Mark 3:20 - Maktub gə́ To gə Kəmee

²⁰ Jeju gə njékwakiláje tel ree kəi ndá boo-dəwje d’ḭ kəmlə-kəmlə ar dee d’oo loo sɔ né el.

Mark 3:20 ပူးပေါင်းရင်းမြစ်များ

Mark 1:45

Nɛ loo gə́ diŋgam neelé ɔd aw ndá yeḛ un kudu tɔs taree mbi dəwje’d gə́ kédé-kédé, ar Jeju oo loo kila rəa mee ɓee’g neelé el nja saar. Togə́bè ɓa yeḛ aw si dɔdilaloo’g walá ndá dəwje d’ḭ gə ɓee-ɓee ree rəa’g.

Mark 2:1

Ndɔje dəs bula lam ndá Jeju tel aw Kapernawum. D’oo to gə́ yeḛ si mee kəi’g

Mark 3:19

gə Judas Iskariot, dəw gə́ njekun dɔ Jeju lé tɔ.

Mark 3:7

Jeju gə njékwakiláje d’ɔs badm tel gə́ par gə́ ta baa-boo’g ndá boo-dəwje gə́ bula digi-digi d’ḭ Galile tuga na̰ kəmlə-kəmlə ndolè gée,

Mark 3:9

Togə́bè ɓa yeḛ ula njékwakiláje gə mba kar dee d’wa ŋgaw to ŋginá ne pèrèrè nà banelə boo-dəwje neelé d’a kɔs neḛ ɓèsèsè-ɓèsèsè.

Mark 6:31

Jeju ula dee pana: Reeje ar sí n’saaje rɔ sí j’awje dɔ loo’g mba kwa rɔ sí keneŋ waga ɓa. Mbata dəwje d’aw dɔ na̰’d yo gə́ nee ar loo mba sɔ né godo.

Mark 7:17

Loo gə́ yeḛ ya̰ boo-dəwje neelé gə kuree əw ree andə mee kəi’g ndá njékwakiláje dəjee goo ta nee gə́ yeḛ ula dee gə gosota raga lé.

Mark 9:28

Loo gə́ Jeju rəm aw kəi ndá njékwakiláje nja doŋgɔ doi d’un ta dəjee pana: See gelee ban ɓa jeḛ j’askəm tuba ndil gə́ yèr neelé el wa.

Lugu 6:17

Yeḛ risi sə dee gə́ bər loo gə́ loo asəna rai-rai keneŋ, lée neelé d’iŋga boo-njékwakiláje keneŋ gə dəwje bula digi-digi gə́ d’ḭ Jude ləm, gə Jerusalem ləma, gə Tir gə Sido̰ gə́ to ta mán’g ləm tɔ. Deḛ ree keneŋ gə mba koo ta təa’g ləm, gə mba kar rɔko̰je lə dee kara ɔr rɔ dee’g ləm tɔ.