Matiyo 1:1 - Maktub gə́ To gə Kəmee

¹ Ginka Jeju Kristi, yeḛ gə́ to ŋgoka Dabid ləm, gə ŋgoka Abrakam ləm tɔ.

Matiyo 1:1 ပူးပေါင်းရင်းမြစ်များ

Gḭ-Néje 12:3

M’a tɔr ndum dɔ deḛ gə́ tɔr ndu dee dɔi’g ləm, m’a kila ndɔl dɔ deḛ gə́ d’ila ndɔl dɔi’g ləm tɔ. Ginkoji dəwje lai dɔ naŋg nee d’a kiŋga dɔkaisəgərə rɔi’g ya.

Gḭ-Néje 2:4

Aa ooje, gin k’unda gə́ d’unda dara gə naŋg neelé, lé ɓa nee: Loo gə́ Njesigənea̰ Ala ra naŋg nee gə dara lé ndá

Gḭ-Néje 22:18

Ginkoji dəwje gə raŋg lai dɔ naŋg nee lé d’a kiŋga dɔkaisəgərə rɔ ŋgakaije’g mbata i lé njaa gə ŋgonkoji dɔ ta’g ləm ya.

Gḭ-Néje 5:1

Aa ooje, maktub gə́ wɔji dɔ ŋgaka Adam lé ɓa nee. Loo gə́ Ala unda dəw lé yeḛ rəa aree to tana gə Ala ya pai-pai.

Pakɔsje 132:11

Njesigənea̰ lé man rəa gə kankəmta ar Dabid Ndá yeḛ a pəl ta el, yeḛ pana: N’a kar ŋgonee gə́ to ŋgon mée Si dɔ kalimbai’g ləa gao ya.

Pakɔsje 89:3

Mbata ma m’pana: Meemaji lé ŋgira siŋ naŋg siŋ-siŋ, I ar meenda londoŋ ləi to njaŋg mee dara’g.

Pakɔsje 89:36

Neḛ n’un ndu neḛ gə rɔkubu gə goo meenda lə neḛ gɔl kára ya, See n’a kula Dabid taŋgɔm wa.

Esai 11:1

Tɔɓəi barkəmrɔ Isai a kidi dɔ jigee’g ləm, Barkəmee a tuba dɔ ŋgiraje’g ləm tɔ.

Esai 53:8

Néɓəŋgərəti gə koo ko̰ né ɓa Deḛ d’ɔree ne gə mbəa, Mbuna njéboakojije’g ləa lé See na̰ ɓa oo gə́ né wa. Mbata deḛ d’aree udu dɔ naŋg’d lə njésikəmbaje ləm, Kaiya ra koso-dəwje ləm-ma lé ɓa Deḛ tɔlee ne gə mbəa ləm tɔ.

Jeremi 23:5

Njesigənea̰ pana: Aa ooje, mee ndɔje gə́ a gə ree lé M’a kar barkəm Dabid Gə́ to njera né gə dɔ najee uba sigi, Yeḛ a ko̰ɓee gə́ mbai ləm, Yeḛ a teḛkɔr ləm, Yeḛ a gaŋg rəwta gə dɔ najee ləma, A ra né gə goo rəbee mee ɓee’g ləm tɔ.

Jeremi 33:26

ma m’a kuba ŋgaka Jakob, gə ŋgaka kura ləm Dabid kya̰ dee togə́bè ləm, mbuna ŋgakeaje’g lé m’a kɔr deḛ gə́ d’a gə ko̰ dɔ ŋgaka Abrakam, gə ka̰ Isaak, gə ka̰ Jakob el ŋga ləm tɔ. Mbata m’a kar njé’g lə dee gə́ d’aw ɓee-ɓər’g tel ree ɓée ləm, m’a koo kəmtondoo lə dee ləm tɔ.

Amɔs 9:11

Mee ndəa’g neelé n’a kun ɓeeko̰ lə Dabid Gə́ to asəna gə kəi gə́ oso lé Kuree tar lée’g gogo ləm, N’a gɔl kəmee gə́ ta̰ ləm, N’a gɔl néje gə́ tuji keneŋ Kunda dee tar lée’g ɗaŋg ləma, N’a rəa sigi to gə́ to ne keneŋ ləw lé ləm tɔ.

Jakari 12:8

Mee ndəa’g neelé Njesigənea̰ a kaḭ bada dɔ njé gə́ Jerusalem’g ndá njerəm gə́ dan dee’g mee ndəa’g neelé siŋgá a kasəna gə ka̰ Dabid bèe ləm, gel-bɔje lə Dabid d’a to kəm dee’g asəna gə Ala bèe ləma, d’a to kasəna gə kura lə Njesigənea̰ gə́ dara no̰ dee’g bèe ləm tɔ.

Matiyo 1:18

Koji Jeju Kristi lé to togə́bè: Mari gə́ kea̰je lé to njemɔr lə Jisəb, deḛ səa taa na̰ el ɓəi nɛ yeḛ aw gə kèm mée’g: kèm lé to gə goo siŋgamoŋ lə Ndilmeenda.

Matiyo 1:2

Abrakam to bɔ Isaak, Isaak to bɔ Jakob, Jakob to bɔ Juda deḛ gə ŋgakea̰je.

Matiyo 15:22

Dené gə́ ḭ ɓee gə́ Kana̰ lé dar Jeju bus ndá yeḛ ra ne wəl pana: Mbaidɔmbaije, ŋgon Dabid, oo kəm lootondoo’g ya kari. Ŋgonəm gə́ dené lé ndil gə́ yèr ula kəmee ndòo yaa̰.

Matiyo 3:16

Loo gə́ Ja̰ rəa batɛm mba̰ ndá Jeju ḭ mán unda loo teḛ. Aa oo, kəm dara teḛ ndá yeḛ oo Ndil Ala ḭ keneŋ nar asəna gə dərnda ree si dəa’g.

Matiyo 9:27

Jeju ḭ keneŋ ndá njékəmtɔje joo d’oré gée, deḛ ra né gə ndu dee gə́ boi wəl pana: Ŋgon Dabid, oo kəmtondoo lə sí ya kari.

Lugu 1:33

Yeḛ a ko̰ɓee dɔ gel-bɔje’g lə Jakob saar-saar gə no̰ ndá ɓeeko̰ ləa lé rudee a godo.

Tagə́maji gə́ Ja̰ ndang 7:42

Maktub gə́ to gə kəmee lé see pana: Kristi lé a kḭ ginka’g lə Dabid’g ləm, gə ŋgon ɓee gə́ Betlehem gə́ to ɓee-si Dabid ləm tɔ lé see pa bèe el wa.

Néra Njékaḭkulaje 2:30

Yeḛ lé to gə́ njetegginta ləm, yeḛ gər gao, Ala nja man rəa aree mba kar ŋgokea kára mbuna ŋgakeaje’g si kalimbai’g ləa tar gao ya.

Njé gə́ Rɔmə 1:3

To ta lə Ŋgonee gə́ gəd-gəd gə́ d’ojee ginka Dabid’g, yeḛ ɓa wɔji dɔ darəa,

Njé gə́ Rɔmə 4:13

Tɔgərɔ ya, ndukun gə́ Ala un ar Abrakam gə ŋgakeaje lai gə mba kar dee dɔ naŋg nee gə́ ka̰ dee-deḛ lé yeḛ ar dee mbata meekarabasur lə dee gə́ d’iŋga gə goo meekun lə dee ɓó gə goo godndu lé el.

Njé gə́ Rɔmə 9:5

gə ndukunje ləa ləm, ginka deḛ gə́ to gə kəmee ləma, Kristi gə́ to gə́ dəw dɔ néje lai kara darəa ḭ rɔ dee’g ləm tɔ. Maji kar Ala tɔr ndia dəa’g gə mba kar dəa ai səgərə saar-saar gə no̰. Amen.

Njé gə́ Galati 3:16

Bèe ndá ndukunje lé Ala un ar Abrakam ləm, ar ŋgakeaje ləm tɔ. Ta gə́ maktub pa lé wɔji dɔ ŋgakeaje gin bula el, nɛ wɔji dɔ ŋgakeaje gə́ gin kára ba ya. Maktub pana: Ŋgokai lé yee ɓa wɔji dɔ Kristi ya.

1 Timote 2:5

Tɔgərɔ ya, Ala lé kára ba kiao ləm, gə njekaar dana kára ba kiao ləm tɔ, yeḛ nja ɓa aar ŋgaw dan Ala lé gə dəwje lé,

2 Timote 2:8

Ar məəi olé dɔ Jeju Kristi yeḛ gə́ ḭ ginka’g lə Dabid ləm, yeḛ unda loo teḛ dan njé gə́ d’wəi’g gə goo tagə́maji gə́ to gə́ kama lé ləm tɔ.

Loo gə́ killa rea kəm Ja̰’g 22:16

Ma Jeju, m’ula kura ləm gə mba karee to njekɔrgoota neelé kar Eglisəje. Ma m’to gə́ ŋgoka Dabid ləm, m’to gə́ duje lookàr ləm tɔ.