Mark 5:29 - Maktub gə́ To gə Kəmee

²⁹ Léegəneeya məs gə́ tal rəa’g lé ginee gaŋg ŋgaji aree gər gao rɔko̰ gə́ rəa lé godo rəa’g péd-péd aree aji mba̰.

Mark 5:29 ပူးပေါင်းရင်းမြစ်များ

1 Mbaije 8:37

Loo gə́ ɓoo-boo, gə yoo-koso, gə rɔko̰ kwa moro ɗugugu-ɗugugu, gə rɔko̰ gə́ ar kó oji sum wa ɗugugu-ɗugugu, gə beedéje əsé gabəraje d’a teḛ ne ɓee’g, əsé loo gə́ njéba̰je d’a gugu dɔ koso-dəwje ləi sub mee ɓee’g lə dee saar teḛ tarəwkəije’g lə dee, loo gə́ yoo-koso əsé rɔko̰je gə́ ɓəd-ɓəd d’a teḛ,

Pakɔsje 103:3

Yeḛ nja ɓa ar mée oso lemsé Dɔ néra kori-korije’g ləi lai ləm, Rɔko̰je gə́ gə ria-ria kara Yeḛ ɔr rɔi’g ndɔs-ndɔs ləm tɔ.

Pakɔsje 107:20

Yeḛ ula gə ta ləa ɔr ne rɔko̰ rɔ dee’g ləm, Ɔr dee ne ta bwa-yoo’g ləm tɔ.

Pakɔsje 147:3

Yeḛ aji deḛ gə́ ɓəŋgərə dee ti dus ləm, Yeḛ tɔ ta dooje lə dee ləm tɔ.

Pakɔsje 30:2

Ǝi Njesigənea̰, ma m’ula rɔnduba dɔi’g Mbata i nja unm urm tar, I ndigi kar njéba̰je ləm d’al rɔ dee dɔm’g el.

Teḛ-Raga 15:26

Yeḛ pana: Ɓó lé seḭ tugaje mbi sí ooje ne ndu Njesigənea̰, Ala lə sí ləm, lé seḭ raje né gə́ taa kəmee ləm, lé seḭ urje mbi sí ooje ne torndiaje ləma, lé seḭ raje godndiaje ləm tɔ ndá rɔko̰je gə́ ɓəd-ɓəd gə́ m’tuji ne njé gə́ Ejiptə lé m’a tuji sí ne el, mbata ma lé m’to Njesigənea̰ gə́ njekaji sí ya.

Ləbije 14:48

Ɓó lé njekinjanéməs gə́ tel aw mee kəi’g neelé oo to gə́ moro neelé aw gə́ kédé-kédé el, loo gə́ deḛ rḛdə mee kəi neelé mbiao̰-mbiao̰ mba̰ ndá yeḛ a pa njaŋg pana: Kəi neelé àr mbata moro lé godo keneŋ ŋga.

Ləbije 20:18

Ɓó lé diŋgam to gə dené gə́ wɔməs ləm, gə oo məs gə́ aḭ kudee’g ləm, ar dené neelé kara ɔr né dɔ məs’g ləa ləm tɔ ndá deḛ joo bɔr neelé kəm kɔr dee mbuna dəwje’g lə dee ya.

Matiyo 9:20

D’isi d’aw ndá dené gə́ rɔko̰-məs rəa as ləb dɔg-giree-joo uru mbuna dee’g ɔrɔ ta kubu ləa.

Mark 3:10

Mbata loo gə́ yeḛ ɔr rɔko̰ rɔ dəwje bula ndá deḛ lai gə́ to njérɔko̰je lé buŋga na̰ dəa’g gə mba kwa rəa gə ji dee ya peb-peb karee aji dee.

Mark 5:28

Mbata yeḛ ə̰ji mée’g pana: Ɓó lé ta kubu ləa nja ɓa n’a kwa gə ji neḛ kara rɔ neḛ a to kari péd-péd ya.

Mark 5:34

Jeju ulá pana: Ŋgonəm gə́ dené, meekun ləi taa né ari aji ne ya, ɔd aw loo ləi gə meekulɔm ləm, maji kar rɔko̰ ləi lé ɔr rɔi’g gə no̰ péd-péd ləm tɔ.

Lugu 7:21

Mee kàree’g neelé Jeju aji njérɔko̰je keneŋ bula ləm, gə yɔ-dəwje ləm, gə deḛ gə́ ndilje gə́ yèr ra dee ləma, yeḛ ar njékəmtɔje bula kara d’oo loo ləm tɔ.