Mark 16:15 - Maktub gə́ To gə Kəmee

¹⁵ Tɔɓəi yeḛ ula dee pana, awje gə loo-loo dɔ naŋg nee ilaje mber tagə́maji lé arje dəw-kundaje lə Ala lé lai.

Mark 16:15 ပူးပေါင်းရင်းမြစ်များ

Pakɔsje 22:27

Njénékəmndooje d’a sɔ né karee as dee nag-nag ləm, Deḛ gə́ ndolè goo Njesigənea̰ lé d’a pidee ne ləm tɔ. Maji kar ŋgaw meḛ sí to kəmba saar-saar gə no̰!

Pakɔsje 96:3

Ɔrje sor rɔnduba ləa mbuna ginkoji dəwje gə raŋg’g lé Ɔrje sor némajije ləa gə́ maji dum mbuna koso-dəwje’g lai,

Pakɔsje 98:3

Yeḛ ar mée olé dɔ meemaji’g ləa gə dɔ meenda londoŋ’g ləa Gə́ wɔji dɔ gel-bɔje lə Israɛlje ləm, Kaji gə́ Ala lə sí aji sí ne lé D’oo gə loo lai-lai d’ɔr rudu naŋg nee njal ləm tɔ.

Esai 45:22

Telje gə́ rɔm’g nee Ndá seḭ a kajije ne, Seḭ lai gə́ síje gwɔi naŋg’d lé! Mbata ma nja m’to Ala Ɓó yeḛ gə́ raŋg godo.

Esai 49:6

Yeḛ pana: To né gə́ lam ba bèe ya Gə mba karm m’to kura lə neḛ Gə mba kam m’un ginkoji Jakobje m’ur dee tar ləm, Gə mba kam m’tel gə ges Israɛlje gə́ nai lé ləm tɔ. Neḛ nja n’undam mba kam m’to lookàr lə ginkoji dəwje gə raŋg ləm, Gə mba kam m’un ta kaji lə neḛ M’aw ne saar m’teḛ ne gwɔi naŋg’d ləm tɔ.

Esai 52:10

Njesigənea̰ ula ji meenda ləa ndiŋ Kəm ginkoji dəwje gə raŋg’g lai ar dee d’oo, Dəw-kundaje lai gə́ d’ɔr rudu naŋg nee rɔd lé D’a koo kaji gə́ Ala lə sí gə kəm dee nda̰-nda̰ ya.

Matiyo 28:19

Awje gə dɔ ɓee dɔ ɓee telje dəwje gə́ njékwakilamje, raje deeje batɛm gə ri Bɔ-dəwje ləm, gə ri Ŋgonee ləma, gə ri Ndilmeenda ləm tɔ.

Mark 13:10

Lé riri kara tagə́maji lé d’a kila mberee gə mba karee oso gə loo-loo rɔ ginkoji dəwje gə raŋg’g lai kédé ɓa néje neelé a teḛ ɓəi.

Tagə́maji gə́ Ja̰ ndang 15:16

To seḭ ɓa kɔdmje el, nɛ ma nja m’kɔd sí m’unda sí gə kəmee doi mba kar loo gə́ seḭ a kawje keneŋ ndá seḭ a ka̰dje gə kandə sí njim-njim ləm, kó sí kara a nai keneŋ ya ɓó a kudu el ləm tɔ, togə́bè ɓa né gə́ rara gə́ seḭ a kwɔije Bɔ-dəwje lé gə rim ndá yeḛ a kar sí née ya.

Tagə́maji gə́ Ja̰ ndang 20:21

Jeju ula dee gɔl kára tɔɓəi pana: Maji kar sí sije gə meekulɔm. To gə́ Bɔm ulam-ma lé ma kara m’ula sí-seḭ togə́bè tɔ.

Néra Njékaḭkulaje 1:2

saar ndɔ gə́ d’unee d’aw ne səa dara. Ndəa neelé yeḛ un ndia gə goo siŋgamoŋ lə Ndilmeenda ar njékaḭkulaje ləa gə́ yeḛ ɔr dee unda dee gə kəmee lé d’oo né gə́ yeḛ ndigi kar dee ra.

Néra Njékaḭkulaje 1:8

Nɛ seḭ a kiŋgaje siŋgamoŋ loo gə́ Ndilmeenda a dəb dɔ sí’g ndá seḭ a toje ne njékɔrgootaje ləm mee ɓee gə́ Jerusalem ləm, gə ɓeeje lai gə́ wɔji dɔ Jude ləm, gə Samari ləma, gə kɔr ne rudu naŋg nee njal ləm tɔ.

Njé gə́ Rɔmə 10:18

Nɛ ma m’pana: See Israɛlje d’oo ta neelé el wa. Deḛ d’oo ya. Ndu dee ɓar ɔr rudu naŋg nee rɔd ya ləm, Ta lə dee ɔr gwɔi naŋg nee njal ləm tɔ.

Njé gə́ Rɔmə 16:26

nɛ ɓasinè ta gə́ njéteggintaje ndaŋg lé riba dəa təsərə gə goo ndukun lə Ala gə́ njesikəmba lé ləm, ar ginkoji dəwje gə raŋg lai-lai d’oo mba kar dee d’un ne meḛ dee d’ila ne ŋgonkoji dəa’g ləm tɔ lé

Njé gə́ Epesə 2:17

Yeḛ ree ila mber ta gə́ wɔji dɔ kɔm na̰’d yəg ar sí-seḭ gə́ sije ŋgərəŋ ləm, gə deḛ gə́ d’isi dəb lé ləm tɔ.

Njé gə́ Kolosə 1:23

Nɛ kar sí-seḭ naije dan meekun’g lə sí njaŋg, lal yəje rɔ sí keneŋ ləm, meekundayel gə́ wɔji dɔ Tagə́maji gə́ seḭ ooje mba̰ lé seḭ a tɔje pum kubaje kya̰je el ləm tɔ lé yee ɓa gə́ kuma̰. Tagə́maji neelé d’ila mberee d’ar nékundaje lə Ala lai gə́ d’isi gin dara’g d’oo ya ləm, ma Pool kara d’undam gə́ njekɔrgoo gée ya ləm tɔ.

Njé gə́ Kolosə 1:6

Tagə́maji lé to mbuna sí’g ləm, to mbuna dəwje lai-lai gə́ dɔ naŋg neelé ləm tɔ, yee teḛkɔr aw gə́ kédé-kédé to gə́ yeḛ ra mbuna sí’g un kudee mee ndəa gə́ kəm sí inja dɔ noji’g lə Ala gə́ aw na̰’d gə kankəmta lé.

1 Ja̰ 4:14

Bɔ-dəwje lé ula Ŋgonee gə́ gəd-gəd mba karee to gə́ Njekaji dəwje dɔ naŋg nee, yee ɓa to né gə́ jeḛ j’oo gə kəm sí ləm, jeḛ j’ɔr taree j’ar sí ləm tɔ.

Loo gə́ killa rea kəm Ja̰’g 14:6

Ma m’oo kura gə́ dara gə́ raŋg gə́ nar bibibi dan dara’g. Yeḛ ɓa aw gə Tagə́maji gə́ to gə no̰ lé mba kila mberee kar dəwje gə́ dɔ naŋg nee, kar ginkoji dəwje gə raŋg lai ləm, gə gelɓee dəwje-dəwje lai ləm, gə dəwje lai gə́ tapa dee to gə ria-ria ləma, gə koso-dəwje lai ləm tɔ.