Mark 6:15 - Maktub gə́ To gə Kəmee

¹⁵ Njé gə́ raŋg pana: To Eli. Ar njé gə́ raŋg ya pana: To njetegginta asəna gə njéteggintaje gə́ raŋg tɔ.

Mark 6:15 ပူးပေါင်းရင်းမြစ်များ

Matiyo 16:14

Deḛ tel d’ilá keneŋ pana: Njé gə́ na̰je d’ooi gə́ Ja̰ Njera-batɛm, njé gə́ na̰je pana: I to Eli, ar njé gə́ na̰je kara pana: I to Jeremi əsé njetegginta lé ɓa.

Matiyo 21:11

Boo-dəwje tel d’ila dee keneŋ pana: To Jeju, njetegginta gə́ Najaret mee ɓeeko̰ gə́ Galile.

Mark 6:16

Loo gə́ Herɔdə oo ta neelé ndá yeḛ pana: To Ja̰ Njera-batɛm gə́ ma m’tuga dəa m’gaŋg lé ɓa unda loo teḛ dan njé gə́ d’wəi’g ya.

Mark 8:28

Deḛ tel ndigi təa’g pana: Njé gə́ na̰je pana: i to gə́ Ja̰ Njera-batɛm ləm, njé gə́ raŋg pana: I to Eli ləma, gə njé gə́ na̰je pana: I to njetegginta gə́ kára bèe ləm tɔ.

Lugu 1:17

Yeḛ a kaw no̰ Ala’g gə goo ndil gə siŋgamoŋ gə́ ka̰ Eli mba gɔl ne meḛ bɔ ŋganje kar dee d’wa ne ŋgan deeje gə́ rɔ dee’g ləm, mba gɔl ne meḛ njékaltaje kar dee taa ne kəmkàr lə njémeekarabasurje lé ləm tɔ. Togə́bè ɓa, yeḛ a gɔl dəwje gə mba kar dee to majikojije kar Mbaidɔmbaije ya.

Lugu 7:16

Koso-dəwje lai neelé ɓəl unda dee badə gaŋg dee ar dee pidi Ala pana: Ŋgɔ-njetegginta gə́ dum ya to ŋga, unda loo teḛ mbuna sí’g. To Ala nja ɓa ila ne kəm koso-dəwje ləa toro’g.

Lugu 7:39

Parisiḛ gə́ ɓar Jeju lé loo gə́ yeḛ oo togə́bè yeḛ ə̰ji ta mée’g pana: Ɓó lé dəw neelé to gə́ njetegginta ndá a gər néra dené gə́ njekɔrɔ rəa neelé a gəree gə́ kaiya-dené gao ya.

Lugu 9:19

Deḛ d’ilá keneŋ pana: I to Ja̰ Njera-batɛm. Njé gə́ raŋg pana: I to Eli. Njé gə́ raŋg pana: I to gə́ njetegginta gə́ kára gə́ mbuna mareeje gə́ ləw lé ɓa unda loo teḛ dan njé gə́ d’wəi’g.

Lugu 9:8

Njé gə́ raŋg pana: To Eli ɓa unda loo teḛ. Njé gə́ na̰je pana: Yeḛ gə́ kára mbuna njéteggintaje gə́ ləw lé ɓa unda loo teḛ.

Tagə́maji gə́ Ja̰ ndang 1:21

Deḛ dəjee tɔɓəi pana: Bèe ŋga see i to gə́ dəw gə́ banwa. See i ɓa to gə́ Eli lé wa. Yeḛ pana: Ma m’to yeḛ el. Deḛ dəjee pana: See i to gə́ njetegginta lé wa. Yeḛ ila dee keneŋ tɔɓəi pana: Ma m’to yeḛ el tɔ.

Tagə́maji gə́ Ja̰ ndang 1:25

Deḛ dəjee ta kára nja tɔɓəi pana: Ŋga i lé to gə́ Kristi el ləm, Eli el ləma, njetegginta el ləm tɔ, ŋga see ban ɓəi ɓa i ra dəwje batɛm ɓəi wa.

Tagə́maji gə́ Ja̰ ndang 6:14

Loo gə́ koso-dəwje neelé d’oo némɔri gə́ Jeju ra lé ndá deḛ pana: Tɔgərɔ ya, yeḛ neelé to gə́ njetegginta gə́ a gə ree naŋg neelé ya.

Tagə́maji gə́ Ja̰ ndang 7:40

Dəw-bulaje neelé loo gə́ d’oo ta gə́ yeḛ pa neelé ndá deḛ pana: Yeḛ neelé to gə́ njetegginta gə́ tɔgərɔ ya.

Tagə́maji gə́ Ja̰ ndang 9:17

Yee ɓa ar ta tḭ-na̰ oso ne mbuna dee’g. Tɔɓəi deḛ tel dəji ne yeḛ gə́ kédé to njekəmtɔ lé pana: See i lé pa kaḭ ba̰ dɔ yeḛ gə́ njekar kəmi teḛ’g lé wa. Yeḛ ila dee’g pana: Yeḛ to gə́ njetegginta lé ya.