Matiyo 10:10 - Maktub gə́ To gə Kəmee

¹⁰ əsé ɓɔl-mbá el ləm, əsé gə kubu-kula-rɔ sí’g joo el ləm, əsé markob mbata gɔl sí el ləma, əsé nékad gə́ rara kara el ləm tɔ, mbata njekula lé askəm kiŋga nésəa ya.

Matiyo 10:10 ပူးပေါင်းရင်းမြစ်များ

Bula lə Israɛlje 18:31

Seḭ gə njémeekəije lə sí lé, seḭ a sɔje néje neelé mee loo gə́ rara kara gə́ ya, mbata yee ɓa to nékoga dɔ ji sí gə́ wɔji dɔ kula gə́ seḭ raje mee kəi-kubu-kiŋga-na̰’g lé.

Matiyo 10:11

Ɓee-boo əsé ɓee-kogo gə́ rara gə́ seḭ a teḛje keneŋ lé ndá dəji deeje dəw gə́ to gə́ gar sí. Ɓó lé si keneŋ ndá sije səa saar a kḭje kawje ne.

Mark 6:8

Yeḛ un ndia gə mba kar dee d’un kag tɔs ya ba ji dee’g ɓó d’a kun né gə́ raŋg el ləm, d’a kun muru əsé ɓɔl-mbá əsé lar mee ndar-kwa-dɔ-kubuje’g lə dee el ləm tɔ.

Lugu 3:11

Yeḛ tel ila dee keneŋ pana: Nana ɓa gə́ kubu kula rəa’g joo ɓa ka̰ ŋgokea̰ gə́ dəw godo ndá maji karee un kára bəl aree. Nana ɓa gə́ to njekiŋga nésɔ kara maji karee ra togə́bè ya tɔ.

Lugu 9:3

Yeḛ ula dee pana: Loo gə́ a gə kunje rəw lé ndá unje né kára kara ji sí’g el, unje kag tɔs əsé ɓɔl əsé muru əsé lar el ləm, kubu kara kawje ne gin joo-joo el ləm tɔ.

2 Timote 4:13

Loo gə́ i a gə ree ndá un kubu kul ləm gə́ m’ya̰ Troas ɓee lə Karpus ləm, odo maktubje ləm ləma, gə ndarje gə́ ka̰ ndaŋg maktub dɔ’g kara ləm tɔ.

1 Samel 17:40

Yeḛ un ɗuguru-kag ləa wa jia’g tɔɓəi yeḛ mbər jərje mi gə́ guburu ŋgal-ŋgal dan mán’g ɔm dee mee ɓɔl-ŋgəm-né’g lə njékulbadje ləa ləm, gə mee ɓɔl-kubu’g ləa ləm tɔ. Ndá yeḛ ɔd aw gə́ dɔ dəw gə́ Pilisti’g lé gə yɔroŋ-dooje ləa jia’g.

1 Samel 9:7

Sawul ula kura ləa lé pana: Ɓó lé j’a kaw keneŋ ndá see ɗi ɓa j’a kaw kar dəw lé wa. Mbata nésɔ godo mee ɓɔlje’g lə sí ləm, né gə́ kəm kun kar dəw lə Ala kara godo ləm tɔ. Ŋga see ɗi ɓa to ji sí’g wa.