Matiyo 10:15 - Maktub gə́ To gə Kəmee

¹⁵ Ma nja m’ula sí təsərə, ndɔ gaŋg-rəwta lé rəwta gə́ d’a gaŋg dɔ ɓee’g neelé a kur dɔ ka̰ Sɔdɔm gə Gɔmɔr tɔ.

Matiyo 10:15 ပူးပေါင်းရင်းမြစ်များ

Matiyo 12:36

Ma m’ula sí təsərə, ndɔ gaŋg-rəwta lé tapa dəwje gə́ deḛ pa gə́ sin-sin lé d’a teg wad-wad.

Matiyo 5:18

Ma m’ula sí təsərə, dara gə naŋg nee d’a dəs wuduru mba̰ ɓa godndu lé a kudu ɓəi, néje gə́ tḛ́-tḛ́ gə́ tɔs dɔ kandə ta gə́ tḭja keneŋ lé a tuji gə mḭdé el saar kar dəa ɔr njal.

Matiyo 7:22

Ndəa neelé dəwje bula d’a dəjim pana: Mbai, Mbai, see jeḛ riba dɔ ta ləi gə rii el wa. See jeḛ m’ɓar rii n’tuba ne ndilje gə́ kurai meḛ dəwje’g el wa.

Mark 6:11

Ɓó lé loo gə́ rara ɓa gə́ seḭ a teḛje keneŋ ɓa deḛ ndigi kwa sí gə́ rɔ dee’g el ləm, deḛ ndigi koo ta lə sí el ləm tɔ ndá ḭ saaje rɔ sí keneŋ gə́ gogo ləm, kundaje kor gə́ gɔl sí’g kɔd-kɔd dɔ ɓee’g neelé ləm tɔ mba karee to gə́ nékɔrkəmta gə́ a kwa dɔ dee lé kɔmje dɔ dee’g.

Tagə́maji gə́ Ja̰ ndang 12:48

Yeḛ gə́ mbadm saar lal taa ta ləm ndá njegaŋ-rəwta dəa’g si gən ya. Ta gə́ ma m’ɔr lé nja ɓa a gaŋg rəbee dəa’g ndɔ gə́ rudu’g lé ya.

Tagə́maji gə́ Ja̰ ndang 6:39

Né gə́ njekulam wɔji lé ɓa nee: Néje lai gə́ yeḛ am ndá m’a kar né kára kara udu pai el nɛ m’a karee unda loo teḛ ndɔ gə́ rudu gə́ gogo lé ya.

Tagə́maji gə́ Ja̰ ndang 6:40

Tɔgərɔ ya, né gə́ mee Bɔm wɔji lé ɓa to nee: Nana ɓa gə́ oo Ŋgon lé ɓa ɔm mée dəa’g ndá a si gə kəməgə́ gə no̰ lé ləm, m’a karee unda loo teḛ loo-yoo’g ndɔ gə́ rudu’g lé ləm tɔ.

Néra Njékaḭkulaje 17:31

mbata yeḛ unda ndɔ gə́ yeḛ a gə gaŋg rəwta dɔ dəwje gə́ dɔ naŋg neelé gə goo rəbee ləm, dəw gə́ a gə gaŋg rəwta neelé kara yeḛ unda doi ləm tɔ. Yeḛ ar dəwje lai d’oo ta neelé gao loo gə́ yeḛ ar debee neelé unda loo teḛ dan njé gə́ d’wəi’g.

1 Njé gə́ Kɔrḭtə 3:13

Mbata ndəa neelé gin kula ra dee a kinja gə́ raga wagəsa dan pər’g mbata pər a naa kula ra nana kara mba koo see to kula gə́ ban wa.

1 Njé gə́ Tesalonikə 5:4

Seḭ ŋgako̰ síje gə́ sije dan loondul’g el lé ndəa neelé a teḛ dɔ sí’g asəna gə njeɓogo el.

Ǝbrəje 10:25

Njé gə́ na̰je lal kwa dɔ na̰, nɛ maji kar sí n’raje to gə́ deḛ ra el. Nɛ maji kar sí j’ulaje diŋgam meḛ na̰’d unda nje gə́ kédé mbata seḭ ooje ndɔ gə́ boo lé si aw gə́ nee dəb ya.

2 Piɛrə 2:6

ɓó lé Ala ila tuji dɔ Sɔdɔm gə Gɔmɔr ar dee tel ne bu pər gə́ nétɔji dəwje gə́ néra dee a kaw gə goo ka̰ Ala el,

2 Piɛrə 2:9

ɓó lé to togə́bè ndá Mbaidɔmbaije gər loo kɔr dəwje gə́ néra dee aw gə goo ka̰ Ala dan né gə́ naa dee ləm, yeḛ gər loo kunda njéra nékori-korije kul mba ŋgina ne ndəa gə́ yeḛ a gaŋg rəwta dɔ dee’g kar bo̰ néra ɔs ta dee’g lé ləm tɔ.

2 Piɛrə 3:7

Tɔɓəi ta gə́ teḛ ta Ala’g lé ɓa dara gə naŋg gə́ ɓasinè lé d’wa ne rɔ deḛ ŋgina ne pər gə́ a ko̰ dee ndɔ gaŋg rəwta’g, ndɔ gə́ dəwje gə́ néra dee to gə goo ka̰ Ala el lé d’a tuji ne ya.

1 Ja̰ 4:17

To gə́ yeḛ to dəw gə́ bèe lé ndá maji kar síjeḛ kara n’toje gə́ dəwje gə́ bèe dɔ naŋg neelé tɔ, yee ɓa meenoji lé a kɔr ne dɔ meḛ sí’g mba kar sí j’aar ne nea̰’g ndɔ gaŋg-rəwta’g lé gə meendakaḭ ɓó gə kaar gəd el.

Jude 1:6

Tɔɓəi kuraje gə́ dara gə́ d’ar néra dee wa bua kula lə dee el nɛ d’uba loo-si dee d’ya̰ lé yeḛ unda dee kul ŋgina ne ndɔ gaŋg rəwta gə́ to ndɔ gə́ boo gə́ yeḛ a tɔ dee gə kúla lar jo̰dɔrɔ kɔm dee dan loo gə́ ndul njudu-njudu’g gə no̰ lé tɔ.

Jude 1:7

Tɔɓəi Sɔdɔm gə Gɔmɔr gə ɓeeje gə́ gugu dɔ deḛ gə́ d’ula rɔ dee dan kaiya’g d’ar mal néje gə́ mina̰ ula pər meḛ dee’g lé deḛje neelé bo̰ néra dee ɔs ta dee’g dan pər gə́ o̰ bilim-bilim gə́ to gə no̰. Ala unda dee no̰ sí’g unda rɔ dee ar sí j’oo, wɔji ne pia gə́ a gə ra sə sí lé ya tɔ kən.