Matiyo 1:12 - Maktub gə́ To gə Kəmee

¹² Loo gə́ d’wa dee d’aw sə dee Babilɔn’g mba̰ ndá Jekonias oji Salatiel, Salatiel oji Jorobabel,

Matiyo 1:12 ပူးပေါင်းရင်းမြစ်များ

2 Mbaije 24:14

Yeḛ wa dəwje gə́ Jerusalem ya gə́ ɓər ləm, mbaije lai ləm, gə bao-rɔje gə́ njésiŋgamoŋje lai gə́ bula lə dee as tɔl-dɔg-loo-dɔg (10.000) ləm tɔ, tɔɓəi yeḛ wa njékḭja-kagje, gə njéra lar kudu tarəwje tɔ, ges dəwje gə́ nai lé to njéndooje gə́ mee ɓee’g ya ba.

2 Mbaije 25:27

Ləb si gə́ ɓər lə Jojakḭ, mbai gə́ Juda gə́ njekɔm’g rɔ-munda-giree-siri mee ndɔ gə́ njekɔm’g rɔ-joo-giree-siri, lə naḭ gə́ njekɔm’g dɔg-giree-joo lé ɓa, Ebil-Merodak, mbai gə́ Babilɔn, mee ləb ko̰ɓee’g ləa gə́ dɔtar lé ɔr ne dɔ Jojakḭ, mbai gə́ Juda lé gə́ tar, aree unda loo kəi-daŋgai’g teḛ.

1 Sôrta Gḭka-Israɛlje 3:17

Ŋgalə Jekonias ɓa ri dee to nee: Asir. Asir oji Səaltiel,

Esdras 3:2

Josué, ŋgolə Josadak, gə ŋgakea̰je gə́ to gə́ njékinjanéməsje ləm, gə Jorobabel, ŋgolə Səaltiel, gə ŋgakea̰je ləm tɔ lé d’ḭ ra loo-nékinjaməs d’ar Ala lə Israɛlje gə mba kinja nékinjanéməsje gə́ ka̰ roo lé keneŋ gə goo ta gə́ ndaŋg mee maktub godndu’g lə Moyis, gə́ to dəw lə Ala.

Esdras 5:2

Yen ŋga Jorobabel, ŋgolə Səaltiel, gə Josué, ŋgolə Josadak, d’ḭ d’un kudu kunda kəi-Ala gə́ to Jerusalem lé. Tɔɓəi njéteggintaje lə Ala gə́ d’isi sə dee keneŋ lé la sə dee tɔ.

Nehemi 12:1

Aa ooje, ri njékinjanéməsje gə Ləbije gə́ ree gə Jorobabel, ŋgolə Səaltiel gə Juje lé ɓa nee: Seraja gə Jeremi gə Esdras

Jeremi 22:24

Njesigənea̰ pana: Neḛ n’to njesikəmba, lé i Jekonia, ŋgolə Jojakim, mbai gə́ Juda to gə́ ŋgama gə́ jikɔl neḛ’g ya kara n’a kɔree gə́ léegəneeya.

Jeremi 22:28

See Jekonia to jo gə́ tɔ gə́ d’ə̰jee bəḭ-bəḭ wa. See yeḛ to né gə́ dəw kára kara oo gə́ né el ɓəi wa. See gelee ban ɓa d’unee-yeḛ gə ŋgakeaje d’aw d’ɔm dee dɔ ɓee’d gə́ deḛ gər el lé wa.

Jeremi 22:30

Njesigənea̰ pa togə́bè pana: Undaje ri dəw neelé gə́ dəw gə́ lal ŋgon ləm, gə́ dəw gə́ teḛkɔr mee ndɔje’g ləa el ləm tɔ. Mbata ŋgokea kára kara gə́ a teḛkɔr mba si kalimbai’g lə Dabid mba ko̰ɓee dɔ Judaje’g lé godo.

Jeremi 27:20

gə́ Nebukadnesar, mbai gə́ Babilɔn taa el, loo gə́ yeḛ wa Jekonia, ŋgolə Jojakim, mbai gə́ Juda ləm, gə dəwje gə́ boo-boo lai gə́ Juda gə Jerusalem ləm tɔ ɓər aw sə dee Babilɔn lé.

Ajee 1:1

Mee ləb gə́ njekɔm’g joo gə́ Darius to ne mbai, mee ndɔ gə́ dɔtar’g lə naḭ gə́ njekɔm’g misa̰ lé ɓa Njesigənea̰ ula Aje, njetegginta ta nee aree un aw ula Jorobabel, ŋgolə Səaltiel, gə́ to njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləm tɔ pana:

Ajee 1:12

Jorobabel, ŋgolə Səaltiel ləm, gə Juje, ŋgolə Josadak, ŋgɔ-njekinjanéməs ləma, gə ges koso-dəwje lai gə́ nai ləm tɔ d’oo ndu Njesigənea̰, Ala lə dee gə goo ta gə́ Aje, njetegginta pa taree gə goo kula gə́ Njesigənea̰ Ala lə dee ɔm jia’g lé. Bèe ɓa ɓəl unda koso-dəwje badə gaŋg dee no̰ Njesigənea̰’g.

Ajee 1:14

Njesigənea̰ ɔs Jorobabel, ŋgolə Səaltiel, njeguburuɓee gə́ Juda ɓɔḭ-ɓɔḭ ləm, ɔs Juje, ŋgolə Josadak, ŋgɔ-njekinjanéməs ɓɔḭ-ɓɔḭ ləma, ɔs ges koso-dəwje lai gə́ nai ləm tɔ. Deḛ ree d’un kudu ra kula kəi lə Njesigənea̰ gə́ njeboo-néje gə́ to Ala lə dee lé

Ajee 2:2

Maji kari ula kula dəji Jorobabel, ŋgolə Səaltiel, njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləma, gə ges koso-dəwje gə́ nai ləm tɔ lé pana:

Ajee 2:23

Njesigənea̰ gə́ njeboo-néje lé pana: Mee ndəa’g neelé n’a kuni-i Jorobabel, kura lə neḛ gə́ to ŋgolə Səaltiel. Njesigənea̰ ɓa pa bèe. N’a ŋgəmi asəna gə nétorji neḛ mbata neḛ nja n’kɔdi n’ɔri. Njesigənea̰ gə́ njeboo-néje ɓa pa bèe ya.

Matiyo 1:11

Josias to bɔ Jekonias gə ŋgakea̰je mee ndəa gə́ d’wa dee d’aw sə dee Babilɔn lé.

Matiyo 1:13

Jorobabel oji Abiud, Abiud oji Eliakim, Eliakim oji Ajor,

Matiyo 1:17

Bèe ndá un kudee mee ndəa’g lə Abrakam saar teḛ ne ndɔ ka̰ Dabid’g lé ŋgakadɔgeeje lé d’as dɔg-gir-dee-sɔ ləm, un kudee mee ndəa’g lə Dabid saar teḛ ne ndəa gə́ d’wa dee keneŋ d’aw ne sə dee Babilɔn’g lé ŋgakadɔgeeje d’as dɔg-gir-dee-sɔ ləma, un kudee mee ndəa gə́ d’wa dee d’aw dee Babilɔn’g saar ndɔ koji Kristi lé ŋgakadɔgeeje d’as dɔg-gir-dee-sɔ ləm tɔ.

Lugu 3:27

gə́ to ŋgolə Joanan, gə́ to ŋgolə Resa, gə́ to ŋgolə Jorobabel, gə́ to ŋgolə Salatiel, gə́ to ŋgolə Neri,