Mark 2:20 - Maktub gə́ To gə Kəmee

²⁰ Ndɔ gə́ d’a kɔr njedené-sigi mbuna dee’g kigi səa ndá ndəa neelé ɓa gə́ ndɔ gə́ d’a gə kɔg meḛ dee ɓoo keneŋ ɓəi tɔ.

Mark 2:20 ပူးပေါင်းရင်းမြစ်များ

Pakɔsje 45:11

Ŋgonəm gə́ dené, maji kari kɔd mbii ila tag oo ne ta nee: Ar məəi wəi dɔ dəwje’g ləi ləm, gə dɔ njémeekəije’g lə bɔbije ləm tɔ.

Pa gə́ ur dɔ paje 3:11

Ŋgama̰dje gə́ Sio̰, Maji kar sí teḛje raga ooje Mbai Salomo̰ gə dɔgugu-mbai Gə́ kea̰je ula dəa’g Ndɔ ra naḭ taa dené’g ləa lé To ndɔ gə́ rəa lelee dɔɓəŋgəree’g ya.

Esai 54:5

Mbata njekundai ɓa gə́ ŋgabije, Njesigənea̰ gə́ njeboo-néje ɓa gə́ ria, Njerɔkunda lə Israɛlje ɓa gə́ njekoga dɔi! Yeḛ lé ria lə Ala gə́ to mbai dɔ naŋg nee lai.

Esai 62:5

To gə́ basa ɔm ne na̰’d Gə ŋgoma̰də gə́ gər ŋgaw el ɓəi bèe lé Ŋganije gə́ diŋgam d’a kɔm səi na̰’d togə́bè tɔ. To gə́ njedené-sigi ra ne rɔlel dɔ dené’g ləa bèe lé I a to nérɔlel lə Ala togə́bè tɔ.

Jakari 13:7

Njesigənea̰ gə́ njeboo-néje ɓa pa togə́bè pana: Kiambas, maji kari ḭta rɔ gə njekulbadje ləm ləm Gə yeḛ gə́ to njeboalookaw ləm ləm tɔ. Maji kari tɔl njekulbadje ar badje d’aḭ sané na̰ kad-kad. Bèe ɓa n’a tel gə ji neḛ par gə́ rɔ dee gə́ siŋga dee godo’g lé.

Matiyo 26:31

Yen ŋga Jeju ula dee pana: Mee til’g neelé né gə́ a gə ram lé a kila sí kag lai, to gə́ maktub lé pana: M’a kunda njekulbadje ndá badə-kosoje lai d’a kaḭ sanéna̰ kad-kad.

Matiyo 9:15

Jeju ila dee keneŋ pana: Baokuraje lə njedené-sigi lé see d’a kula rɔ dee ndòo loo gə́ njedené-sigi nai sə dee ɓəi wa. Ndəa gə́ kàree a teḛ lé d’a kɔr njedené-sigi mbuna dee’g ndá d’a kɔg meḛ dee ɓoo ɓəi.

Mark 2:19

Jeju ila dee keneŋ pana: See loo gə́ njedené-sigi nja si gə kuramareeje na̰’d ɓəi lé see d’a kun kəm dee rəw dɔ nésɔ’g wa. Wah! d’a kun kəm dee rəw dɔ’g el mbata yeḛ nja si sə dee na̰’d ɓəi.

Mark 2:21

Dəw kára kara a kun mbida ta kubu gə́ sigi kɔr ne kəm ŋgisi kubu el, mbata yee gə́ sigi neelé siŋga a kur dɔ nje gə́ ləw gə́ neelé ndá a kunda bərəŋ-bərəŋ til karee dum nje gə́ kédé ŋga.

Lugu 17:22

Yeḛ ula njékwakiláje pana: Ndəaje a gə teḛ loo gə́ seḭ a ndiŋgaje rɔ sí gə mba kooje ndəa gə́ ka̰ Ŋgon-dəw lé nɛ seḭ a kooje pai godo.

Lugu 5:35

Ndɔ gə́ kàree a gə teḛ gə́ d’a gə kɔr njedené-sigi lé mbuna dee’g ndá yen ɓa deḛ d’a kɔg meḛ dee ɓoo keneŋ ɓəi.

Tagə́maji gə́ Ja̰ ndang 12:8

Njéndooje lé deḛ nai sə sí gə ndɔ dee ndɔ dee nɛ ma lé m’a si sə sí gə ndɔm-ndɔm el.

Tagə́maji gə́ Ja̰ ndang 13:33

Ŋganəmje, m’a nai sə sí kurm əw bəl ya ɓəi. Seḭ a saŋgmje pir-pir nɛ to gə́ ma m’ula Jibje lé pana: D’a kaskəm kila gɔl dee loo gə́ m’a gə kaw keneŋ el lé el, yee ɓa ma m’ula sí ɓasinè tɔ.

Tagə́maji gə́ Ja̰ ndang 16:28

Ma m’ḭ rɔ Bɔ-dəwje’g m’ree naŋg nee ya, nɛ ɓasinè m’ya̰ naŋg nee m’tel m’isi m’aw gə́ rɔ Bɔ-dəwje’g lé gogo.

Tagə́maji gə́ Ja̰ ndang 16:7

Nɛ ta gə́ ma m’ula sí lé to gə́ kankəmta ya, kaw gə́ m’a gə kaw lé a tel to maji dɔ sí’g ɓəi. Mbata ɓó lé m’a kaw el ndá njenai sə sí a ree rɔ sí’g el, nɛ ɓó lé m’a kaw ndá m’a kulá karee ree rɔ sí’g ya.

Tagə́maji gə́ Ja̰ ndang 17:11

Ɓasinè ma m’nai naŋg nee el ŋga nɛ deḛ lé deḛ nai naŋg nee ɓəi, ma lé m’isi m’aw gə́ rɔi’g. Bɔm gə́ njemeenda londoŋ, deḛ gə́ i am dee lé maji kari ŋgəm dee gə rii nja am mba kar dee to gə́ na̰’d kára ba to gə́ ma jeḛ səi bèe tɔ.

Tagə́maji gə́ Ja̰ ndang 17:13

Nɛ ɓasinè lé m’isi m’aw gə́ rɔi’g ya ndá m’pata néje neelé dɔ naŋg nee mba kar dɔ rɔlel ləm gə́ ɔr njal lé to ne meḛ dee’g.

Tagə́maji gə́ Ja̰ ndang 3:29

Dəw gə́ njedené-sigi, deḛ gə dené ləa d’wa boa gə na̰, nɛ baokura lə njedené-sigi gə́ aar keneŋ oo ndu sor ləa ndá rəa lelee yaa̰ mbata ndu sor gə́ yeḛ oo lé. Togə́bè rɔlel ləm-ma kara ɔr jol-jol tɔ.

Néra Njékaḭkulaje 1:9

Loo gə́ yeḛ pata neelé mba̰ ndá né unee dan dee’g ar dee d’ée njal mum on dəa ar dee d’ée el saar.

Néra Njékaḭkulaje 14:23

Deḛ d’ɔr ŋgatɔgje mee Eglisəje gə loo kára-kára lai tɔɓəi loo gə́ deḛ ra tamaji ɓa d’ɔg meḛ dee ɓoo ɓəi ndá d’ɔm dee ne ji Mbaidɔmbaije’g yeḛ gə́ d’un meḛ dee d’aree lé.

Néra Njékaḭkulaje 3:21

Yeḛ neelé a ra ɓee dara saar ndɔ gə́ d’a tel gɔl néje lai lée’g gogo gə goo ta gə́ Ala ula ta njéteggintaje’g ləa gə́ to gə kəmee lé.

1 Njé gə́ Kɔrḭtə 7:5

Ɔgje na̰ rɔ sí el. Ɓó lé seḭ gaŋgje rɔ sí ŋgəji ndá kara arje meḛ sí asəna keneŋ mba ra tamaji na̰’d waga ɓa a tel kiŋgaje na̰ ɓəi nà banelə malee gə́ ra sí lé Njekurai a kər sí ne.

2 Njé gə́ Kɔrḭtə 11:2

Mbata kəm əḭ dɔ sí’g gə kəmkəḭ ka̰ Ala. Ma m’ar sí taaje Kristi gə́ ŋgaw-kar gə mba kam m’teḛ sə sí rɔ Kristi asəna gə ŋgoma̰də gə́ rəa àr ŋgad-ŋgad gə́ gər ŋgaw el ɓəi.

2 Njé gə́ Kɔrḭtə 11:27

M’ula rɔm ndubu m’ra ne kula gə́ kədərə ləm, gɔl bula ɓi wa kəm loondul’g el ləm, m’wəi yoo-ɓoo gə yoo-kunda-mán ləm, m’ɔg məəm ɓoo gɔl bula ləm, m’wəi yoo-kul ləma, nékɔn-rɔ ləm godo ləm tɔ.

2 Njé gə́ Kɔrḭtə 6:5

Deḛ kunda sí ləm, d’ɔm sí daŋgai keneŋ ləm, koso-dəwje d’ḭ sə sí ləm, j’ula rɔ sí ndubu loo-kulaje’g ləm, j’ɔg rɔ sí dɔ ɓi’g ləma, nésɔ lal sí ləm tɔ.

Loo gə́ killa rea kəm Ja̰’g 19:7

Ar sí n’raje rɔlel, ar sí j’alje ne rɔ sí ləma, ar sí j’ulaje rɔnduba dəa’g ləm tɔ, mbata ndɔ ra naḭ taa dené lə Ŋgonbad lé kàree teḛ mba̰ ndá dené ləa wa dɔ gɔl rəa mbata ndɔ-naḭ lé mba̰ tɔ.

Loo gə́ killa rea kəm Ja̰’g 21:9

Tɔɓəi kura gə́ dara gə́ mbuna mareeje gə́ siri gə́ d’aar gə baije gə́ siri gə́ rudu boo-oŋg to keneŋ lé ulam ta pana: Maji kari gə́ ree, m’a kari oo njeŋgao-sigi, yeḛ gə́ to dené lə Ŋgonbad lé.