Mark 5:36 - Maktub gə́ To gə Kəmee

³⁶ Nɛ Jeju un mbia dɔ ta’g lə dee rəw, ula ŋgatɔg dee gə́ kəi-kwa-dɔ-na̰’g neelé pana: Ila məəi dɔ maree’g ɓó ɓəl el.

Mark 5:36 ပူးပေါင်းရင်းမြစ်များ

2 Sôrta Gḭka Israɛlje 20:20

Bèlè lookàree deḛ d’ḭ gə ndɔ rad njaa d’aw dɔdilaloo gə́ Tekoa. Loo gə́ d’a gə kḭ mba kaw ndá Josapat aar no̰ dee’g ula dee pana: Ooje ta ləm, seḭje gə́ Juda gə Jerusalem! Maji kar sí ɔmje meḛ sí dɔ Njesigənea̰, Ala’g lə sí ndá seḭ a ŋgəŋje ne ŋgəŋ-ŋgəŋ. Maji kar sí ɔmje meḛ sí dɔ njéteggintaje’g ləa ndá seḭ a teḛje ne kɔr tɔ.

Matiyo 17:20

Jeju ila dee keneŋ pana: To mbata meekun lə sí gə́ əḭ el lé ɓa seḭ asjekəm raje ne né gə́ togə́bè el. Ma m’ula sí təsərə, ɓó lé meekun lə sí to asəna gə kandə né gə́ yəm-yəm bèe ndá seḭ a kulaje mbal neelé pana: Un rɔi unda gə́ yo bèe ndá léegəneeya, yee a kun rəa kunda gə́ yo ya tɔ. Né kára kara a dum sí el.

Matiyo 9:18

Loo gə́ yeḛ si pa taje neelé bèe-bèe ndá mbai gə́ njekəi-kwa-dɔ-na̰ kára ree rəm yəm ɔs kəjee naŋg nea̰’g pana: Ŋgonəm gə́ dené wəi ɓasinè ya ɓəi. Nɛ gə́ ree, ila jii dəa’g ndá a si kəmba ya.

Mark 5:22

Yen ŋga dəw kára gə́ to mbai gə́ njekəi-kwa-dɔ-na̰, gə́ ria lə Jayirus, aa loo oo Jeju ndá ti oso naŋg gɔlee’g,

Mark 5:34

Jeju ulá pana: Ŋgonəm gə́ dené, meekun ləi taa né ari aji ne ya, ɔd aw loo ləi gə meekulɔm ləm, maji kar rɔko̰ ləi lé ɔr rɔi’g gə no̰ péd-péd ləm tɔ.

Mark 9:23

Jeju ilá keneŋ pana: I pana: See m’askəm ra wa pa bèe. Yeḛ gə́ rara ɓa gə́ ɔm mée dɔm’g jəb-jəb ndá né gə́ njedumee godo.

Lugu 8:50

Loo gə́ Jeju oo ta lə dee lé ndá yeḛ ula ŋgatɔg dee gə́ kəi-kwa-dɔ-na̰’g neelé pana: Maji kari ila məəi dɔ maree’g ɓó ɓəl el ndá ŋgoni lé a kaji ya ɓəi.

Tagə́maji gə́ Ja̰ ndang 11:40

Jeju ilá keneŋ pana: See ma m’ulai el wa, ma m’ulai m’pana: Ɓó lé i ɔm məəi dɔm’g ndá i a koo rɔnduba lə Ala lé gə kəmi bèe ya.