Matiyo 1:21 - Maktub gə́ To gə Kəmee

²¹ Yeḛ nja a kaji dəwje ləa kɔr dee ne dan kaiyaje’g lə dee.

Matiyo 1:21 ပူးပေါင်းရင်းမြစ်များ

Gḭ-Néje 17:19

Ala pana: Tɔgərɔ ya, Sara gə́ dené ləi lé a koji səi ŋgon ndá i a kunda ria lə Isaak. Maa̰ gə́ m’a man rɔm karee lé a to manrɔ gə́ a to saar-saar gə no̰ gə mbata lə ŋgakeaje gə́ gée’g.

Gḭ-Néje 17:21

M’a man rɔm kar Isaak, yeḛ gə́ Sara a kojee səi mee naḭ gə́ togə́bè’g ləb gə́ gogo tɔ.

Gḭ-Néje 18:10

Yeḛ gə́ kára mbuna dee’g pa pana: M’a tel ree rɔi’g gogo mee naḭ gə́ togə́bè’g, ndá aa oo, Sara gə́ dené ləi a kiŋga ŋgon gə́ diŋgam. Nɛ Sara lé si ta kəi-kubu gə́ to gir Abrakam’g lé si tuga mbia oo ne tɔ.

Jeremi 23:6

Mee ndɔje’g ləa lé Judaje d’a kaji ləm, Israɛlje d’a si lɔm loo-si dee’g ləm tɔ, Aa ooje, ria gə́ d’a ɓaree ne ɓa nee: Njesigənea̰ to njegin meekarabasur lə sí.

Jeremi 33:16

Mee ndəaje’g neelé ɓeeko̰ lə Juda a kaji ləm, njé gə́ Jerusalem d’a si gə meekulɔm loo-si dee’g ləm tɔ. Aa ooje, d’a ɓaree Njesigənea̰ gə́ to njegin meekarabasur lə sí ya.

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Matiyo 1:25

Nɛ deḛ gər na̰ el saar yeḛ oji ŋgon gə́ diŋgam ndá yeḛ unda ria lə Jeju.

Lugu 1:13

Nɛ kura gə́ dara lé ulá pana: Jakari, ɓəl el ɓó, mbata tamaji ləi gə́ i ra lé oso mbi Ala’g pad ya. Elijabed, dené ləi lé a koji səi ŋgon gə́ diŋgam ndá i a kunda ria lə Ja̰.

Lugu 1:31

Aa oo, i a taa kèm, a koji ŋgon gə́ diŋgam ndá a kunda ria lə Jeju.

Lugu 2:11

Kàr gə́ ɓogənè ɓa d’oji njekaji sí mee ɓee-boo’g lə Dabid d’ar sí, yeḛ to Kristi, Mbaidɔmbaije lé.

Lugu 2:21

Loo gə́ ndɔ aḭ jinaijoo ndá deḛ d’inja tamɔd ŋgon neelé keneŋ ɓa d’unda ria ɓəi, ria gə́ d’unda gə́ Jeju lé to ri gə́ kura gə́ dara unda dəa’g kédé ɓa kea̰je əskèmee ɓəi tɔ.

Tagə́maji gə́ Ja̰ ndang 1:29

Bèlè lookàree Ja̰ oo Jeju si aw gə́ rəa’g ndá yeḛ pana: Aa ooje, Ŋgon badə lə Ala gə́ a gə kɔr kaiya naŋg neelé.

Tagə́maji gə́ Ja̰ ndang 4:42

Deḛ d’ula dené lé pana: Jeḛ j’ɔm meḛ sí dəa’g gə mba tapai ɓa goo kára ba el, mbata jeḛ nja jeḛ j’oo ta ləa gə mbi sí, yee ɓa jeḛ n’gər gao, yeḛ to Njekaji dəwje gə́ dɔ naŋg nee lai-lai ya.

Néra Njékaḭkulaje 13:23

Ŋgoka Dabid lé ɓa Ala ɔr njekaji keneŋ ar Israɛl, yee ɓa gə́ Jeju gə goo ndukun gə́ yeḛ un ne ndia ar dee lé.

Néra Njékaḭkulaje 3:26

Ala ɔr kura ləa aree aw rɔ sí-seḭ’g ya dɔtar mba karee tɔr ndia dɔ sí’g mba kar nana kara mbuna sí’g sa rəa dɔ néra gə́ ndɔji pɔdɔdɔ’g ya.

Néra Njékaḭkulaje 4:12

Dəw gə́ raŋg rara kara gə́ kaji a kḭ rəa’g lé godo. Ɓó lé seḭ a kawje rara gin dara gə dɔ naŋg nee mbuna dəwje’g kara seḭ a kooje ri dəw gə́ raŋg gə mba kun kaji ne lé el.

Néra Njékaḭkulaje 5:31

Ala lé unee gə jikɔlee undá tar aree to gə́ Mbai ləm, gə Njekaji dəwje ləm tɔ, gə mba kar Israɛlje d’wa ne ndòo rɔ dee dɔ kaiya’g lə dee kar mée ti ne mbidi dɔ’g.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.

Ǝbrəje 7:25

Yee gə́ bèe ɓa, yeḛ askəm kaji ne deḛ gə́ mbɔl dəa ɓa rəm pər gə́ rɔ Ala’g lé, a kaji dee ne kɔr njal mbata yeḛ to njesikəmba saar-saar gə no̰ mba ra rəwta lə dee-deḛ kar dee ya.

1 Ja̰ 1:7

Nɛ ɓó lé jeḛ njaa dan kàrá to gə́ yeḛ nja nai dan kàrá lé ndá jeḛ j’ɔm meḛ sí na̰’d sad ya, bèe ɓa məs Jeju Ŋgonee ɔr ne won kaiyaje lə sí ɓə̰dərə-ɓə̰dərə tɔ.

1 Ja̰ 3:5

Seḭ gərje gao, Jeju lé ree mba kɔr kaiya lə dəwje kɔm kɔrɔ nɛ kaiya kára kara uba rəa təb el.

Loo gə́ killa rea kəm Ja̰’g 7:14

Ma m’ula m’pana: Mbai ləm, i gər gao ya. Yeḛ ilam keneŋ pana: Deḛ lé d’ḭ dan némeeko̰ gə́ boo ya, deḛ togo kubuje lə dee ndá məs Ŋgonbad ɓa d’ar kubuje lə dee àr ne raŋg-raŋg.

Njéga̰g-Rəwtaje 13:3

Kura lə Njesigənea̰ teḛ dɔ dené’g neelé ulá pana: Aa oo, i to kawkad, oji ŋgon el nɛ ɓasinè i a taa kèm ndá i a koji ŋgon gə́ diŋgam.

1 Samel 1:20

Mee ləbee gən lé An taa kèm ndá yeḛ oji ŋgon gə́ diŋgam gə́ yeḛ unda ria lə Samel mbata yeḛ pana: M’dəjee Njesigənea̰.