Matiyo 1:20 - Maktub gə́ To gə Kəmee

²⁰ Loo gə́ yeḛ si ə̰ji taree mée’g bèe ɓəi ndá né gə́ mḭdi ɓa kura lə Mbaidɔmbaije gə́ dara teḛ ne dəa’g ulá ne pana: Jisəb, ŋgon Dabid, maji kari ɓəl mba taa Mari gə́ dené ləi el mbata kèm gə́ to mée’g lé to ka̰ Ndilmeenda ya. Yeḛ a koji ŋgon gə́ diŋgam ndá i a kunda ria lə Jeju.

Matiyo 1:20 ပူးပေါင်းရင်းမြစ်များ

Gḭ-Néje 31:11

Yen ŋga kura lə Ala gə́ dara uru dɔm’g gə ni ɓarm pana: Jakob! Ma m’ndigi təa’g m’pana: Yḛ̀ m’aar nee.

Gḭ-Néje 46:3

Ala pana: Ma m’to Ala, Ala lə bɔbije ya. Maji kari ɓəl mba kaw ɓee gə́ Ejiptə lé el mbata lé gə́ neelé ɓa m’a kari tel to ginkoji dəwje gə́ boo keneŋ ya.

1 Mbaije 17:13

Nɛ Eli ulá pana: Ɓəl el, aw kəi aw ra to gə́ i pa lé ya. Nɛ maji kari ila mbə kára ree ne am kédé ɓa i a ra mbata ləi-i gə ŋgoni lé ɓəi.

1 Mbaije 3:5

Loo gə́ Gabao̰ lé Njesigənea̰ teḛ dɔ Salomo̰’g gə ni loondul’g ndá yeḛ ulá pana: Maji kari dəjim né gə́ i ndigi mba kam m’ari ya.

Pakɔsje 119:125

Ma lé m’to kura ləi ya, Maji kari am gosonégər Gə mba karm m’gər ne tornduije lé.

Pakɔsje 143:8

Un kudee teḛ gə ndɔ rad ya ndá Am m’oo meemaji ləi Mbata ma lé m’ɔm məəm dɔi’g ya. Ar kəm inja dɔ rəw gə́ kəm njaa keneŋ lé Mbata ma lé m’tel kəm par gə́ rɔi’g ya.

Pakɔsje 94:19

Loo gə́ takə̰jije gə́ məəm’g d’ḭ d’ɔs goo na̰ ŋgɔg-ŋgɔg ndá I nja gɔl məəm ar rɔm lelm ne.

Gosota-Kəmkàrje 12:5

Takə̰ji lə njémeekarabasurje lé To né gə́ to gə dɔ najee ya goo kára ba, Né gə́ njémeeyèrje d’wɔji-kwɔji ra lé To né gə́ su kəm loo ya goo kára ba tɔ.

Esai 26:3

Yeḛ gə́ aar njaŋg dɔ néje gə́ yeḛ wɔji ɔm ne mée dɔ’g lé I aree meekulɔm gə́ ɔr njal Mbata yeḛ ɔm mée jəb-jəb dɔi’g ya.

Esai 30:21

Loo gə́ seḭ a gə kawje dɔkɔl əsé dɔgel ndá Mbi sí a koo ndu gə́ ɓar goo sí’g gogo pana: Aa ooje, rəw ɓa nee, njaaje keneŋ!

Esai 51:7

Ooje ta ləm, Seḭ gə́ gərje rəw néra gə́ gə dɔ najee, Seḭ dəwje gə́ godndum to dɔɓəŋgərə sí’g lé! Ɓəlje mbata rɔkul gə́ dəwje d’ila dɔ sí’g lé el ləm, Undaje bala mbata kəm sí gə́ d’ula ndòo lé el ləm tɔ.

Esai 7:13

Esai tel ulá tɔɓəi pana: Seḭ ŋgaka Dabid lé urje mbi sí! See naa gə́ seḭ naaje meekila lə dəwje lé to né gə́ lam ba ɓa seḭ naaje meekila lə Ala tɔɓəi wa.

Esai 7:2

Deḛ d’ula ŋgaka Dabidje taree pana: Aramje d’isi mee ɓee gə́ Eprayim. Ndá dɔɓəŋgərə Akaj gə koso-dəwje ləa unda bala tigi-tigi to gə́ kag-mee-kɔrje gə́ lel biri dee gə́ yo gə́ nee bèe.

Jeremi 31:22

I ŋgoma̰də gə́ njekilatar lé See saar ndɔ gə́ ra ɓa i lé A kunda ŋgaŋ kila tar ləi wa. Mbata Njesigənea̰ unda gin né Gə́ sigi dɔ naŋg nee: Dené a kwa mɔr gə diŋgam ŋga.

Jeremi 33:26

ma m’a kuba ŋgaka Jakob, gə ŋgaka kura ləm Dabid kya̰ dee togə́bè ləm, mbuna ŋgakeaje’g lé m’a kɔr deḛ gə́ d’a gə ko̰ dɔ ŋgaka Abrakam, gə ka̰ Isaak, gə ka̰ Jakob el ŋga ləm tɔ. Mbata m’a kar njé’g lə dee gə́ d’aw ɓee-ɓər’g tel ree ɓée ləm, m’a koo kəmtondoo lə dee ləm tɔ.

Jeremi 40:9

Gedalia, ŋgolə Ahikam gə́ to ŋgolə Sapan man rəa ar dee-deḛ ləm, gə dəwje lə dee ləm tɔ pana: Ɓəlje mba ra kula kar Kaldeje el. Sije mee ɓee’g raje kula arje mbai gə́ Babilɔn ndá a síje ne gə́ majee.

Bula lə Israɛlje 12:6

Yeḛ pana: Ooje ta ləm maji, loo gə́ njetegginta a si mbuna sí’g ndá némḭdi ɓa ma Njesigənea̰ m’a riba ne səa dɔ rɔm ləm, ni ɓa m’a kwɔji ne səa ta ləm tɔ.

Matiyo 1:18

Koji Jeju Kristi lé to togə́bè: Mari gə́ kea̰je lé to njemɔr lə Jisəb, deḛ səa taa na̰ el ɓəi nɛ yeḛ aw gə kèm mée’g: kèm lé to gə goo siŋgamoŋ lə Ndilmeenda.

Matiyo 2:12

Tɔɓəi deḛ d’ḭ d’un rəw gə́ raŋg d’unda gaŋg ɓee lə dee mbata deḛ ni, d’oo to gə́ Ala ndəji dee, ɔg dee tel kaw gə rəw gə́ ɓee lə Herɔdə ya.

Matiyo 2:13

Loo gə́ deḛ d’ḭ d’ɔd d’aw mba̰ ndá né gə́ mḭdi ɓa kura lə Mbaidɔmbaije gə́ dara ur ne dɔ Jisəb’g ulá ne pana: Maji kari uba naŋg ḭta un ŋgonkas gə kea̰je lé aḭ sə dee aw sə dee Ejiptə saar ma nja m’a kulai né gə́ i a ra ɓəi. Mbata Herɔdə lé a gə saŋg loo mba tɔl ŋgonkas neelé ya.

Matiyo 2:19

Loo gə́ Herɔdə wəi mba̰ ndá né gə́ mḭdi ɓa kura lə Mbaidɔmbaije lé teḛ ne dɔ Jisəb’g mee ɓee gə́ Ejiptə’g ulá ne pana:

Matiyo 2:22

Loo gə́ yeḛ oo to gə́ Arkelawus o̰ ɓee gə́ Jude tor bɔbeeje Herɔdə’g ndá yeḛ ɓəl kaw keneŋ. Néni ɓa Ala ulá ne aree sa rəa aw ɓeeko̰ gə́ Galile.

Matiyo 27:19

Loo gə́ Pilatə si dɔ kalimbai gaŋg-rəwta’g ɓəi ndá dené ləa ula-kula ar dee d’ulá pana: Maji kari ar ta oso dɔ sí-seḭ gə njemeekarabasur’g neelé el, mbata ɓogənè lé ni gə́ kurai ya m’ni dəa’g.

Matiyo 28:5

Kura lə Ala lé gə́ dara un ta ula denéje neelé pana: Seḭ ɓa yḛ̀, ɓəlje nda̰ el mbata ma m’gər gao Jeju gə́ deḛ ɗaree kaar kag’d lé ɓa seḭ ndoleeje ya.

Lugu 1:19

Kura gə́ dara lé tel ilá keneŋ pana: Ma lé m’to Gabriel gə́ njekaar no̰ Ala’g lé. Yeḛ nja ɓa ulam gə mba karm m’ulai tagə́maji neelé ləm, gə m’unda nea̰ m’ari oo ləm tɔ.

Lugu 2:4

Jisəb kara ḭ Galile mee ɓee gə́ ria lə Najaret mba kaw Jude mee ɓee-boo’g lə Dabid gə́ ɓaree Betlehem, mbata yeḛ to ŋgoka Dabid gə́ koji kəi kɔl ɓa yeḛ si aw ne gə mbəa

Néra Njékaḭkulaje 5:19

Nɛ kura lə Mbaidɔmbaije gə́ dara ɔr tarəwkəi loondul’g, ar dee d’unda loo teḛ raga ndá ula dee pana:

Loo gə́ killa rea kəm Ja̰’g 19:7

Ar sí n’raje rɔlel, ar sí j’alje ne rɔ sí ləma, ar sí j’ulaje rɔnduba dəa’g ləm tɔ, mbata ndɔ ra naḭ taa dené lə Ŋgonbad lé kàree teḛ mba̰ ndá dené ləa wa dɔ gɔl rəa mbata ndɔ-naḭ lé mba̰ tɔ.

Njéga̰g-Rəwtaje 13:3

Kura lə Njesigənea̰ teḛ dɔ dené’g neelé ulá pana: Aa oo, i to kawkad, oji ŋgon el nɛ ɓasinè i a taa kèm ndá i a koji ŋgon gə́ diŋgam.