Mark 9:32 - Maktub gə́ To gə Kəmee

³² Nɛ njékwakiláje gər ta gə́ yeḛ pa lé el tɔɓəi deḛ ɓəl, d’oo loo kila ɗigi kaaree’g dəjee taree el tɔ.

Mark 9:32 ပူးပေါင်းရင်းမြစ်များ

Mark 16:14

Waga tɔɓəi ndá Jeju teḛ kəm deḛ gə́ dɔg-gir-dee-kára gə́ d’isi ta ka-nésɔ’g lé, yeḛ ndaŋg dee dɔ meendər’g lə dee ləm, gə dɔ kɔstarəw’g lə dee ləm tɔ, mbata d’ɔm meḛ dee dɔ ta’g lə deḛ gə́ d’ée loo gə́ yeḛ unda loo teḛ dan njé gə́ d’wəi’g lé el.

Mark 7:18

Yeḛ ula dee pana: See seḭje kara kəm sí inja el nja ɓəi wa. See seḭ gərje né el ɓəi wa. Né kára kara gə́ ḭ raga oso mee dəw’g lé as mba kar mée mina̰ ne jɔmri-jɔmri el.

Mark 8:33

Nɛ Jeju tel kəmee bir-bir gə́ rɔ njékwakiláje’g ndaŋg Piɛrə ulá pana: Njekurai, ɔd tam’g gə́ gogo! Takə̰ji ləi wa bua ka̰ dəwje ɓa ɓó wa bua ka̰ néje lə Ala ɓa el.

Mark 9:10

D’wa ta neelé meḛ dee’g bururu, dəji na̰ pana: See kunda loo teḛ dan njé gə́ d’wəi’g lé see to gə́ ta ɗi ɓa bèe wa.

Lugu 18:34

Nɛ ta neelé deḛ gər ginee el. To ta gə́ to loo-kiya’g kəm dee’g ar dee d’oo rəbee gər gəd el nja saar lé.

Lugu 2:50

Nɛ ta gə́ yeḛ ula dee lé deḛ gər rəbee el.

Lugu 24:45

Yen ŋga yeḛ ar meḛ dee tɔ kujita gə mba kar dee gər ne gin ta gə́ mee maktub gə́ to gə kəmee lé tɔ.

Lugu 9:45

Nɛ njékwakiláje gər rəw ta neelé sur el, to ta gə́ to loo-ŋgəḭ’g mbata lə dee ɓəi, nà banelə d’a kḭ gər rəbee. Tɔɓəi deḛ ɓəl kila ɗigi kaaree’g dəjee ne taree tɔ.

Tagə́maji gə́ Ja̰ ndang 12:16

Njékwakiláje gər gin néje neelé kédé sur el ɓəi. Nɛ loo gə́ d’ula rɔnduba Jeju’g mba̰ ndá meḛ dee olé dɔ ta gə́ ndaŋg mee maktub’g d’wɔji ne dəa ləm, gə d’aw ne lée’g béréré dəa’g ləm tɔ.

Tagə́maji gə́ Ja̰ ndang 16:19

Jeju oo to gə́ deḛ ndigi dəjee ta ndá yeḛ ula dee pana: Seḭ dəjije na̰ ta gə́ yo gə nee dɔ ta gə́ ma m’ula sí’g m’pana: Waga ba ndá seḭ a koomje el ŋga, tɔɓəi m’tel m’pana: Mbɔr bəl ɓəi ndá seḭ a koomje ɓəi.

Tagə́maji gə́ Ja̰ ndang 4:27

Yen ŋga njékwakiláje teḛ wai ndá kaar dee wa dee paḭ mbata yeḛ si wɔji ta gə dené gə́ Samari lé. Nɛ dəw kára kara mbuna dee’g dəjee pana: See ta ɗi ɓa i dəjee wa. Esé see ta ɗi ɓa i wɔji səa bèe wa dəw dəjee togə́bè el.