭ dara ree dan mum’g lé ləm tɔ.

Matiyo 4:12

Loo gə́ Jeju oo ta lə Ja̰ gə́ d’ilá daŋgai’g lé ndá yeḛ sa rəa aw Galile.

Mark 13:26

Yen ŋga d’a koo Ŋgon-dəw gə́ a kḭ dara teḛ dan loo-kil’g lə ndi ndá yeḛ a ree gə siŋgamoŋ ləm, gə doŋgɔr-ronduba ləm tɔ.

Lugu 18:8

Ma m’ula sí təsərə yeḛ a kḭ kalaŋ ra rəwta lə dee gə tɔgee ya. Nɛ see loo gə́ Ŋgon-dəw a gə ree lé see a kiŋga njémeekunje gə́ dɔ naŋg neelé nja to wa.

Lugu 21:27

Yen ŋga d’a koo Ŋgon-dəw gə́ a teḛ dan loo-kil’g lə ndi gə siŋgamoŋ ləm, gə rɔnduba ləm tɔ.

Tagə́maji gə́ Ja̰ ndang 7:1

Gée gə́ gogo Jeju aw gə loo-loo dɔ naŋg gə́ Galile, yeḛ ndigi si Jude el mbata Jibje saŋg loo gə mba tɔlee.

Néra Njékaḭkulaje 17:10

Léegəneeya ŋgako̰ na̰je d’ar Pool gə Silas d’ḭ loondul’g mba kaw Bere. Loo gə́ deḛ teḛ keneŋ mba̰ ndá d’aw mee kəi-kwa-dɔ-na̰’g lə Jibje.

Néra Njékaḭkulaje 17:14

Yen ŋga ŋgako̰ na̰je d’ar Pool ḭ gə tɔgee aw par gə́ gə loo gə́ baa-boo’g, nɛ Silas gə Timote ɓa nai Bere.

Néra Njékaḭkulaje 20:1

Loo gə́ taree wəi bèm mba̰ ndá Pool mbo̰ njékwakiláje dɔ na̰’d. Loo gə́ yeḛ ndəji dee ndá yeḛ ra dee ne lapia ɓa ḭ mba kaw dəb ɓeeko̰ gə́ Masedoinə ɓəi.

Néra Njékaḭkulaje 8:1

Sool ndigi sə dee rəgm gə mba kar dee tɔl Etien. Mee ndəa’g neelé nja d’ḭ d’ɔm na̰ dɔ Eglisə gə́ Jerusalem’g. Deḛ lai sanéna̰ dɔ ɓeeje gə́ Jude gə Samari ləm tɔ, nɛ njékaḭkulaje ɓa nai.