Mark 9:45 - Maktub gə́ To gə Kəmee

⁴⁵ Ɓó lé gɔli to né gə́ aw səi ilai dan kaiya’g ndá maji kari tuga badə gaŋg.

Mark 9:45 ပူးပေါင်းရင်းမြစ်များ

Matiyo 18:8

Ɓó lé jii əsé gɔli ɓa odi loo-kaiya’g kɔrəm ndá inja badə gaŋg unda piriŋ ila kɔ, aw gə jii dum əsé məd-dəw gə́ loo gə́ a si gə kəmə keneŋ lé maji unda kaw gə jii bɔr əsé gɔli bɔr kar dee d’wai d’ilai dan pər gə́ a ko̰ bilim-bilim gə no̰ lé.

Matiyo 5:22

Nɛ ma nja m’ula sí woḭ, nana ɓa gə́ ra meeko̰ dɔ ŋgokea̰’g ndá d’a koso səa loo-gaŋg-rəwta’g ya. Yeḛ gə́ taji ŋgokea̰ ɓaree mbə lé ndá d’a koso səa loo-gaŋg-rəwta lə Jibje. Yeḛ gə́ ɓar ŋgokea̰ kɔr ndá pər gehene’g ɓa gə́ bo̰ nérea gə́ a kɔs təa’g.

Mark 9:43

Ɓó lé jii to né gə́ ɔsi ilai dan kaiya’g ndá tuga badə gaŋg.

Mark 9:44

Kaw gə jii gə́ dum loo-si kəmba’g lé maji unda kari aw gehene loo gə́ pər a kwəi keneŋ nda̰ el lé gə jii gə́ joo bɔr.

Mark 9:46

Kaw gə gɔli gə́ məd loo-si kəmba’g lé maji unda kar dee d’ilai gehene’g gə gɔli joo-bɔr, loo gə́ pər a kwəi keneŋ nda̰ el lé.