Mark 15:43 - Maktub gə́ To gə Kəmee

⁴³ Yen ŋga Jisəb gə́ Arimate, yeḛ to barkəm ŋgatɔgje lə deḛ gə́ ur dɔ mareeje’g ləm, yeḛ to gə́ njengina ɓeeko̰ lə Ala lé ya ləm tɔ. Jisəb lé ndəd rəa el nɛ yeḛ ḭ aw rɔ Pilatə’g aw dəjee nin Jeju.

Mark 15:43 ပူးပေါင်းရင်းမြစ်များ

Matiyo 19:30

Njé gə́ na̰je gə́ goo loo gə́ gogo d’a kaw gə́ ŋgaw ta dee kédé, nɛ njé gə́ na̰je gə́ d’aw gə́ ŋgaw ta dee kédé lé d’a tel to njé gə́ goo loo gə́ gogo tɔ.

Matiyo 20:16

Togə́bè ɓa deḛ gə́ goo loo gə́ gogo lé d’a kaw gə́ ŋgaw ta dee kédé, tɔɓəi deḛ gə́ d’aw gə́ ŋgaw ta dee kédé lé d’a tel to njé gə́ goo loo gə́ gogo tɔ.

Matiyo 27:57

Loo gə́ kàr andə mba̰ ndá dəw kára gə́ to bao gə́ ḭ Arimate gə́ ria lə Jisəb lé ree, yeḛ lé to gə́ njekwakila Jeju ya tɔ.

Mark 14:54

Piɛrə dan gée jan-jan saar uru səa gadloo’g lə ŋgɔ-njekinjanéməs. Yeḛ si gə kuraje ta pər’d si ndibi pər.

Mark 15:44

Kaar Pilatə wá paḭ loo gə́ yeḛ oo to gə́ Jeju wəi yal mba̰ ndá yeḛ ɓar ɓé-njérɔje dəjee mba koo see Jeju lé wəi kuree əw ya ŋga wa.

Lugu 2:25

Dəw kára si Jerusalem ria lə Simeo̰. Yeḛ to dəw gə́ njemeekarabasur ləm, gə njekwa Ala lé mée’g ləm tɔ. Yeḛ ŋgina né gə́ a kar meḛ Israɛlje to lɔm lé ləm, Ndilmeenda dəb dəa’g bigim ləm tɔ.

Lugu 2:38

Kàree neelé yeḛ kara ree iŋga dee keneŋ tɔ ndá yeḛ pidi Ala lé yaa̰ tɔ. Yeḛ pata lə ŋgonkas neelé ar dəwje lai gə́ d’isi kərm ŋgina njetaa dɔ dee gə́ si Jerusalem lé.

Lugu 23:50

Dəw kára bèe gə́ ria lə Jisəb to dəw gə́ njemeemaji gə njemeekarabasur, yeḛ to gə́ ɓee lə njégaŋ-rəwtaje lə Jibje lé

Lugu 23:51

nɛ loo gə́ d’wɔji rəw né lə dee gə́ ra lé yeḛ ɔm dee’g el, yeḛ to dəw gə́ Arimate ɓee lə Jibje tɔɓəi yeḛ si ŋgina ɓeeko̰ lə Ala lé pèrèrè tɔ.

Tagə́maji gə́ Ja̰ ndang 19:38

Gée gə́ gogo ndá Jisəb gə́ ɓee ləa Arimate gə́ to njekwakila Jeju nɛ gə goo ŋgəḭ mbata yeḛ ɓəl Jibje lé yeḛ aw dəji Pilatə gə mba karee un ndia ar dee d’ɔr ne nin Jeju d’aree. Pilatə un ndia aree ya tɔ. Ɓa yeḛ ree ɔr ne nin Jeju lé.

Néra Njékaḭkulaje 13:50

Denéje gə́ na̰je gə́ d’wa Ala meḛ dee’g gə́ to kankəm denéje mee ɓee’g ləm, gə dəwje gə́ boo mee ɓee’g ləm tɔ lé Jibje pélé meḛ dee wəs-wəs dɔ Pool gə Barnabas’g. Deḛ d’ɔs dee mba kar dee d’ula kəm Barnabas gə Sool ndòo ndá deḛ tuba dee dɔ naŋg’g lə dee.

Néra Njékaḭkulaje 17:12

Njé gə́ na̰je bula mbuna dee’g d’un ne meḛ dee, deḛ denéje gə́ Grekje gə́ to gə́ kankəm denéje gə́ mee ɓee’g bula ləm, diŋgamje kara bula ləm tɔ.

Njé gə́ Pilibə 1:14

Kúla gə́ deḛ tɔm ne neelé ula diŋgam meḛ kawal ŋgakɔmje gə́ ka̰ Mbaidɔmbaije lé ar dee d’ila ne mber ta lə Ala gə kəm ŋgon diŋgam unda nje gə́ kédé ɓó d’ar kaar dee ndəb dɔ’g el.